خبرتكم في القاهره.. ضروري

سحر2005;8966541:
بالنسبه لاحلى المطاعم اللي رحت لها مطعم قدوره للسي فود << هالكلام قبل 4 سنين مدري عنهم الحين بس جربي ماتخسري شي
ومطعم ومقهى العمده << خلف فندق اطلس الزمالك << بشارع جامعه الدول
واحسن مشاااوي بوسط البلد اسمه ابو رامي << مشهور على مستوى القاهره
وخان الخليل مقااهي وزحمه ناااس << مره ونيس هالمكاان
السينمات طبعا والمسااارح سوي سيرش عن المسارح اللي يعرض في هالوقت
فيهواغلب المسارح بشارع الاهرام تقدرين تمريهم وتحجزين قبل بيوم

سحر2005;8966652:
بالنسبه للعمله سعر الصرف في شهر 3 ميلادي
كل 100 دينار بحريني =920.520دينار بحريني

رحله موفقه

السمسم;8970566:
اختى الكريمه انى عايشه فى القاهره الجو معتدل دافى فى النهار بس بالليل برد شوى اما عن سعر الصرف مش عارفه العمله البحرينيه بس الدولار الواحد بخمس جنيه مصرى
اما عن الاماكن زورى الكار فور فى المعادى او الطريق الصحراوى حلو تمضى فيه يوم والسيتى ستارز زممكن تمشى لحديقه الازهر حلوه جدا وامشى لشارع جامعه الدول فيه محلات ومطاعم حلوه فى المهندسيين
انشالله انكون فدك

كمام الأمل;8973370:
مرحبا اختي بالنسبة للمجمعات حق الوناسه عند ستي سنتر بمدينة نصر هذا اكبر مجمع وفي سينمات ومطاعم يعني بتستانسون هناك

اي المجمعات الكبار بنستانس فيها بس بسألج نفس ماركات مجمعاتنا احنا مانبي ناخذ شي موجود بالديره نبي الاشياء الغريبه والرخيصه حق الصوايغ
***********************************
وعندج مجمع طعت حرب بوسط البلد حق تسوق وبعد في جم مطعم
**************************************
وفي الجنينه مول هذا اللي اذكرهم ولو تذكرت زياده بعد بقولج بس انصحج بستي سنتر روووووووووووعه شوي علييه

مادري هذا هوه المجمع الي يقولون عنه كله كوبي براند؟
عندهم مجمع كله تقليد ماركات بس صناعه مصريه>> أدور على اسمه
***************************************
بالنسبة لشريحة التلفون عندهم ثلاث شركات فودافون وموبينيل واتصالات وكل شركة اسعارهم تختلف على حسب العروض بعد بس انا كان عندي فودافون بس حاليا يقولون احسن شي وارخص شي اتصالات واسعارهم تتراوح ما بين 40 جنيه إلى 200 جنيه او اكثر لو كان الرقم مميز انا صراحه عندي الرقم يمكن تستفيدين منه بس تشحنينه بس انتي خبريني متى برتوحيين وممكن اعطييج البطاقه بس اول بتاكد وين حطيتها وبرد لج الخبر الاكيد

وايه عليج فديتج ماتقصرين حبيبتي بس عندي رقمين مال بنت خالتي تدرس هناك فالصيف فباخذ منها رقم بس كنت اسأل ابي حق ربعي عشان ناخذ كلنا نفس الشركة وابي اعرف شلون اعبيهم خبرج الاهل كل شوي بيتصلون ومابي اسوي على نفسي بيل موقاصرين ههه
*******************************************

ويالنسبة للأسواق انصحج بشارع شهاب وفي مجمع اسمه بلانتينيوم وبعد سوق وسط البلد حق التسوق عجيب
******************************************
وبالنسبه للجو مقارب للبحرين يعني بالنهار حار وبالليل بارد بس من غير رطوبه بس ساعات الجو يقلب فجأه يعني يتغير خلال اليوم انتي ودي الاكثر صيفي واحذي لج جم قطعه شتوي

يعني ينفع نطق شعورنا بالاستشوار ومايخترب ولا يكش؟ ههههه:tongue:>>جوفي البنات شيحاتون
**********************************
والدولار في مصر سعره مو ثابت يعني ينزل ويطلع بس تقريبا 100 دولار يعني 37 دينار تقريبا تصير بالجنيهات المصريه حوالي 520 جنييه

انا ليحين مادري اسوي لي دولارات ولا لاء؟

***********************************
ونصيحه بالنسبة للتكاسي اتفقو معاهم على السعر والمكان قبل لا تركبون وحسسوه انكم تعرفون المكان وحاولو تتكلمون مصري يعني لا تبينون انكم خليجيين عشان ما يرفع علييكم السعر وانتي ممكن اقولج اسعار التاكسي التقريبه لمكان لالي تبينه

فديت بنات الديره شلون يساعدون عسى ربي مايخليج بحايه لاحد .. ماتقصرين

بس ماعندهم شركات عندهم ليمو او فملي كار احنا خو الشباب بيتصرفون بس احنا 6 بنات وين ناخذ تكسيين ولا وين نحصلهم احنا نبي واحد ع الطلب الو تعال هالمكان الو خلصنا ونتفق معاه ع الاجره نتحاسب يوميا وتكون سيارته عوده ويديده

اذكر اخر مرة كنا في الاسكندريه والله ماجذب عليج ركبنا تكسي وانا طول الطريج ميوده الباب اخاف يطيح من زود ماالتكسي حالته لله(n)



ورحله سعيده ياقلبي

كمام الأمل;8973471:
ايي ونسيت اقولج على المطاعم انصحج بمطعم ابو شقرة بشارع جامعة الدول في المهندسيين عجيييييييييب
بس لا تجازفيين باي مطعم عشان لا سمح الله ما يصيدكم تسمم يعني بس المطاعم المشهوره

من هالناحيه ادري بالوصاخه والجو الوصخ لاتحاتين انا مخططه اخذ ابره تسمم قبل ماروح
******************************************************

وعندج بعد مطاعم المشهورة تشلييز وفرايدييز والفاست فود عموما يعني كنتاكي ماك وهاردييز ومطاعم
البيتزا وبعد في مطعم صيني اسمه بكينج
*****************************
ايي بعد المجمعات نسييت مجمع هيلتون رمسيس هذا روعه لو تبيين شنط وجواتي ماركات وتقلييد الماركات

وصلنا خير عندج فكره على جم اسعارهم؟
انا ليحين ماعرف اودي جم بجت وياي؟
***************************
وبعد شنو ياربي شنو طبعا مطعم قدوره بعد روعه وقالو لج عنه البنات وللحين ما تغير عن قبل

اي قدوره اعرفه ترى رايحه مصر من قبل بس كل شي اختلف احين في سنتين كل شي يتغير
**********************
وبعد انصحج تروحون السفينه الفرعونيه بس لازم بحجز بعد روعه بتستانسون خصوصا لو ركبتو فوق في سطح السفينه مع الهواء بكون روعه بس روحو في الغذاء احسن من العشاء

شنهي السفينه ذي وشلون نحجز؟
*************************

وبعد روحو حديقة دريم بارك في 6 اكتوبر اهي شوي بعيده بس وناسه

اي هذي مخططين لها

*********************
وروحو السفن اللي على النيل مثل البلو نايل وهالسوالف بعد روعه وركبو المراكب والحنطور هههههههه فن وناسه بروح وياج
تحمست هههههههه وفي حديقة اسمها ميرلاند فيها عرض دلافيين اهي قديمه بس حلوه بس مو مثل مستوى الباقيين
وبس إذا تذكرت شغلات ثانيه بيي اقولج


يه حياج الله

احنا بنروح مع الجامعة 6 بنات و10 شباب و2 من دكاترتنا بنزور الدوائر القضائيه الصبح والعصر بنفتل من جذي قاعده اسأل عن الاماكن اليديده

ملح الارض;8981102:
اتوقع البنات كفو ووفو بس عنجد لايطوفك ستي سنتر مره روعه وعند مطعم السي هورس الرحلات البحريه بالنيل والمقطم مره روعه تشوفي القاهره كلها ولاتنسي تروحي المتاحف مره نايس انا رحت لواحد اعتقد اسمه علي او شي زي كذا مش متاكده وبالنسبه للتاكسي احنا ناخذ لنا سواق يوميته 100 جنيه والسيارة حسب الموديل اذا تبغي اعطيك رقمه انا مستعده

كمام الأمل;8981444:
انا كنصيحه بقولج لا تشتريين من الستي سنتر يعني الستي سنتر حق وناسه (مطاعم+سينما+تمشي) اما ولو تبيين المجمع اللي فيه تقلييد الماركات اهو هيلتون رمسيس وبعد بتحصليين جم محل في وسط البلد بس ناسيه اسمهم ولو تبيين محل للشنط والجواتي كشخه واسعاره معقوله عندج club aldo وفي منه فروع وايد في القاهره عندج فرع في شارع شهاب في المهندسيين وعندج فرع في شارع نادي الصيد في المهندسيين بعد وعندج فرع في مجمع هيلتون رمسيس ويعني وايد فروع بس ذكرت لج جم مثال هذا نصيحه روحييه شغلاته راقيه وبنفس الوقت اسعاره حلوه
*******************************************************
والبطاقات انواع انا ما ادري شنو اللي عند بنت خالج بس انا اللي كانت عندي بدون بيل مجرد اشحنها على حسب اللي ابيه يعني من 10 جنيه إلى 200 جنيه وينباع الكروت في اي براده يعني عادي بكل مكان تحصلينهم
*****************************************************
لالا اوكي ما راح يخترب لانه خبرج ماعندهم رطوبه اللي تخرب الشعر نفس اللي عندنا يعني حتى لو صار الجو حار ماراح يكون رطب او يخرب الشعر ههههههههه
*****************************************************
والله شقولج مشكله سعر الدولار مو ثابت ولو اني كنت اسوي لي دولارات بس عندي نصيحه حلوه لج البيزات اللي عندج حوليهم لسعودي يعني اي شخص تشوفيينه قولي له لو عنده سعودي يبدله لج بالبحريني لانه لو رحتي صراف راح ياخذون علييج الفرق لانه السعودي اهناك عندهم اعلى من البحريني فمثلا 100 دينار بحريني راح اتييب لج 1000 ريال سعودي بس في مصر راح تفرق يعني راح تكون اكثر لو بالسعودي ما ادري فهمتي علي لو لا احس ما اعرف اشرح ههههههههههههه
**********************************************
ايي اهي التكاسي العاديه حالتهم حاله يعني موديل تحسينهم موديلات افلام اسود وابيض ههههههههه بس اللحين طالع تاكسي يديد اسمه تاكسي العاصمه هذا شغل نظيف بس ما ادري جان يصير تتفقين معاهم او لا لاني كنت عادي يعني وقت اللي احتاج انزل واركب باي تاكسي هههههههههههه
***********************************************
وبعد نسييت اقولج روحو حديقة الازهر وبوقت جريب المغرب المنظر روووووووووعه هناك على الغروب جذي حلوه للمشي بتستانسون فيها يعني وبعد لو تذكرت شي بايي اقولج

كمام الأمل;8982131:
اسعارهم تقريبا متفاوته بس في المتوسط على 150 جنيه او 200 جنيه يعني تقريبا بالبحريني 10 دينار او 15 دينار وفي مكان ارخص في وسط البلد بس ناسيه اسمه تقريبا ب 70 جنييه يعني حوالي 5 أو 6 دينار بحريني وعندج بعد محل CLUb aldo الشنط حلوه ورخيصه بس مو اللي تقلييد الماركات شنط خاصه بالمحل نفسه وتقريبا اسعارهم في حدود 70 جنييه إلى 150 جنييه يعني من 5 دينار إلى 10 دينار


اي حلوين اسعارهم..
******************************************
وعن البجت صراحه ما اقدر افيدج لانه على حسب شكثر بتسوقيين انا كان 400 دولار تقريبا يكفوني لمدة شهر يعني حوالي 150 دينار او 200 دينار بس للحياة العاديه هناك وتسوق على خفيف اما لو كان تبيين صوايغ وجذي زيديهم 150 بعد يعني ودي 300 دينار أو 500 دينار يعني على حسب انتي شلون صرفج

500 ههههههههههههه ماتعرفيني بودي 1000 واخاف يقصرني مع ان الكل يقولي وايد وماله داعي

انا مب عارفه اقسم الفلوس ولا ادري شاسوي

خليني اتفاهم وياج اكثر باجر عن الموضوع
*******************************************
اسعار الفنادق ما اعرف إن شاء الله البنات يفيدونج ونصيحه سكني في هيلتون رمسيس لانه صوبه المجمع فبكون سهل تتسوقون منه بدون لا تاخذون تاكسي

بس بنجوفه

ايي يارييت جان وناسه لانه انا خبره بالقاهره هههههههههههههههه
**************************