سؤال بليز عرسي جريب وما اعرف شو اسوي ؟

سوي حمام مغربي ,,
وتنظيف بشره ..

وحطي مكياااج لبناني ناعم

انشالله افدتج ^^

سوي فيشل حق ويهج وسوي عناية حق شعرج بدي كير منكيز مساج للجسم انا شخصيا ما احب الحمام المغربي ترا يسود انا ما سوي صراحة صبغت شعري وبالنسبة حق مكياج سوي ناعم يعني ما يغير شكلج احلي صراحة والناس اذواق

هلآ أختي

لا تحاااااااتين ..

إختاري صالون معروف وممتاز (أنا بصراحة ماعرف بصالوناتكم إسألي بنات الإمارات) ..

المهم لما تختارين صالون روحي له قولي لهم أنا عروس وأبي برنامج كامل للعروس .. وهو عبارة عن حمامات للجسم والشعر والبشرة .. وبديكير وتغذية للشعر .....آلخ..

وطبعاً هذا كله تسوينه تقريباً قبل العرس بثلاث شهور .. وممكن بشهر !!! بس الأفضل تبدين من الحين ..

بالنسبة للمكياج دام تبين هادي الأفضل تسوين مكياج لبناني .. والمكياج اللبناني ممكن يكون مائي يطلع أحلى والألوان واضحه وأجمل وهذا بالغالب أصلاً يسوونه للعروس ..

وحتى لو كان مكياج خليجي وثقيل يسوونه مائي لأنه أحلى وهو الدارج والمطلوب الحين..

يعني مو معقوله يسوون مكياج ألوان بودره!!!

وبالتوووووووووووووفيق يا أحلى عروس

حبيبتي ..لا تخافين ولا تتوترين..
شوفي في البداية شو جسمج محتاج..وشو بشرتج محتاجة..!!
وبعدين سيري سوي..!!
أنا عن نفسي اكتفيت بالحمام المغربي وتشقير كامل الجسم..وجلسة فيشال للويه..وسويت بديكير ومناكير..وحمامات زيوت لشعري..!!
ونصيحة..
إذا ما كنتي شعرانية لا تشيلين شعر جسمج كامل (الصدر البطن)شقريه مثل ما أنا سويت..لأنه لو شلتيه بيزيد زيادة وبتضطرين كل مرة تشيلينه..هاي نصيحة نصحتني إياها وحده شالت شعر جسمها كامل..وألحين تعاني..!!

وأنا من دبي..وما أعرف شيء في بوظبي..إن شاء الله بنات بوظبي يساعدنج..!!

روحي الصالون وقوليلهم انج عروس وبيخبرونج بالعرض اللي عندهم وكل هذا على الاقل قبل بشهر من العرس
واللي اعرفه صالون عروس الخليج اعتقد جي اسمه مكياجهم روعه وخصوصا الهنديه
على كلام مرت اخوي

عزيزيتي انصحك قبل ما تسوي اي خطوة استخيري واستشيري الخالق عزوجل والله الذي لا اله الا هو راح ينفعك ويفيدك ثم استشيري ذوي الخبرة واللله يوفقك
وتطلعي احلى عروس

انا سامعة عن صالون عروس الخليج في بوظبي،يقولون شغلهم حلو و مرتب.

انا شخصيا جربت صالون واحه ريماس في العين
عندهم ثنتين كل وحده تسوي مكياج احلى من الثانيه بس انا اخترت بنت البلاد
وكان عندهم عروض للعروس بصراحه اهتمام وذوق و نظافة شغل
وبعد ما جربت ها الصالون اتخيلوا ريلي ما يوديني غيره و بمناسبة و الا غير مناسبه
يقول لي سيري لهم و تعالي بلوك يديد
وربي يوفقج و يحقق كل اللي تتمنينه