قررت وين اتسافر تعال اساعدك

شااكره لك اختى رساله على تقديم خبراتك اتمنى لك التوفيق

السلام عليكم ؟؟؟
مشكوره اختي عالموضوع الرائع

والصراحه انا حابه اسير هالصيف تايلاند بس ريلي يبي ماليزيا؟؟؟؟

وانا سرت من قبل تايلاند بس حسيت روحي ما استانست وايد
وابي اروحه مره ثانيه

وما ادري دليني على اماكن حلوه في تايلاند وماليزيا ؟؟؟؟

ومشكووووووووووووووووووووره الغاليه

ان شالله بنسافر مصر ام الدنيا

على طريق rama في pratunam
أحدث مركز تسوق في المدينة يحتوي على مطعم ضخم ومتنوع في الدور الأرضي
ومتخصص في الأزياء والموضة ومستحضرات التجميل والملابس الداخلية النسائية
والألعاب الرياضية وألعاب الأطفال ومقاهي ومطاعم وجبات سريعة ومحل كنتاكي
وحوض سمك وقاعات سينما وحتى دار أوبرا أيضا
الأماكن الترفيهية والحدائق :.

دريم ووردلد مدينة الاحلام وهي مدينة العاب للاطفال والكبار
حديقة الزهور ( روز جاردن )
مدينة سيام بارك
مدينة الملاهي
حديقة حيوان دوسيت
سفاري وورد( حديقة الحيوان المفتوحة ، والحيوانات حرة طليقة )
ماجيك لاند
حديقة التماسيح
في منتزه سيركيت بانكوك تمشين فيه ريلاكس فيه بحيرة وبط حلو هادىء
وممكن تروحين مسرح فانتازيا وااااااايد حلوة انصحج فيها بتستانين وااايد وحديقه سيام بعد روووعه

ورحلة الى جزيرو جيمس بوند هاذي اتروحينها وانتي مقضة الصراحة تركبين القارب واتقولين سبحان الخالق طول الطريق من كثر المناظر الي بتمر عليح .. واي شي انا حاضرة

يااااسلام عليك بس

كنك داريه ان زواجي قريب ومحتاااااسه بموضوع السفر

عارفه من وانا صغنونه نفسي اروح جزر هاواي مرررررره تسحرني الطبيعه

بس هاليومين حاطه في بالي اسبانيا او سنغافوره

ممكن تخدميني ياااعسوله ومشكوووووره مسبقا

على فكرة اذا عندك اماكن احلى اكيد ممنونه لك لو خبرتيني عنها

حلووووو موضووعك حبيبتي

بصرااحة انا حابة اسير شهر العسل تركيا

وحابة اعرف عن هدا البلد شلون الطقس شهر 5

مشكووووووورة و في انتظار ردك

تحيتي

هلا سعودية عندك شهر عسل سنغافورة لحالها ماينفع ممكن اتروحين المالديف 5 ايام وتمرين سنغافورة 4 ايام هاي جدول حلو اذا تبين عطيني بعد معلومات اكثر كم المدة الي بتقضونها اذا في الصيف السفر ما انصح المالديف ممكن اتروحين سنغافورة وهونج كوج ترى واااااايد حلوة ...

هذا بالنسبة لشرق آسيا .. خاطرج في اوربا... انصح الصراح بفينا واااااااااااااايد حلوة ورومنسية وطبيعتها خلابه .. او اسبانيا بما انج حابة اتروحينها بزودج بكل العلومات عنها

اسبانيا عندج هالجدول لزيارة كل المدن..
8 أيام في ماربيا ليتسنى لي زيارة قرطبة وأشبيليا وغرناطة و روندا والمدن القريبة من ماربيا
يومين سانتادير
يومين سان سيباستيان
4 أيام برشلونة

هلا سامو شرفتي موضوعي ... تركيا بلاد حلوة بس الله يعينك على شعبهم شوي .. انصحك اتروحي لاسطانبول اسبوع وتروحي ليلوا بس ماتسكني فيها اسكني بفوق الجبل تبعد عن يلو 10 دقايق بالباص او السيارة اسمها المنطقة كوكشدرة او بالاحرة قرية اصغيرة ممكن تقعدين فيها 4 ايام ومنها تنزلين الى يللوى اذا حابة تتمشي فيها .... او تاخذين بوت يوديك لجزيرة الميرات رحلة ممتعة.. وبعدين امشي على بورصة اقدي لك 4 ايام و واخذي رحلة الى الجبل واتغدى هناك رحلة كثير حلوة.. وفي منطقة بين يلوى وبورصة اسمها باث هي منطقة كثير هادية ورومنسية على بحيرة كبيرة .. ممكن تقعدين فيها ليلتين.. انصحج فيها.. وعلى شهر 5 الجو بيكون حلو ربيعي.. وبالليل برد توصل الى 12 درجة الحرارة

مراحب حبيبتي رساله
انا ابغى اسافر ماليزيا الشهر الجاي , ايش رايك اروح لنكاوي علطول ولا اتمشى في كولالمبور اول, عطيني جدول حلو انا بسير مع زوجي وتقريبا 16 يوم . مشكوره :)

انا برايي اترحين ال كولامبر تقعدين تباتين ليلة اترحين من طريق السفر واليوم ال2 رحي لنكاوي واقعدي فيها 5 ليالي او 6 على حسب راحتك لانها جزيرة بعدها روحي كولا امبور ووسويلك جدول يوم اتروحون لشلالات ويوم اتروحين للجبل تقضين فيه يوم كامل .. ويوم اتروحين لسويلاقون وايام لسوق عندك شارع العرب وklcc , وااايد مجمعات وزوري المتحف الاسلامي عندهم وحداائق كثيرة مثب حديقة الفراشات وحديقة الطيوووور روووحعة الصرااحة .. ان شاءالله تنبسطين

رسالة مشكووورة حبيبتي و حنا راح نروح ع اسطنبوول عن طريق الوكالة يعني هم اللي يسووون لنا الجدول

وش فيه شعب تركيا ههههههه يعني كيف بدي اتعامل معاهم

الله يعطيك العافيه يا اخت رساله ...

انا بروح في الصيف للغردقه ولا اعرف عنها شي وش الاحسن الغردقه ولا شرم الشيخ لاني محتاره ...

ومشكوره ياقلبي

هلا أختي
مشكورة على هالبادرة الطيبة منك
أنا ودي أسافر هالسنة .. أمممممم دولة مو مكلفة كثير لاني توني راجعه من ماليزيا
أريد دولة تكون تكاليفها أقل من ماليزيا
أنا حاطة في بالي إيران ولا الهند ((لانه إثنينهم رخاااص))
بسس بعدني محتارة
شو الاماكن السياحية لكل البلدين ؟؟
كيف الاجواء في كل البلدين ؟؟

الله يعطيك العافية
أنا ان شاء الله هذا الصيف بسافر الى النمسا لو تولين لنا شو المناطق الحلوة اللي لازم نزورها في النمسا وكيف الطقس في شهر 7 وأريد أعرف في حدائق للأطفال في أي منطقة
مشكورة والله يعطيك الصحة والعافية

هلا الغاليه رساله؟؟؟؟

بغيت اقولج اني بسافر ماليزيا شهر 7 تقريبا على بدايه الشهر لمده 10ايام ادري ماتكفي

عسب جي ابي اعرف اماكن التسوق الحلوه والاماكن اللي تستاهل اني اروحها

وعن الجو كيف بيكون لاني باخذ ولدي معاي وعمره سنتين

ومشكووووووووووووووره

ما شاء الله على الموضوع امس زوجي يقولي حددي ثلاث مدن وانا بقرر الصراحه ابغي مكان قريب وجوها حلو واتكون باسعار مناسبه انا كنت رايحه (ماليزيا-تركيا-ايران)
بس افكر في الهند او تايلاند والله محتاره ممكن اتساعديني والسفر بيكون في 6 فابغي اعرف الجو ومشكوووووووووووووووووووووووووووووووووووووره

ما رديتوا علي بخصوص السفر الى النمسا

غلا الروح العمانيه;9146514:
هلا أختي
مشكورة على هالبادرة الطيبة منك
أنا ودي أسافر هالسنة .. أمممممم دولة مو مكلفة كثير لاني توني راجعه من ماليزيا
أريد دولة تكون تكاليفها أقل من ماليزيا
أنا حاطة في بالي إيران ولا الهند ((لانه إثنينهم رخاااص))
بسس بعدني محتارة
شو الاماكن السياحية لكل البلدين ؟؟
كيف الاجواء في كل البلدين ؟؟

لا يوجد رد وين إللى متبرعه بالرد :ss: على إستفساراتنا محد رد علي صارلي فترة حاطه سوالي ..,,:(