اللهم ارضنى بقضائك وبارك لى فى قدرك
هذي جمله قريتها في تواقيع حد من الاعضاء ولفتتني
لانه صدق حسيت انه تعنيني
ببدالكم بقصتي .. بس لا تحكمون قبل لتحكمون قلبكم وعقلكم
انا احس اني ضايعه وما اعرف شو اسوي
اخاف اختار واندم
انا حبيت انسان من تقريبا 9 اسنين وهو كان وياي بمنتها الاخلاق والطيب
حاولنا نتزوج بس دايما نلقى رفض يا من اهلي او من اهله
مع الوقت اتغيرت ظروفه
هو كان يشتغل في مركز محترم واموره الماديه زينه
في اخر كمن سنه اتوفى ابوه وبدت المشاكل مع اخوانه بالنسبه للورث لانه هو اصلا اخوهم من الابو بس
المهم هو خسر وظيفته وافلوسه وانسجن ظلم واللي سجنوه هم اخوانه من ابوه والكل يعرف بها الشي
والكل يعرف انه مظلوم
ربي يشهد انه كان يوقف وياي في مواقف وايد وعمره ما ظرني بالعكس كان وايد يحاتيني وايخاف علي حتى اكثر من عمري
انسان عشت معاه احلى حياه واحترامه لي كان يكفيني
ربي كتب وانحكم عليه ب 8 او 9 اسنين سجن تقريبا
قبل ليروح قالي كل شي ابئيدج اذا تقدرين تترييني بعدني برد وبحاول ويا اهلج واذا ما قدرتي تتريني شوفي حياتج
انا في الفتره هاي اتقدملي انسان بالنسبه لاهلي هو ما عليه اي عيب
مركزه الاجتماعي عالي ووضيفته كبيره وسمعته زينه بين الناس
صار بيني وبينه كلام
من كلامي وياه حسيت انه انسان يحب نفسه
بس اعرف انه ما ايحبني وانه بيتزوج للزواج بس ويبا انسانه تهتم فيه واتكون معاه كونه اصلا اغلب الوقت برع البلاد لطبيعة شغله وهو انسان سبقله الزواج وانفصل
انا استخرت بس ما اعرف شو اختار .. محتاره وحاسه اني ضايعه
للعلم انا عمري عدا ال 25 يعني في عيون المجتمع انا فرصتي صارت قليله للزواج
ساعدوني