ما اعرف شو السبب

اشحالكم

انا متزوجه الشهر اللي طاف 26 - 12 ..

احس اني اكره ريلي لما يروح الدوام ..

دوامه اربعه ايام باربع ايام ..

انقلب 180 درجه ..

اكره اتصالاته .. واحس انه يلستي مع اهله احسن من الكلام معاه فالتلفون ..

لدرجه اني اقعد اصيح فالليل واتم ساكته اذا كلمني .. واذا تكلمت باختصر الكلام وبسكت ..

المشكله ما هي بزوجي .. لاني يوم اقعد احاسب عمري .. اشوف انه ريلي مول ما مقصر

بس مدري ليه اول ما يروح الدوام انقلب كذه ,,,

وهالفتره هو في فتره حجز وما شفته لمده اسبوعين وراح يجي يوم الجمعه الياي ..

ابي اغير اسلوبي معاه مش قادره ..
ما احب ارمسه عالتلفون ابد ..

واذا تكلمت بتم اقول له شو هالدوام واقعد صيحله فالتلفون .. لين ما وصلت لدرجه اني احس اني لما اكلم زوجي اتضايق عسب جي افضل اني ما اكلمه ..

بنات انا توني يديده عالزواج .. واتمنى انكم تفيدوني للاحسن بنصايحكم

ابي اعود نفسي على غيابه بس مب قادره ..

يشهد علي ربي الاربع الايام اللي يكون فيها محد .. كله تفكير وصياح خاصه وقت النوم .. وما يجيني نوم ابد ..

ساعدوني