ماعرف شو اقول بس والله تعبانه

الله يهديج ويهدنيا ويزيل حب الدنيا من قلوبنا

كبري دماغك

مشكورات على الردود بس ف شو اكبر دماغي وضحي اختي اكثر

السلام عليكم

الغالية ما عليج منها هذي غيرانة منج
بقولج شي هي تمشي ع الموضة وتحط ميكب وهالاشياء
وتشوفج ماشية متسترة بتنقهر حتى لو فهمت شعورها وكلامها
وتعليقاتها عليج بس هي داخلها مقهورة
وما دام انتي راضية عن نفسج ومظهرج
وزوجج عاجبه وضعج ما عليه منها هي امج والا ريلج حاطتلها حساب
وبعدين ياختج انتي ما تعرفين تردين ،،
كلن عطيه بمستواه يعني لا تشدين ولا ترخين خليها تعمل لج حساب
قالت لج مثلا ً : جنج امنا يوم تمشين ويانا او شنج عيوز اي حد بيشوفج بيقول امنا العوده

قوليلها ع الاقل ما بيقولون عيوز متشببه هههههههههههههه بس بضحكة
لا تقطين الحجي وتبرطمين بتزعل

انتي طنشي وخففي وجودج معاهم شوي هالفترة لين نفسيتج ترتاح وعقب ردي
وانقضي عليهم هههههههه يا حبيبتي لا تهتمين ولا تضايقين نفسج

كلش كلش ما عرفتي تردين قولي لها عندج كلمة طيبة قوليها ما عندج سكتي

يعينج الله

اهم شي انتي بترضي ربي

ترضي زوجك

امك وابوكي

هيا تقول الي تبغاه الكلام ببلاش خذي من كلامها الي ينفعك وخلي الي ماينفعك

ماراح اقولك لاتزعلي لاني لو في موقفك امكن ابكي بس صدقيني انتي الصح وهيا الغلط

عمرك رحتي عزيمه وعايبتي على اكلهم في وجههم!!!! من الادب والاحترام وفوق هذا كله كلام الرسول اذا ماعجبك الاكل لاتتكلمي خليه وخلاص صح ولا لأ

الله يعينك ويهدي اخواتك

الله يهديك و يهدينا اجمعين و يرزقنا الصبر و لا يجعل الدنيا اكبر همنا

انا ما ادري اش اقول صراحه لان علاقات الاخوان ابدا ما تكون رسميه تزعل مني او ازعل منها و ما نكلم بعض ابدا ما تكون كذا لان الاخوات عاده تكون قلوبهم بيضا و صافيه و ما تشيل على بعض صحيح نزعل و نتضارب و نتهاوش بس دقايق ما كن شيء صار ابدا لا مستحيل انها تكون متعمده انها تزعلني او تقهرني فنصيحتي لك قولي كل اللي في خاطرك لها و خليك عفويه و صريحه معاهم و لا تشيلين في خاطرك عشان ما تنفجرين في يوم من الايام و تقولي حاجه قويه و تزعل الكل منك انت حاولي ان اللي تزعلك تردين عليها بس من بكره اعزميها و لا كان شيء صار بينكم و و تكلمي عادي و اذا قالت لك شيء انك زعلتيني قولي لها عادي يا اختي حنا خوات و ما ازعل منكم و انتوا المفروض ما تزعلون مني و خلي طبعك كذا على طول و بتشوفين كيف تتغير معاملتهم لك و كيف بتصير علاقتكم و يا بعض عسل على عسل ان شاء الله.

بالتوفيق

اهم شي ربك وزوجك
وتعليقاته بتخلص لاجاء يوم من الايام

وخلي بالك وسيع واسمعي وطلعي
واذا وصلتي حدك منهم
ذكريهم بالاخره وحكم التبرج
والجنه والنار
علشان تخشع قلوبهم

السلام عليكم ورحمة الله وبركاته


اختي، خلج إذن من طين وإذن من عيين، دام انتي وريلج مرتاحين وشلج فيهم، سلمي عليهم وخلاص يختج تدورين وجع القلب ليش، خلهم يقولون اللي يبون، وطنشي، مو كل شي ينقال يا الغاليه ينسمع له، ولا تكونين حساسه،

اما بالنسبه للوالده ، لازم تتحملينها وبعدين خلج في ريلج وعيالج وهم لهم السلام وبس

الله يعينج

ربنا يهديهيا و يصلح الأحوال بينكم

حبيبتي كل علاقه من علاقة حياتنا مهمه وتخليين علاقتج بالكل طيبه بعد شي مهم سواء اختج امج زوجج عيالج ايا كان لانهم يبقون جزء من صلة رحمج واللي لها علاقه بثوابج وعقابج في الآخره .. اما بالنسبة انهم يقولون تعليقات تضايقج وتنرفزج فهالشي موجود في كل العوائل وكل العلاقات لازم يطلع لج شخص جذي تحسيين ماعنده اسلوب في اللكلام ويحب يجرح في الناس بس اهو مو منتبه لنفسه يفكر السالفه فن ومزاج وضحك فانتي عندج حل من الاثنين حاولي انج لين سمعتي هالتعليقات تطنشيين ولا كانج سمعتييها وعقب كملي سوالفج معاها عادي..وحاولي بنفس الوقت تنصحينهم بالاسلوب الحلو والقول اللين عشان يتقبلون منج ولو حسيتي انهم من النوع اللي ما يتقبلون خلاص خلج مطنشه وماعلييج من اي شي..
وعلييج اختي بقراءة سورة البقرة بشكل يومي والله العظييم عن تجربه بتحسيين علاقتج بالكل صارت احسن ونفسيتج تحسنت وصرتي تنظريين للأمور بإيجابيه انا كنت مثلج اتحسس من كل شي وعلى اقل شي اصييح يوم بدأت اقراها رغم اني اقراها بنية شي معين لكن حسييت كل شي حواليني تحسن ومن ضمنها علاقتي باللي حواليني وصرت اشوف الامور بايجابيه اكثر وقوت علاقتنا مع بعض وصرت احبهم ويحبوني اكثر والله يهديني من الكسل قطعت قراءتها حسييت المشاكل تدريجيا ردت ترجع لحياتي بعد ما توقفت بشكل نهائي....
الله يهدييج حبيبتي ويسر لج امور دنياج واخرتج وتره اللي تسوينه في دنياج من خير تلاقينه في آخرتج ماعلييج من تعليق فلان وعلان دام انه يرضي رب العالميين مو مهم كلام الناس جاهدي نفسج وكلامهم ولج الاجر بإذن الله

حبيبتي بأختصار شديد
اذا تبين ترتاحين امشي على قاعدة
رضا الناس غاية لا تدرك.
يعني لا تهتمي نهائيا بأي رأي اذا كنتي مقتنعه انك صح .
اسمعي وأسكتي ولك رب كريم يأخذ حقك لو انظلمتي
بالذات اذا كانت تعليقات مستمره والرد عليها بيحطك بوضع محرج ويجيب زعل
فالسكوت بهالوقت يكون فعلا من ذهب.
تحياتي

خواتي العزيزات صدق اشكركم من كل قلبي على النصايح الثمينه وكل وحده دعيتلها من كل قلبي انا قررت اني اعزمها ف مطعم وانا نتناقش ف الموضوع واتمنى ان الله ييسر اموري ترى الواحد مايعرف متى بيه اجله لازم مانتزاعل مول ابد لانا خوات وكلامكم ريحني والله فديتكم والله والله يوفقكم دنيا واخره حبيباتي

اختتتي انتي حقرييهم او لي قالولج شي يقهرررج اببتمسي وخلاااص ولا تحطيين في بالج وطنننشي او لين قالو لو لج جنج امنا تمشيين معانا قول لي لهم والله كل وااحد ينام على الجنب الي يرييحه او انا ما احب المييكب يعني السالفة موب غصصب

انا وحده الصراحه اكتم ف قلبي ماعرف ارد مول ماعرف اعبر او اقول انه ف خاطري شي عيبي اندفاعيه عشان شي اسكت ولا اتكلم