كل واحدة تدخل تقول طباع عيالها .. الهادي والعصبي

انا اول من اجاوب ..
ابني الحمد لله هاديء .. طباعه حلوة .. ويسمع الكلام بسرعة ...
يمكن علشان استخدم مع اساليب هادئة وبعيدة عن الضرب ... ومن يوم اتولد الحمد لله هادي
بس لا يعني انا ما تطلع بعض العصبية والشيطنة بعض الاوقات ...

ومن من ورث الهدوء؟؟ الله اعلم لان البيت كله عصبي .. بس الحمد لله ابدا ما نتصايح قدامه ولا نتضارب وموفرين له جو وبيئة جيدة .. اتعامل مع عصبيته بالتجاهل وعدم الرد اخليه يبكي ويكمل .. والحمد لله جايبة نتيجة ..
ابني مواليد شهر سبتمبر ..

هلا ام وسام
موضوع حلووو
اني عبااادي عصبي
وورثة هالشي من العائلتين عائلتي وعائلة زوجي
هو مواليد شهر 7
وخصوصا هالايام صاير وايد عصبي ووايد يمد يده
من قبل حاولت اتركة هالشي اني اتجاهلة لما يعصب ونفع معاه
بس هالايام صاير عصبي بطريقة غير طبيعيه ووايد يضرب:(
الله يعيني عليه

مشكورة ع الموضوع بنتي الكبيرة هادئة جدا ام الوسطى والصغيرة عصبيتان يمكن لاني دائما عصبية

موضوعش حلو ام وساام

اني ولدي صدوقي مواليد شهر 7 سنة 2004 وهو ولدي الوحيد
وهو واجد هااادئ ما شاء الله عليه يعني مو حركي واجد
وخجووووول جدددددددا واذا في احد ويبي يتكلم يتكلم بصووت منخفض كلشش حتى لو كانو المتواجدين من الاهل
لكن واجد يتطلب وكل شي في يد غيره يحبه حتى لو كاان شي بسيط
وزعوووووووول جدددددا وحساس ورضاه عسيرر يعني ما يرضى بسهولة

وجبان اشووي ومو اجتماعي رغم اني حسيت تغير اشووي يوم دخل الروضة واذا يلعب مع الاطفال ويصير هواش بينهم كلش ما يدافع عن نفسه واقل شي يصيح

جني واجد هدرررررررت مساامحة بس لانة الموضوع عجبني

تسلمين على الموضوع الحلو

انا حمودي هالايام صاير عصبي خاصة اذا يبي شي ما يحصله يصارخ ويضرب بس لما اتجاهله يصيح الدموع اربع اربع وعقب ينسى ويسكت وترى ورى هالعصبيه كلها اهو خوييييييف حده

انا لموووشتي الحلووووه توه عمرها 11شهر..


وهي ماشاء الله عليها ,,, عصبيه بكل معنى الكلمه...

على طول تصارخ وتعصب وتقعد تهااااوش بكلام ماينفهم...خخخخخخخ...



وهاليومين متعلمه الدح,,, كل تضرب واذا جيت اغير لها تصيح وتعصب وتقعد تضرب على راسها...


هو المفروض اني مااستغرب لاني انا وابوها وعيلتي كللللللللللللها عصببيت.....


وهي من مواليد شهر 3,, يعني برج الحمل..

ومعروووووف برج الحمل بالعصبيه والعناد والفضووووووووول...

شحالج ام وسام؟؟
شحال وسام؟؟
ياطويله العمر ولدي من مواليد شهر 2
ومزاجي درجه اولى وعصبي
والعناد لاتسالين عنه راكب راسه ولاحد قده:mad2:
خخخخخخخخخ:dd:
دلووووع

موضوع حلو

انا ولدي الكبير هادئ وعصبي في نفس الوقت وهو من مواليد شهر مارس

ولدي الثاني عصبي لاقصى درجة من مواليد شهر يناير

مشكورات حبيباتي على التفاعل واتمنى يكون الموضوع عجبكم ..

وفي انتظار باقي الامهات ..

مشكورة ام وسام على الموضوع الحلو

انا بنتي وايد هادئة ومسالمة وهي من مواليد شهر مارس أتوقعها هادئة على أبوها

أما ولدي عصبي لاقصى درجة وااااااااااااايد شيطان وحركته زايدة عن اللزوم من مواليد شهر أكتوبر وهو وارث العصبية مني

سلام
انا بنتي عمرها سنة وتسعة اشهر..
خجوله هادئه وفي نفس الوقت عصبيه لما تبي شي ماتتنازل يعني عنيييييييييييييييييييييييييده درجة اولى...لما يكون في معانا ناس ماتتكلم ابد ولاكلمه ولاحرف بس بالاشارة وتعالي انتي عاد افهمي انا ويش ابي ...صح نسيت زناااااااااااااااااااااااااااااااااااانه زنانه زنانه زنانه..في الزنه تقول امي طلعت عليي وبيني وبينكم توني من كم يوم داريه ...بنتي من مواليد شهر ماي يعني جمادى الاول ...
كيف اتعامل ممع الحالتين لما تعصب وتزن اراشيها شويه وادا ماافد اسكت عنها وتصيح لييييييين تتعب وبعدين تسكت..

ابني الاول عصبي جدا واذا عصب يضرب نفسه بأي شي الجدار يعض نفسه اي شي من اول مانولد وهو عصبي جدا حتى الروضة لاحظوا والثاني عصبي بعد واذا عصب يضرب راسه بأيديه وعمره سنة بس وهذي العصبية وارثينها من الاثنين واما الضرب كان عندهم عم وهو صغير يضرب نفسه اذا عصب ماورثوا منه الا هالصفة

ايسمار;8939648:
ابني الاول عصبي جدا واذا عصب يضرب نفسه بأي شي الجدار يعض نفسه اي شي من اول مانولد وهو عصبي جدا حتى الروضة لاحظوا والثاني عصبي بعد واذا عصب يضرب راسه بأيديه وعمره سنة بس وهذي العصبية وارثينها من الاثنين واما الضرب كان عندهم عم وهو صغير يضرب نفسه اذا عصب ماورثوا منه الا هالصفة

ما قلتي لنا اولادك مواليد اي شهر ؟؟؟

مشكورة عالموضوع الحلو ..

أنا ولدي عمره سنه ونص مواليد شهر 8 بس ماشاء الله عليه حركي وايد وعصبي وإذا صاح يعفس الدنيا علينا أحاول معاه بالطيب والقوة ماينفع معاه ... اما من وين جاب العصبية ماشاء الله علينا انا وأبوه وهلي وأهل ابوه كلنا جباريت ....

الحمد لله عيالي اثنينهم خبايل ومخبليني وياهم ههههههههه
انا برج الاسد
وولدي العقرب وبنتي الميزان واثنينهم عصبيين ويكفخون عمرهم وعنيدين بس الولد حركي ماشالله عليه البنت لا بس هي تضربه اكثر مما هو يضربها

عندكم حل لهالشي؟

انا بنتى عصبيه مهى لازم تطلع عصبيه ابوها عصبى وانا كمان بس بحاول اكتو العصبيه وزادت العصبيه بعد الفطام بتضرب فيا وصراخ علطول وتعض بس بحاول معاها والله يهدى

بنتي عمرها حوالي سنتين ... وهى من مواليد شهر مايو ... عصبييييييييييييية مرة ... يعني لو كان بدها شي وما حصلته تصيح وتتنرفز ... واذا عطيتيها اللي بدها ياه تفره على طول يدها وما ترضي تاخذه باعتبارك رفضتى من البدايه انها تاخده ... طالعة لابوها ... احسهم متشابهين ... في ساعات الصفا ما احلاهم طيبين وحبوبين ... بس اذا عصبوا يالطييييييييييييييف

انا ولدي الاول هادئ بس بعض الاحيان يعصب وهو من مواليد شهر يونيو، ولدي الوسطي عصبي ناااااااار بس اي احد ياخذ غرض له او يعيب عليه على طول الي في يده يحذفه او يقوم يطقه وولدي الكبير يستغل هاذي الصفة فيه وكله يثير عصبيته وهو يقعد يضحك وهو من مواليد مارس وولدي الصغير يقلد الوسطي في العصبية يعني هو مب عصبي اصلا بس احر من الكبير وهو من مواليد سبتمبر. الله يعينا على تربيتهم ان شاء الله.

*ام وسام*;8939838:
ما قلتي لنا اولادك مواليد اي شهر ؟؟؟

اثنينهم ماشاء الله عليهم والله يحفظهم مواليد فبراير