أنا وتيته ونصايح اخر الليل

:15::1_81:أنا وتيته ونصايح اخر الليل:15::1_81::1_81:





+ شوفي يا غزال
راح اقول لك كلمه ومعانيها
وف حلقة ودنك خليها
واما اوانها ييجي يا سكر
افتكريني وافتكريها
++ قولي يا تيته
واحكي حكايتك زي عوايدك
وانا حأسمعلك زي عوايدي
وحأحاول افهم واستوعب
وانفذ كل اللي بيَدّي
+ شوفي يا غزال
[COLOR=#990000]لو بتحبي يا سكر جوزك[/COLOR]
[COLOR=#990000]ابقي اقريه
وان يزعل منك لو لحظه
قوام صالحيه
وان حسيتي بأنه حيغضب
ابقي راضيه
++ وإن ما طمرش العشره يا تيته؟؟
+إن ما طمرش العشره يا سكر
يبقي انفيه
++ قولي يا تيته
قولي كمان
حلو كلامك احلي كلام
+ شوفي يا غزال
الراجل بيشوف اصناف
م الستات اشكال والوان
اللي جميله واللي بريئه
واللي تقول له كلام احلام
واللي كويسه واللي جريئه
واللي لئيمه ومود افلام
++ طب والحل يا تيته قوليلي
اعمل ايه؟؟
+لازم تبقي يا قمره ف عينه
كل الستات فيكي يشوفهم
انتي وبس
مهما يبص
وتكوني ف قلبه ولو غايبه
وبيكي يحس
البسي له كل الألوان
جددي نفسك طول اليوم
واعزفي ليه احلي الأنغام
واسمعي منه لو حيقول
وافرحي لو لقيته مبسوط
وخديه ف حضنك لو مهموم
حبي جنانه لو يتجنن
واطلبي ان اللحظه تدوم
++ وإن ما طمرش العشره يا تيته
+ إن ما طمرش العشره يا سكر
ابقي انفيه
واعملي بره حياتك سله
وفيها ارميه
++ قولي يا تيته قولي وعيدي
من حكاياتك ليا انا زيدي
اصل اليوم وياكي يا تيته
اجمل فرحه بأدوقها في عيدي
+ شوفي يا غزال
لو لقيته مجروح ليه داوي
وف لياليه خليكي الراوي
واحكي حكايه جديده تملي
فيكي يدوب ويكونلِك غاوي
++وإذا بيحب الباميه يا تيته؟؟
+ اطبخيهاله
++طب والفته؟؟
+اظبطيهاله
بس ابعدي فيها عن التوم
علشان بيتقل في النوم
++طب و الكوسه؟؟
+اعمليهاله
واديه فوقيها كمان كام بوسه
+ بس يا تيته انا مابأحبش
++ لو هو يحب..قوام حبي
لو يكره.. اياكي تحبي







[/COLOR]