ملكتي بعد 4ايام ومااشتريت ولاشيء...

حبيبتي لا تنسيين اكسسوار ناعم يناسب الفستان لو للحين ما شريتو الشبكه بالاضافه إلى العطر ودهن العود ربي يوفقج ويسر امورج حبيبتي

بما انه باقي 4 ايام والحفله بين الاهل .. دوري لج الحين على فستان ناعم و صالون للشعر و المكياج ..

يعني باختصار جهزي نفسج انتي بس ..

و الكوشات و التوزيعات و باقي الاشياء خليها للعرس ..


موفقه اختي و ربي يتمم ع خير ..

[MARK="FFFF66"]
عزيزتي
[/MARK]


[MARK="FF3399"]
بالمبارك مقدما :)(f)
[/MARK]


الي تحتاجينه الاتي :

فستان
كوافيره
تصوير ( او عالاقل جهزي كاميرا لو مو جايبه تصوير )


وطبعا العشا والتوزيعات عالاهل



[MARK="FFCC99"]
ان شاءالله ربي يوفقك ويتمم لك على خير
[/MARK]

تحني بيطلع وايد حلو اذا عندج فرصه

ولا تنسي التصوير وقبل بيوم روحي الصالون عشان تشيلين حلاوة

وصندل حلو واكسسوار

اول شي ضروري من صبح تدوريلش فستان حلو مفرش شوي يناسب عروس فلكتها سواءا تشتري فستان او تستاجري...وعلى ضوء الفستان اختري نعال سهرة مناسب....واحسن انش تلبسي ذهب اصفر (لانش اكيد بالعرس رح تلبسي طقم ابيض)...وتأكدي هل اهل المعرس رح يجيبونلش شبكة...

وحجزي كوافيرة لشعر و مكياج فلأقرب فرصة و احجزي حناية بعد...و لو ملكتش رح تكون هالخميس...تبعي هالجدول للمساعدة:

- الإثنين: فيشل او تنظيف للوجه + حمام مغربي
- الثلاثاء: حلاوة للجسم + حف للوجه (أو أجلي الحف للوجه ليوم ثاني...حسب تأكدي من أخصائية الفيشل متى أنسب وقت للحف و سأليها هل يأثر بعد الفيشل؟)
- الأربعاء: تحني و افضل تجيبي وحدة تحنيش فالبيت عشان ترتاحي + حفي حواجبش (لو كنتي بتحفين)

ترتيبات يوم الملكة:

- لو اهل المعرس بيجون بعد صلاة العشا..حجزي بالصالون انش تكوني جاهزة عالمغرب
- وانتي تنتظرين بالصالون اعملي مانيكيور و باديميور و لو بغيتي حطي منيكير نفس لون فستانش
- يفضل تعملي تسريحة ما تكون مرفوعة كاملة...اعملي نص رفعة أحلى مع مكياج ناعم
- خلي احد من خواتش او امش يبخرولش فستانش من الصبح بعود من النوع الزين و حطو الفستان بغرفة مسكرة عشان تثبت الريحة
- تاكدي انه المعازيم بمجلس ما يطل علة الباب الي راح تدخلين منه لما تردين من الصالون...عشان لو لا سمح الله تأخرتي بالصالون...ما تصادفينهم انتي داخلة
- لا تحاتي ترتيبات الأكل و الضيافة....أكيد أهلش ما رح يقصرو

انا بعد من رايي تتحنين

ملاحظات مهمة أخرى ليوم الملكة:


- اطلبي من اي احد من العيلة عنده خبرة بالتصوير انه يجهز الكامرا و يتأكد انها فيها شحن كافي و ميموري (لو كانت ديجيتل) أو فيها فلم كافي (لو كاميرا عادية)
- لا تنسي ترقين نفسش و تقرين المعوذات قبل ما تدخلين على المعازيم
- الإسترخاء ثم الإسترخاء ثم الإسترخاء
- لو كنتي ما صابغة شعرش من قبل...لا تصبغي نصيحة مني...خلي شعرش لونه الطبيعي...لأنها بتكون أول مرة يشوفش خطيبش فأفضل بلون شعرش الطبيعي
- لو حابة تشتريله هديه عشان تتبادلون هدايا لما تجلسون تتعشون بروحكم مثلا...فكرة حلوة
- كوني مبتسمة عخفيف ...لا تكوني مبوزة و فنفس الوقت لا تضحكي كثير...إلا لو كنتي معه بعد الحفل بروحكم عادي...أما لما تدخلين و عند المعازيم إكتفي بالإبتسامة
وأخيرا...أتمنى ما كون طولت عليش...ويارب تتوفقي..ويكون هاليوم ذكرى حلوة...وعقبال الزفاف والذرية الصالحة

أنا عرسي شهر 5 ادعيلي بالتوفيق....وأنتظر تقرير مفصل للملكة بعدين لا تنسي......ههههههههه

يسلموووووووووووووو حبيباتي ...

الله يجزاكم كل خير

شريت الفستان وباقي لي الاكسسورات وحجز الكوفيرة

اما التصوير للاسف المعرس ملتزم ومايبغى تصوير

يلا ربي ييسر الامور .. ويجزاكم عني خير الجزاء .,,,

:: بسكوتي :: اذلك ::;8945645:
يسلموووووووووووووو حبيباتي ...

الله يجزاكم كل خير

شريت الفستان وباقي لي الاكسسورات وحجز الكوفيرة

اما التصوير للاسف المعرس ملتزم ومايبغى تصوير

يلا ربي ييسر الامور .. ويجزاكم عني خير الجزاء .,,,

أختي الكريمة \\

احمدي الله على هذا ولا تتأسفي
..

جمعكِ الله وإياه على خير

مبارك لكما .. والعاقبة للعازبات