مرحبا ياأحلى عرااااااااااايس في أحلى منتدى .. شحاااااااااااالكم؟؟ شخبااااااااركم ؟؟ عسااااااكم بخير؟؟ تصدقون اني ولهاااااااااااااااااااانه عليكم وااااااايد وايد وايد وايد ... من زمان ما نزلت لوك يديد .. الاب توب مالي خربان .. بس اجتهدت لجل عيون عرايس عروس .. ورحت بيت اهلي واستخدمت لاب توب اختي ونزلت الصور ورديت :D .. شرايكم فيني :wink: .. اهذرب وايد صح ههههه هذا اللوك سويته في عزيمه عائيليه .. طلعت وااااااايد حلووووه مع اني كنت حزينه ذاك اليوم :( .. قبل لا أراويكم الخطوات ابي اقولكم شغله عن عيوني .. ترا عيوني فيها لحمه من فوق .. مثل عيون اصاله اتمنى فهمتوا علي .. وهالرسمه ما تطلع علي أبدًا إلا اذا ضبطتها صح .. وبالعاده ما اخاطر بس هالمرة جربت وطلعت وااااااااااااااااااااااو
عصبتوا علي :( ... خلاص ما اكمل كلام يلا نبدا بسم الله
أخر شي حبايبي أبي اطلب منكم طلب .. وأدري انكم حبايبي ما تردوني .. أبي تقولون ماشاء الله لا قوة الا بالله وجان عيبكم الموضوع ادعولي
طبعًا اول شي سويته اني نظفت بشرتي .. ومررت ثلجه ماي ورد عليها .. وحطيت المرطب وانتظرت شوي وبديت الميك اب :cool:
أول شي سويته حطيت الفاونديشن على كامل ويهي ورقبتي بس كميه خفيفه عشان يطلع ويهي طبيعي .. والماركه الي استخدمه جيورجيو ارماني :rolleyes:
بعدها حطيت البودره من ماك .. بدون كونسيلر ولا شي (a)
بعدين هاي كانت البودره القديمه من ماك مالي .. طبعًا طاحت واتفتت .. بس استفدت منها وخليتها لوس باودر .. وحطيت كميه منها تحت عيني عشان بستخدم اللون الاسود بكثره في هاللوك :wink:
حواجبي مشطهم وعدلهم وحطيت الشادو عليهم
وبعدين بدينا الجد ..اول شي حطيت شادو نايلون بكثره تحت الحاجب ونزلته شويه صغيرونه لتحت :15:
بعدين بديت أرسم بالايلينر .. هني فديت قلبكم سامحوووووني شغلي كله كان مع الايلينر الكريمي من ماك بس لأني نسيته بيت أهلي ما صورته .. بس حطيت لكم صورة ايلينر ثاني بعد بنفع من ماركه جست جولد (y)
رسمت خط من أول العين ليييييين نهايته ومديت الخط لبرع شوي .. ونفس الشي تحت سويت بس غلظت الخط من الزاويه الخارجيه .. وبعدين من فوق خذت فرشاة مسحوبه .. وقمت اموه اللون الاسود لفوق شوي واطلعه لبرع
وبعدين حبايبي عشان انا مو خبيره مكياج .. ماقدرت اعدل اللون الي فوق على مزاجي .. قمت اخذت مساعده صديقي الحبيب الشادو الاسود من ماركه ميكب فور لايف .. بهاي الفرشاة .. وقمت اطلعه لفوق لين ما دمجته مع شادو نايلون وصار على كسره العين بس
وبعدين عقصت الرموش ومسكرتهم .. وهني حبايبي ابي اسألكم .. مرة قريت ان احسن ماسكرا هي YSL وبعد وحده ثانيه .. لو تذكرون خبروني أي وحده كانت؟؟ لاني اتلخبطت يوم رحت ادور :ss:
وبعدين من الماركه الي دووم أنا الشوق "فديتها انا ياربي" تمدحها nyx استخدمت البلاشر .. الي بصراحة فظييييييييع يابنات .. كلمه جووووونان قليل عليه .. انا كان عندي بعد لون برونز خلص .. رحت وشريت ثاني غيره رهيب كلمه شويه عليه .. ورسمت الويه ب بيجمنت بنك برونز
وأخر شي حطيت جلوس بدون ليب لاينر ولا روج ولاشي .. وبعد هالجلوس يابنات تحفه انصحكم اتجربووونه .. خبااااااااال ويرطب ويخلي الشفايف مليانه .. بصراحة عشان ما اجذب انا سرقته من أختي خخخخ وعجبني وما رديته ولين الحين تسألني عنه
وبجيه خلصنا الميك أب وهني شكلي النهائي .. بقولكم سالفه .. يوم راويت ريلي الصورة .. قالي مينونه تحطين صورتج فالنت .. خخخخخ قلتله هاي مب انا .. ما صدق .. قالي وايد تشبهج .. جان أقول جان زين انا حلوه جيه :o
والحين وصلنا للكشخه
لبست هاي البدله
ولأن الصدر واااااايد مفتوح لبست هالاكسسوار عشان اغطي
والساعه المفضله وحلق طبعًا صغير والخواتم دفششه هههه
ولبست خلخال في ريولي .. يطلع صوت يوم امشي تك تك تك تك تك وناسه ماكنت رايمه اقعد هههههه .. اخوي يابه لي من الهند
والنعال أعزكم الله
بعدين استلفت العدسات البنفستي من مسزز غوغو .. ماطاعت تعطيني .. بالغصب اخذتهم منها هههههههههههه أسولف لاتصدقون
ورفعت شعري عشان ويهي يبين اني صغيره واستغليت هالشي .. هاي التسريحة بالضبط سويتها .. تدرون بنات المتزوجات .. هاي التساريح مع لبس بسيط مثل بنطلون جينز وقميص ضيق وفاتح لها تأثير وااااااااو على الزوج .. جربوها وادعولي مع شويه دلع
وزينت شعري بهالتاج الفضي
وحطيت لوشن دهن عود من ياس واتعطرت بهديه زوجي الحبيب وحطيت عووود
وبعدين لأني خلصت من وقت .. وحماتي كانت بعدها قعدت اتسلى في أظافري عشان تكتمل الاناقه
وقريت على نفسي ولبست عباااايتي واتوكلت على الرحمن
ياأحلى عرايس وأحلى دلوعات .. قيموني جان شفتوا اني استاهل .. وادعولي بالذريه الصالحة
فديتكم والله .. مرة ثانيه ماأتاخر عليكم
أحبكم في الله
تاتا
(f)
