مرحبا اخواتي العزيزات
شخباركم
مابطول عليكم اليوم جايبة لكم وصفة عجيبة تسوي الشعر
حلو ناعم وتبعد التقصف وتطول الشعر
اول شي بكتب لكم المقادير
تاخذين زيت الخروع وزيت جوز الهند وزيت الزيتون وزيت
الخردل "مهم جدا زيت الخردل للتساقط" +زيت كبد الحوت
وبراويكم صورته عشان تعرفونه اي واحد اقصده بالضبط
واهوه عبارة عن كبسولات راح تفتحين الكبسولات داخلها
دهن وتفرغين الزيت اللي فيها وتحطينه ويا مجموعة الزيت
اللي ذكرتها وطبعا تاخذين مايقارب 8كبسولات تفتحينهم لكل
مرة تستخدمينه المهم تاخذين من كل واحد شوي وتاخذين
وياهم ثوم كامل تقطعينه قطع صغيره جدا وبعدين تحطينهم
في طنجرة عشان تسخينين فيها المواد كلها وبعدين تخلينه
يبرد طبعا وتاخذين منخل عشان الثوم ماينزل وياه وتحطينه
في غرشة وتستخدمين منها في الاسبوع 3مرات وصدقوني
ياخواتي انا استخدمت حسيت انه شعري تغير ماشاء الله
التساقط خف بشكل كبير وكذلك لاحظت الطول والنعومة
وعقب ماتكملين غسلي شعرج بالشامبو طبعا مرة او مرتين
وعقبها بحمام زيت فاشكول على ثوم واهوه مفيد كذلك
للتساقط وماله ريحة ثوم واعتقد الكل يعرفه ويمكن يتخوفون
ان له ريحة بس نهائيا ماله ريحة وعقب بتحسين شعرج يطير
ويجنن والحين براويكم صورة زيت كبد السمك القد "
واهو طبعا عبارة عن كبسولات مثل ماذكرت لكم فوق
وهذا اهوه صورة حمام الزيت اللي على ثوم "كريم كاب فاشكول بالثوم "
وطبعا اللي ماتبي تسوي لها شغله وتسخين وحالة تخلينه ينقع لمدة اسبوع بالثوم وتستخدمه والى خواتي اللي بتحط الكمية الكبيرة عشان مدة طويلة تحط كبسولات اكثر على عدد المرات كل مرة لشعرها تحط 8كبسولات يعني لو 3مرات الزيت يكفي راح اتحط 24 كبسولة تفتحها في الزيت
طبعا لا تنسوني من التقييم اذا عجبكم الموضوع
ادعولي بتيسير اموري وامور المؤمنين والمؤمنات اجمعين يالله