اليوم يايبتلكم طريقة الجيكن سيزر سالاد و الحمدالله كل اللي يذوقها يمدحها
اولا المقادير اللي نحتاجها و طبعا كل وحدة تحط القياس اللي تحبه حسب الكمية اللي تحتاجها
- خس امريكي
- جزر مبشور
- ملفوف حسب الرغبة
- دجاج مشوي و مقطع شرايح
- خبز محمص
- صلصة السيزر سالاد و انا استخدم تبع American Garden و طعمها يجنن
- جبنة بارميزان مبشورة حسب الرغبة
الطريقة
- طبعا اول شي نكون مجهزين الدجاج و يفضل نستخدم صدور الدجاج و نشويها و بعدين نقطعها شرايح بالطول
- الخبز المحمص انا استخدم التوست و اقطعه مربعات و احمصه فالفرن او فالتوستر
- و الخس نقطعه بشكل كبير يعني ما نخليه ناعم
- اما الملفوف و الجزر نبشرهم افضل
نخلط الخس مع الجزر و الملفوف و بعدين نضيف الدياي و نحط الصلصة عليهم و نخلطهم عدل و طبعا كمية الصلصة على كيفكم انا احب ازيد الصلصة لانه طعمها لذيييييذ..و بعدين نضيف الخبز المحمص فوق السلطة و نحط جبنة البارميزان فوقه
و ممكن انكم تخلطون كل المقادير و تخلون الصلصة على جنب و كل واحد يحط على ذوقه
وهذا الشكل النهائي للسلطة ^_^ و ان شاء الله تجربونها و تعجبكم
و اذا استاهل التقييم اضغطوا على ايقونة الميزان و قيموني ^_^