مهم جدااااااا تعالى فيدى واستفيدى للعرايس ... الجزء الاول

تسلم ايديك يا مورو وانا سعيدة انى اول واحدة تبقى معاكى
ونا هقولك كنت بعمل ايه قبل ماخطوبتى الاولانية او اللى فاتت
اولا كنت كل يوم باليل بعمل حاجة لبشرتى يعنى زبادى مثلا واحطه او بعمل ماسك مثلا زى بودرة التلك والدقيق واللبن
كنت بعمل ماسك ترمس وعسل ابيض زى سكرب للبشرة
شعرى لانها كانت خطوبة بصراحة مش كنت مهتمة بية اوى يعنى فا كنت منفضاله بشرتى وضوافرى كانوا اهم حاجة وجسمى عشان كانوا كبعا هيبانوا كدة فا كنت باكل الى حد ما كويس خضار وتلت وجبات وكنت بعمل المسكات دى وكنت بحط على ضوافرى كل يوم بليل زيت خروع عشان يبقوا جامدين هما ورموشى ومية ورد قبل ما انام كل يوم بليل بتخلى البشرة صافية وتحففففففففففففففففففففففففففة وبس كدة لما افتكر حاجة تانية هقولكم

جزاك الله خير يا غدغوده نورتى وافدتى بجد

وان شاء الله مستنيه بقيت تجاربك يا جميله

اختى صوت العيون موضوع حلو ومفيييد بااذن الله
ابدأ بنفسى

انا مخطوبه وعرسى بعد خمس شهور بااذن الله :JUMP:

احلى واحسن حاجه جربتها للجسم كله وفادتنى ونعمت وفتحت
ونظفت جسمى :up:مع انى مابداوم عليها اسبوعيا
1-هو الحمام المغربى عنجد روووعة وبعمله فى البيت
المفروض اداوم عليه اسبوعيا بس لما يقرب العرس اكيد رح اداوم عليه

2- هو اضافة كبسولات فيتامين e لااى لوشن للجسم قريت هالفكرة من الاخت miro14
جزاها الله كل خير
فظيييع بينعم وبيعطى نضارة للجسم مش عاديه :shy:

واتمنى اكون افدتكم ولو بالقليل

يالله بنات نستنى تجاربكم اللى فادتكم

الموضوع جميل يامورو تسلم ايدك بصوا انا لما بقوم الصبح بغسل وشى بصابونه كلين اند كلير واحط ميه الورد وبعد العصر بحط الكريم المرطب انا بستعمل نيفيا سوفت وبالليل بئه بغسل وشى بالصابونه برده واحط ميه الورد بس بالنسبه لايدى طول النهار ترطيب كال ما يجى عليها ميه انشفها واحط فازلين على طول وكمان قبل ما انام شعرى بئه لسه بدائه اهتم فيه بعمل حنه التغذيه كل اسبوعين كده واعمل حمام كريم عندى فاشكول كل اسبوع عشان شعرى كان قرب ينتهى بس الحمد لله بدا يتحسن هو مش اوى بس احسن من الاول شويه جسمى ئه مش مهتمه بيه خاااااااالص بس ان شاء الله هنظم جدول عشان فرحى بعد 5 شهور بس خلاص هو ده اللى بعمله وبعمل بخار لوشى وتنظيف كل لما احس انه محتاج ف البيت طبعا

لو عجبتكم قيمونى بأه

ميرسي على موضوعك الجامد يا مورو


بصي انا من قبل ما اتخطب وانا كل اسبوع وسعات مرتين في الاسبوع بعمل سكرب لوشي ... سكر وزيت زيتون ... وزيت خروع كل يوم او يوم اه ويوم لا على رموشي


دلوقتي بقى بحاول اشرب ميه كتيره اوي ( صعب اوي ههههه مش بقدر اشرب غير نص لتر في اليوم واحنا المفروض على الاقل لترين ميه ) باكل خضار وفواكه كتيره وبقلل نشويات وسكريات

انا كسوله اوي ومعنديش صبر وبمل بسرعه بس ناويا ان شاء الله قريب ابدا حاجه ...عايزه يوميا ادهن جسمي زيت زيتون ولمون لاني كنت عملت كده فتره بس على وشي وما شاء الله بيصفي الوش وبيخليه ينور وبينعمه اوي فا عايزه اعمل كده في جسمي .... يارب بس مملش ومكسلش


ولو عرفت اجيب الصابون المغربي هحاول اعمل حمام مغربي في البيت كل اسبوعين مثلا او اكتر حسب النتيجه بتعته


شعري بقى بقيت كل شهرين بقص منه بتاع 4- 5 سنتي وبصراااحه سبحان الله بقى حلو ومفيش تقصيف خااالص وشكله تقل وفيه صحه مع اني مش بعمله حاجه خاااااالص غير كده
بس ناويا اعمل حمام زيت ولو مره في الاسبوع



بس ده اللي ناويه عليه وبعمله دلوقتي لو جد حاجه هقولك

انتي بقى ياصوت بتعملي ايه او ناويا على ايه؟

صوت العيون بجد موضوع تحفة ليا عودة اتكلم فيها براحتى

موضوعك حلووووو ومفيد اختي ...

انا اغسل وجهي كل يوم اما بصابونة البابايا 4 في 1 او بصابونة الجلسرين بالحليب وبعدا احط كريم مرطب فيتامين eمن بودي شوب وبستعمل سكر وليمون عالوجه زي المقشر وحلو الصراحه ينعم ويصفي الوجه وينظفو بسبب الليمون واحيانا اعمل تونيك بالبيت قرأتو من زمااااان في احد المنتديات اللي هو اغلي بماء قشر برتقاله وقشر ليمون وعبيتو في زجاجه وامسح وجهي كل يوم فيه ...وانا شعري كان تعباااااااااااان بسبب الصبغاااااااااات وتساقط ونشف وصار حالتو حاله وفقدت الامل فيه لحد ما رحت على الصيدليه وسالت الصيدلي عطاني حبوب ممتاااااااازة مفيده للشعر والبشرة وصرت استخدمو يوم ورا يوم ...
في الليل قبل النوم اغسل وجهي بالصابونة وارش على وجهي ماء ورد بفيتامين e من بودي شوب
بالنسبة لجسمي مابدات بخلطات بس استعملت مرة الحنة البيضاء وماداومت عليها مع انو مدحوها صديقاتي بس انا كسوووووووووولة واذا ماشفت النتيجه في خلال كم يوم اطفش واغير ...هاذا اللي اتذكرو لانو اختكم فاقده الذاكرة ههههه بس اتذكر شي بقلكم ههههه

مشاء الله عليكم
أتمنى من جميع المدونات أن تذكر لنا الخلطه المستفيده منها ومدى تاثيرها بعد أستخدامها حتى لانحتار في الاختيار
لي عودة

ايه المواضيييع الجامدة دي يا مورو
عديتي انتي هههههههههه
لي عودة انتظروووني

موضوع رائع يا مورو

لي عوده ان شاء الله

جزاكم الله خير

فرحتونى مشاركتكم بجد

ومتظراكم ان شاء الله عشان الى فاد يفيد تانى ويستفيد والى مش كتب يكتب ان شاء الله

السلام عليكم ورحمه الله وبركاته


اقلكم بقا شويه حاجات الحمد لله بحبها


طعا فى الشتا وشنا ممكن يقشر حولين الفم او فى اى مكان فى الوش الحل بقا اكتشفته الحمد لله

كل لما وشى يقشر احط كريم واشي حاجات مخصوصه بس مش بحسها بجد بفايده على طول خصوصا لو خارجه ولا حاجه تمام

فكنت اشتريت زيت بيبى اويل بالكاموميل بتاع الاطفال اصلى بحب حاجه الاطفال الحمد لله بحسها مضمونه ههههههه

المهم حطيته والله بجد مش ببالغ اول لما الزيت الجلد يشربه القشور بتروح وجربوا وهتشوفوا ان شاء الله

اشتريت انهرده يوكو سابا لقيته قدامى بالصدفه وكنت قريت عنه المهم خت الشور وخلطى جسمى مرطب ودلكته بيه وسيبته مفيش 2 دقائق ولقيت حرقان شويه رحت غسلته بس بجد بيخلى الجسم ما شاء الله ناعم قلت ممكن الواخد يضيف عليه زيت عطرى ويبقا بكدا ضرب ضربتين فى وقت واحد نعومه وريحه فكره صح ههههههه

المهم لما طلعت كنت عاوزة بقا ارطب جسمى لانى كده عملتله سكرب وقريت برده لو عملت اسكرب لازم ارطب بعده عشان اللون مش يغمق المهم
كنت شاريه اسبراى فراوله من ماى واى بحب ريحته صراحه وبتقعد حبه حلوين رشيته وبس كسل بقا انى ادهن كريم


الحمد لله خلصت النشره بتاعه انهرده ان شاء الله تستفيدوا منها


سلام

لا اله الا الله سيدنا محمد رسول الله

انا بقى هقلكم بهتم بنفس ازاي
بصوا
بعمل لشعري حمام زيت مرتين فى الاسبوع وحاليا شغاله على زيت الذره عشان قالوا بيطول وانا حسيت انه طرى شعري اوي

بغسل شعري بشامبو طبي بخلاصه الصبار بس وهمي فعلا وقفلى التساقط
وبعمل سكرب لجسمي باليوكو سبا او بصنفره مينك بالمشمش
وبعدين بغسل جسمي بشاور جيل او ساعات صابونه زيت الزيتون بتنعم جداااااااا(نابلسي شاهين )
وبعدين بدهن جسمي بيبي اويل بالكاموميل ولانى بحب النعومه الزياده بحط لوشن على كل جسمي
عندي لوشن جونسون البينك بتاع الاطفال او كاميل او لوشن جليسوليد
وبحط على منطقه الصدر دي بودره تلك عشان الحبوب والحمد لله ابتدت تجيب نتيجه
ومزيل العرق طبعا وادهن شعري بكريم مينك الاخضر او ايفا بالعسل والف شعري
وبستخدم لوسيون للشعر طبي برضه وحلو جداااااااااااااا
وايه تاني ايه تاني؟؟!!
اه وشي بأه
بشرتي دهنيه فبغسلها بغسول جونسون البخاخ الرغوه ده ولما يخلص هاجرب بتاع ساندي
وبحط تونر كلين اند كلير ومرطب ..فى لوكس البينك بميه الورد او مرطب كلين اند كلير او ايفا بالزبادي والخيار ممتازين كلهم
ولما بتطلعلى حبايه بحط عليها محلول اسمه اكنيمايسين سوليوشن ده بجد تحفه ..بينشف الحبايه وبعد يومين مش بيبقى ليها اثر ولا بقعه ولا كانها طلعت من اساسه
ولايدي وكعوبي ..جليسوليد طبعا
ولشفايفى زبده كاكاو لابيلو او لونا او ساعات بحط فازلين
وفى الصيف طبعا مبستغناش عن الحنا لشعري

واه صحيح
المنطقه الحساسه بقيت برش عليها كل يوم زيت زيتون خلطاه بميه ورد
حسه انها بقت انعم ولونها افتح حبه بسيطه اوي

موضوعك حلو موت يا جميل ومبروك على معاد فرحك اللى اتحدد وربنا يتملك على خير ان شاء الله :9_33:

انا مخطوبة الحمدلله عقبال كل البنات(x) ان شاء الله بس انا طول عمرى بهتم بنفسى بس زاد شوية بعد الخطوبة:wink: اقولكو بقى انا بعمل ايه
اول لما بصحى وقبل ما بنام بغسل وشى بالفوم بتاع كلين اند كلير اللى هوا البخاخ دة بجد روعة وبينضف وشى بعدها بربع ساعة كدة بستخدم السائل اللى هوا الازرق مش فاكرة اسمه حاليا لانى بنام على الكيبورد:21_161:.بعدها بساعة بستخدم كريم كلين اند كلير بردو اللى هوا مزدوج الفعالية دة دة كله طبعا اويل فرى وحلو معايا جدا عشان انا بشرتى دهنية و مطلعة عينيا وارفانى فى عيشتى و كل لما احتاج اغسل وشى طول اليوم بغسله بصابونة جونسون بتاعة البيبى تحفة اوى اما بقى لما بتطلع ليا حبوب فى وشى بستخدم مرهم اسمه %ACRETIN.025 بحطه على مكان الحباية بس لمدة ربع ساعة واغسله وبعدها بحط مرهم انتى بيوتك اسمه FUSIDERM وبيجيبوا معايا نتيجة حلوة موت ودة كلو طبعا تحت اشراف دكتور حتى استخدامى للحاجات بتاعة كلين اند كلير هو اللى منظملى ازاى استخدمهم دة بالنسبة لوشى
بالنسبة لجسمى بعمل حمام مغربى كل شهر بس هازوده قبل الفرح ان شاء الله كل اسبوع بعمل باليوكو اللى قلتى عليه مداومة عليه بقالى فترة وماشاء الله حلو اوى و بستخدم شاور جيل جونسون بعدها بنشف جسمى و بستخدم بيبى اويل بتاع جونسون على جسمى كله بجد بعدها بحس انى بلمع ونضفت اوى(a) دة غير بقى بحط فازلين لرجليا والبس كيس وشراب قبل ما انام ودة يوميا حتى انا خايفة اكون اتعودت على كدة وابقى انام بالكيس والشراب بعد الجواز هههههه
اما بالنسبة لشعرى فبستخدم شامبو وبلسم هيربل بجد بجد اكتر من روعة بس المستورد التانى دة مش اد كدة وبعمل حمام كريم كل شهر بتاع بيوبوينت بالنخاع وكل اسبوع بعمل حمام زيت (جوزهند+لوز+درة+افوكادو+توم) وبعدها اغسل شعرى ومش بدهنه لانه مش بيكون محتاج وبدهنه بعد كدة يوم فى ويوم مفيش بزيت املا بالياسمين ريحته تحفة وبيحافظ على الشعر بس بدهنه بحبة صغننين اوىىىى وفى حاجة عايزة اقولكو عليها كنت جربتها وجابت معايا نتيجة حلوة اوى اوى بتنعم الشعر وتطوله بس مش طول خرافى يعنى بس هيا بتطوله مع الاستخدام بس لو تقدروا تستحملو ريحتها انا كنت مطفشاهم كلهم من البيت ايامها :tongue:وهى
6 فصوص توم تتهرس كويس اوى وبعدين تتحط فى شاشة وتتربط وبعدين تجيبى خليط اى زيوت عندك بس يفضل جوزهند ولوز والحاجات اللى ليها ريحة عشان تلم ريحة التوم شوية وتتحط الزيوت دى على النار ومعاهم التوم لحد ما تحسى ان الريحة بدأت تنتشر تطفى علية وتسبيه يبرد وبعد مايبرد يتحط على الشعر وكل ريحة وانتو طيبين بس بجد مفعولها ممتاز وهى طريقة منقولة بس انا قرياها بقالى كتير ومش فاكرة مصدرها بالظبط:ss:
ايديا بحط ليها فازلين دة لو كانت فى ميه كتير يعنى بعد غسيل مواعين مثلا لا قدر الله او بعد الشاور كدة يعنى اما الترطيب العادى اى كريم بيقوم بالواجب
مزيلات العرق اكتر نوع ارتحت فيه هوا ريكسونا بس الديودرانت مش سبراى
الشفايف بحط دم غزال خلطاه بفازلين بيخلى الشفايف حمرا كانك حاطة روج وطرية موت
بالنسبة للرموش :shy:بستخدم بليل زيت خروع عليها هيا وحواجبى بحطه بفرشة ماسكرا قديمة وانام
سورى بجد يا قمرات على الرغى الكتير بس دة اللى بعمله وحبيت اقولكوا عليه و يارب تكونو استفادتو :)
بس عندى استفسار ياريت حد يقولى اعمل اية كنت جايبة شوز جديدة وعورتنى فى رجليا الاتنين من ورا هو مكان الجرح راح بس سايبة مكان اسمر كدة مش عارفة دة استخدمله مرهم كارباميد ولا اعمل ايه بالظبط ؟؟؟

على فكره يا مورو موضوع جاااااااامد جداااااا جداااااااا
انا استفدت منه
و ربنا يسهل هبقى ارجع تاني اقولكوا الحاجات البسيطه اووووي اللي بعملها

السلام عليكم ورحمه الله وبركاته


بجد نورتوا الموضوع جداااااااااااااااا وخلتوه مفيد ربنا يكرمكم ويسعدكم يارب



بالنسبه بقا لسؤالك يا

اقلك على الى حصلى لبست يوم امتحان المشروع بقا صندل بكعب عالى وايه بقا وكأنى رايحه حفله المهم انا عمتا مش بحب الصنادل الى باكس او الكلام دا بحب الى بصباع هههه مش بتاع الحمام طبعا لا واطى او بكعب كله كله بحبه كدا الحمد لله

المهم بقا لان الكعب عالى وكدا عمل احتكاك فى صباعى بقا فيه ديره سودا او بنى ودا ناتج من الاحتكاك طبعا زى ما كلنا عرفين المهم بهتم بقا ازاى بتحطى عليه اسكرب اى اسكرب وبعدين تفركيه بالحجر ومع الوقت هيفتح ان شاء الله وحاولى تعملى دا كل يوم وتدهنى بعده كريم مرطب جليسوليد مثلا مش مهم هيكون تقيل بس اهو فى مكان عادى

السلام عليكم ورحمة الله وبركاته
بجد يامورو موضوعك حلو اوى اوى وانا هشارك معاكو بالى بعمله
اممممممم بصوا بقى انا بغسل شعرى مرتين فى الاسبوع بشامبو طبى اسمه هيربال 2 ده عشان التساقط وشعرى كمان كان مقصف وحالته صعبه اوى المهم الحمد لله اتظبط شويه بس برضه التساقط لسه موجود الحمد لله مش زى الاول بس برضه فيه تساقط وده مضايقنى اوى
وبستعمل كمان امبولات ايفا بالصبار دى حلوة اوى اوى وبدهن شعرى بزيت اسمه كومبليت عشان الامبولات دى بتنشفه اوى اوى وبلفه طبعا والحمد لله شعرى اتحسن عن الاول
بشرتى بقى دهنيه بغسلها بصابونه بروتكس مرتين فى اليوم وبستعمل محلول كليندا سول عشان فيه عندى شويه حبوب شباب كده واثارها برضه والحمد لله مرتاحه عليه اوى اوى
اما جسمى بقى فعادى باخد الشور وخلاص بصراحه بكسل اعمل موضوع الترطيب اللى انا بسمعه منكو ياقمرات مش عارفه الواحد يعمل ايه فى الكسل ده
شفايفى بستعمل ليها فازلين حلو اوى اوى وخصوصا لو عملت لها تقشير كده بفرشاه اسنان وحته فازلين صغيرة بحس انها موردة وحلوة وناعمه كده
اممم ايه تانى بصراحه ده كل اللى انا فاكراه يعنى
واى سؤال انا موجوده وعاوزه اشوف خبراتكم انتوا كمان وياريت حد يقولى ازود ايه على جدولى ده شجعونى بقى
معلش انا اتكلمت كتير بس انا عارفه انك هتتحملونى

شكراا