السلام عليكم ورحمة الله وبركاته
كيفكم حبيباتي
انا بدخل في الموضوع على طول
لأن صراحة ماعندي مقدمات <<<< الإعتراف بالحق فضيلة:tongue:
انا أختي عندها بنت
والبنت هذي عمرها 11 سنة
بس مشكلة البنت هذي
ان عندها صعوبة في الكلام
يعني الكلام بصعووووبة تخرجه
أو انها تربط في الكلمات
فتطلع الكلامة متلخبة
وبعض الأحيان تحرج نفسها
واما المشكلة الثاانية
ان امها تحس انها انطوااائية بشكل موطبيعي
خجووولة زيياااادة عن اللزوم
عشان كذا
ممكن تعطوني حل لمشاكلها
والله يجزي لكل وحدة تساعدني إللي تبغااه
وآسفة طولت عليكم كثير
ن
نبعه الريحان
عروس برونزية
21-02-2009 | 05:14 PM
اهلييييييين حبيبتي...
بالنسبه الى نطقها...
هذا شي عاااااادي وماهو عيب ولا غلط,,, وناس واااااااايد يصيبهم صعوبات في النطق...
بس اللي على اختج الحين انها توديها الىاخصائي نطق عشان تتعالج...
وبالنسبه الى الخجل..
خلي اختج تحاول تطلع مهاها دايما وتعرفها على بنات في سنها..
اذا كان انظوائها زاااااااااااايد مررررررره يمكن يكون بسبب احد جرحها اوخجلها او فشلها قدام احد ويمكن نطقها هو اللي يخليها تخجل من الناس....
شي طبيعي انها تصير انطوائية وهذا ناتج من خجلها من صعوبتها في الكلام واكيد لان احد قاعد يسخر عليها
لازم توديها الى اخصائي نطق يمكن عندها خيط في لسانها او شي
وعلى امها انها تعالجها اول وبعدين تزيد من ثقة البنت في نفسها وتشركها في انشطة ونوادي
ما تشوف شر اعرضيها على اخصائي نطق
تسلمووووون على ردودكم وانا بقول لأختي توديها أخصائي نطق
بس في الإنطوائية
مشكلتها في النطق بدأت لما كان عمرها 10 سنوات لكن أختي ظنت ان المشكلة
بتخلص لكن لا
لكن الإنطوئية بدأت من يوم وهي صغيرة
وهي إنطوائية
وسوو كل شي يبد الإنطوائية منها لكن مافي فايدة
يعني الإنطوائية مو بسبب نطقها
ممكن تعطونها حل للإنطوائة بنتها ؟؟؟؟
ومشكورات على مساعدتكم
*
**ام عبادي القمر**
عروس ماسية
22-02-2009 | 12:03 AM
اعتقد انه المشكلتين مرتبطين في بعض
فاذا انحلت مشكلة منهم راح تنحل الثانية
لو تروح الى اخصائية او اخصائي يكون احسن
.
.. طيف الأمل ..
مشرفة سابقة
22-02-2009 | 12:06 AM
Blossoms;8907579:
شي طبيعي انها تصير انطوائية وهذا ناتج من خجلها من صعوبتها في الكلام واكيد لان احد قاعد يسخر عليها
لازم توديها الى اخصائي نطق يمكن عندها خيط في لسانها او شي
وعلى امها انها تعالجها اول وبعدين تزيد من ثقة البنت في نفسها وتشركها في انشطة ونوادي
كلام سليم ونفس رأيي حرفيا ً
الله يشفيها يارب
ونفس كلام الاخوات
احس ان المشكلتين مرتبطين ببعض
الخجل ناتج اكيد من نطق تشوف نفسها غير او احد يضحك على كلامها او يسخر منها حتى لو من الاهل فتكونت عندها الخجل الزايد والانطوائيه
ولازم تنعرض على اخصائي نطق وعلى الام تلتفت الى هذا الشيء من يوم كان عمرها اربع سنوات
اتوقعه الحد الاقصى للتاخر الكلام او الفصاحه في النطق
البنات ماقصروا حاولوا معاها وزيدوا من ثقتها حتى انتم نفسكم جلسوا معاها وبينوا اليها انكم تحبوها وتفخروا بها
مو شرط تكون الانطوائية من النطق، في كثار عندهم صعوبة في النطق لكن يخالطون الناس
العلاج يكون لاختج مو لبنتها،، لان لو الأم تعتمد على بنتها وتسويلها مكانه في البيت ما كان صارت انطوائية
انا اختي بنتها كانت انطوائية وما تحب تسولف ويا احد
قلت لها العيب مو من بنتج، طبعا شي غريب لما تقولين لوحدة العيب منج، وخاصة لما يكون عندها اكثر من طفل ولا مر عليها واحد سوى لها مثل هذي
بس الفرق هو ترتيبها من بين اخوانها، هل امها تهتم بواحد اكثر منها؟ لازم تلاحظ لهالنقطة
الام تشاور بنتها في المواضيع الخاصة فيها؟ تاخذ رايها في ملابسها؟ في اكلها؟
تحاول تسوي من بنتها آنسة؟ اقصد الكشخة والاهتمام بالنفس... تاخذها معاها لما تروح تزور صديقاتها؟ تمدحها جدام الناس وتشبعها جمل ايجابية لما تكون بين الناس؟
انا بنتي باقي لها شهر وتخلص سنتين، واخذ رايها في ملبسها اي واحد تبي تلبس واخليها هي تختار اذا تي تاكل او ايش تاكل او متى تبي تنام،، لان الثقة في النفس يبيلها اساس، تأسسين الياهل على هالشي من صغره
مهما غلطت ومهما سوت ختشجعها، وتعلمها ان بداية كل نجاح غلط،،
يمكن اختج تحبط من بنتها مرات او انها تعاقبها على اغلاط تسويها من دون قصد او من دون وعي...
دوري عن كل هالاسباب وشوفي في واحد متوفر في اختج
وترى مشكلة النطق يمكن تكون بسبب الانطواء وعدم ثقتها في نفسها، فتلقينها من كثر ما هي مرتبكة وما تبي تتكلم مع احد خوف من انها تغلط يتلخبط كلامها
اقعدوا معاها اكثر وشولفو معاها اكثر بدون ما تعلقون على كلامها او تعيبون عليها
انا لما يشوفوني اسولف مع اليهال واعطيهم ويه يقولون لي ما عندج سالفة... لكن انا اشوف ان الاساس من صغرهم،،، فحاولوا معاها من الحين قبل لا تكبر وتطلع ويا الناس،، وبعدها تتحسفون
[quote:@نعومه@
السلام عليكم ورحمة الله وبركاته
بنسب الى بنت اختك يبغالها احد يجلس معها كل يوم ويكثر من الكلام
وخاص الكلمه الي ماتقدر تنطقها تقورها
( 50 ) مره تكرر الكلمة مو لازم اخصائي
وترها مجربه
ومشكلت اختك شكلها من الظغوط النفسيه
حولي لما تتكلمي معاها انه كل شي عادي وبيصر في اي عائلة :wink:
وإنشاء الله ربي يساعدك
واذا صار تحسن رديلي اوكي حبي(f)