تعبت ونفسيتي في الحظيظ

مرحبا بنات
والله ما اعرف من وين ابتدي نفسيتي تعبانه موت ومالي نفس شي لا اكل ولا اتكلم والسبب اهل زوجي واهل امي
اهل امي لان خالتي كانت تبغيني لولدها وانا رفضت واصبحت عداوات لدرجه انهم ما يسلمون على زوجي الحين وللحين يسوون حركات لما يجي بيت جدي وانا هناك هو وخطيبته مع ان الزواج قسمه ونصيب بس انا ما حبيته وما قدرت فكرت وفكرت ما تقبلته وما اقدر اظلمه معاي وهم مو فاهمين هالشي وقاعدين يطلعونه الحين على زوجي المشكله ان حتى اهل زوجي حسوا عليهم لانهم ما حضروا لا العقد ولا الخطوبه والزواج حالهم حال الغرب وغير هذا لما رجع زوجي من السفر ما تعبوا عمرهم حتى سلموا عليه ولا كانهم يشوفونه وولد خالتي الطريق اللي فيه زوجي هو ما يمشي فيه شسوي معاهم وانا صابره وساكته عشان خاطر امي ما ابغيها تزعل عليهم وزوجي حاس لهم ومتضايق بس يحاول ما يحسسني بهالشي .

اما اهل زوجي فتخيلوا كل شي يحاسبونا عليه ويتدخلون فيه ولو صارت مناسبه او جمعه في مكان او احد سافر او ارجع من سفر وما رحنا له تقوم الدنياو ما تقعد مع ان هم ولا وحده من خواته سلمت عليه حتى بالتلفون لما رجع من السفر وهو مسافر مده طويله ولا كانه اخوهم وهو مسكين يقول براحتهم انا ما بقول ليش ما جيتوا وليش ما اتصلتوا واقل شي ويتكلمون علينا ويا ريت في وجهنا الا من ورانا وانا لو يسوون فيني شنو ما يسوون ما احسس زوجي اني متضايقة لدرجه ان ملجه حماتي اخت زوجي كانت في شهر 11 اللي طاف وسوت لها سفرة عجم ووزعوا التوزيعات اللي فيها ما ظال احد ما اخذ حتى الخدامات وانا ما عطوني شي ولا قلت لاحد صح تضايقت بس ما خبرتهم ولا قلت لهم ليش وما ليش
ومرت اخو زوجي مناشبتني نشبه الا انا شقتني كبيرة وزوجي يطلعني وياخذ لي كل شي ويدلعني ووضع زوجي افضل منها وكل تشتكي من زوجها ولو مهما يسوي لها ما يبان في عينها مع ان هي في بيت وانا في بيت بس سبحان الله تعرف متى ادخل ومتى اطلع ووين رحت جنها تراقبني لدرجه ان كرهت اطلع مع زوجي وكل متضايقة وحزينه بس ما اقدر اقول لزوجي لانه مهما يكون اهله وما يصير اتكلم عليهم جدامه وامه الله يحفظها وابوه لما كان مسافر انا ما اسوق سيارة ومنطقه اهلي بعيده عنهم واخوي ما كان يقبل يوديني ويرجعني يقول لي شوفي احد يوديج وانا ارجعج والله كنت اتوهق يا من يوديني عشان لا يقولون قطعت فيهم من سافر زوجي واخذ لهم اليهال يشوفونهم على الاقل يومين في الاسبوع وبعد ما يبان في عينهم لما رجع زوجي قاموا يتشكون عليي جدامه اني ما اروح لهم وشوي وارجع جنه على كيفي لو عندي سيارة فاضيه لي وحتى الحين لما رحعت بيتي من ينزل زوجي بالبيهال قاموا يتشكون عليي جدامه اني ما انزل وايد معاهم لان عندهم عندهم خدامه تخدمهم وتطبخ لهم يحسبون الناس كلها مثلهم فاضيه انا عندي يهال اثنين وصغار ابغي ااكلهم وابدلهم واطبخ لنا وانظف وغيره عشان ما يجي زوجي الا كل شي جاهز ما اقدر انزل الا بعد ما نتغدى وهم هالوقت يبغون ينامون والعصر يطلعون وفي المغرب نفس الشي ببدل عيالي وبسوي لنا عشى وبنيمهم لان ما عودتهم على السهر يأذوني وانا وراي جامعه صعبه
قولولي شسوي معاهم والله تعبت انا احاسب لهم وهم ما يحاسبون لاحد هل ذنبي اني صرت طيبه معاهم واحترمتهم مهما يقولون ومهما يسوون ما ازعل منهم لاكن هم ما يحسون وكل موقف يسوون اكثر من الثاني والله تعبوني وكرهوني في عيشتي