مصيبة .... الله المستجار

السلام عليكم ورحمة الله وبركاته

أخواتي الفاضلات بنات عروس ...

اكيد معظم زوار هالقسم يتذكرون قصتي الي نشرتها قبل سنة تقريبا من احين
وكنت لحظتها محتارة وانتوا خواتي ما قصرتوا معاي كل وحدة دعت لي بدعائها عسى ربي يعطيها افضل الاجر ويحقق كل مراد لها ... وكل وحدة جبرت خاطري بكلمة او مواساة يعل ربي ما يكسر خاطر لها ويبرد على قلبها دوم...

http://www.3roos.com/forums/t300112.html

استكمالا للاحداث وعساس اخليكم في الصورة معاي وتفيدوني بمشكلتي اليديدة ...


بعض الاخوات ناقشوني بالخاص وخوات ما قصروا ضافوني على المسنجر وعطوني وايد حلول عشان اقدر اكسب زوجي واتجنب الطلاق... صارت احداث وايد ... زوجي اخته كانت كافلته للدراسة برع وهيه ممرضة وبدال الشفتات خلوها بس الصبح فقللوا معاشها والبنك وقف اقساطه واضطر يرجع ما يكمل دراسته ....

اول ما رجع قعد شهور طويلة بدون وظيفة ومثلكم عارف حال الموظف البحريني .. وغير جي هوه عليه ديون ووقفها وقاعد يزيد مبلغها شهر عن شهر ... لين ربي يسر له اول شي لقى وظيفة في السعودية وراتبها قوي.. صار يروح ويرجع لين خلاص ربي عطاه وحصل وظيفة في البحرين

طول هالوقت انا كنت بعيدة عنه اهله ما كانوا يسألون عني غير اخته وحدة يزاها الله خير ما قطعتني كانت ع طول تمرني وتقول خل نطلع مع انها عروس يديدة عزمتني حتى ع زواجها ورحت واستانسنا وكل شي ...

طبعا من خلال ايميلات زوجي الي اعرف باسووردها كنت اجوف انه يكلم بنات ع طول ويطلع معاهم وغيره وواهلي كلموا اهله يا طلاق وتسريح باحسان يا ان تلقون حل ... وتحرك عمي بسرعة وسوى لنا الشقة بسرعة ويه زوجي عندي الدوام يومها وقال لي بغيت اكلمج قلت له صعبة اكلمك هني مكان عمل ومب مكان ان نتكلم في علاقتنا الزوجية .... انتظرني هوه في السيارة ولين كملت يودني من يدني وخلاني اركب معاه السيارة يكلمني ... وترجاني اني ارجع له وان هوه شاريني وما يبي الطلاق ... وصراحة حتى انا مع اني كنت شبه منفصلة عنه بس داخلي كنت محتاجة لزوج وولدي ما كان يسكت دايما يسأل عن ابوه لانه ما شاء الله عليه وايد ذكي وما ينسى احددددددد وخصوصا ابوه يحبه حب مب طبيعي ....

انا قلت له باخذ خيرة ويبي لي مدة اقعد اكلم نفسي واهلي عقبها اجوف شسوي خصوصا ان المدة طويلة الي انا بعدت عنك فيها ...

رجعت للبيت كلمتهم وامي قالت لي ردي له مع اني مب مقتنعة لكن ردي له وحاولي تكسبينه وتمت تكلمني وتحاورني ومع ان عمامي وعماتي ما كانوا مقتنعين بردتي لكن قالوا لي عشان الياهل وبشروط ردتج ... ان نعاين الشقة اول ونتاكد ان عنده وظيفة وناخذ ضمان عليه ان ما يمد يده عليج ويرد لج كل فلوسج الي خذهم

وهالشي صار بين رياييل تكلموا في الموضوع وانحلت الامور ورجعت لريلي معززة مكرمة وراسي مرفوع ... وصار لهالموضوع شهر من ردتي

=====================


المشكلة الي صارت احين وان احنا قاعدين ننظف غرفة زوجي الاولية
كان في حزام بنطلون عمتي يودته الا تسمع صوت شي مثل الورق داخله ومخيط الحزام استغربت منه وع طول اخذت سجين وفتحت داخل الحزام وشكله معبى فيه شي ..

والحقيقة والواقع المر الشي الي لقته داخل كان صوري وصور زوجي واوراق وخرابيط عندها كانت خالتهم في اغراضها الي بتاخذهم معاها ...

خدامة عمتي هذي سفرناها من مدة طويلة تقريبا 10 شهور من راحت بس تونا ندري عن هالاشيا وهيه كانت موجودة عندهم من بداية ملجتنا ....والمشكلة عمري ما طولت صوتي عليها او تامرت عليها حتى ولا حتى زوجي كلمها وزوجي فيه طبع يكره الخدم يعني مستحيل يتكلم مع خدامة ووقت الي اجوف خاطرها مكسور كنت اروح اسالها شنو فيها فشمعنى انا الي كانت تسوي لي هالخرابيط ؟؟؟؟؟؟:confused::confused::confused: حسيت كلام زوجي كان صح لما يقول لي انا احبج موت بس احس في شي بيني وبينج وانا نفس احساسي كنت احس ان اكو سحر بينا والحين عرفناه

بس المشكلة شالسواة احين ؟؟؟؟؟؟؟؟؟؟؟؟؟؟؟؟؟؟؟؟ شنسوي دبروني خواتي شممكن اسوي بهالاوراق والصور واكيد هيه خذت معاها غيرهم اذا خذت ذيلين

من تشور علي والخدامة اصلها افريقية اثيوبية ومب مسلمة لا مسيحية ...:confused:

حدي خايفة ومرعوببببببببببببببببببببببببببببببببة يا خواتي بعد ما رجعت لزوجي احين يدي لحين ع قلبي اخاف ان السحر لازال بينا ؟؟...


في امان الله