ولدي يحك ضروسه بالليل

بقولج اختي ترى الشخص اذا يسوي جذي مايحس بروحهالصوت ينرفز صج ومزعج عدلبس شيسوون اهما مايحسون بروحهمانا اختي كانت جذي وصج الحركه مزعجهلين اسألها لين تقعد تقول ماسويت شئبس ترى فترة وتعدياختي الحين ماتسوي

مشكورة أختي ماقصرتي على ردك.... إن شاء الله مثل ماقلتي فترة وتعدي...

سوري كان نفسي اجاوبك ..

بس ايش يعني (((يحك اضراسه))) يعني يدخل ابصبعه في فمه ويجلس يحك اضراسه ؟؟
معليش فهميني اكثر

لا أختي أم وسام مو معناه يدخل أصبعه.. لا يعني وهو نايم يحك الفك الأسفل بالأعلى على أسنانه ويطلع صوت ينرفز الواحد...

سوري كان نفسي اجاوبك ..

بس ايش يعني (((يحك اضراسه))) يعني يدخل ابصبعه في فمه ويجلس يحك اضراسه ؟؟
معليش فهميني اكثر

حصل مع ابن اختي و ابني بس اللي سمعناه انه قلق او ضغوط عند الطفل واللي لاحظناه ان اولادنا اني واختي فترة النفاس الظاهر تغير حياتهم فجأة ودخول طفل جديد خلاهم يضطربوا وبعد فترة تركوها وعند جداتنا ان الولد اذا سوى كذا يجيب الخير عاد جداتنا سوالفهم سوالف اتمنى اني افدتك بالقليل ويمكن هي ظاهرة عادية

أشكرك أختي إيسمار معقوله بدت الحالة النفسية في ولدي من الحين.. بس البيبي بعده ماوصل معقولة من الحين متأثر.. الله يكون بالعون.. أشكرك أختي على الإفادة....

والله وجيتي على الجرح يارانيا بنتي لها يومين تسويها ويطلع صوت اسنانها عاد هي توها تسنن ونتاف اسنانها والصوت يحوم كبدي واحاول اسليها بشي ثاني احك راسها مثلا ولا في فايده وخلاص لراحت في النوم افتكينا من الصوت عاد انا اقول اول مره طفل يسوي كذا ....هههه طلع في كثير الله يعين
ان شاء تعرفي الحل وتقولين لي

انا اولادي وهما اصغر من هالعمر جاتهم هالحركة بس انا بصراحة كنت اتنرفز فمااسمح لهم
يعني على طوول اما اضربه على يده بشكل خفييف يعني او اهدده انه اسنانه بتخرب والناس تضحك عليه والحمد لله ماعاد شفت مثل هالقصة .... لاتخافي مرحلة وتعدي واعتقد ان ابنك يقلد خاله لمجرد التقليد مو لان في بيبي بالطريق انتي نبهيه وان شاء الله يبطلها

عادي رانيا لا تقلقين !

انا كنت جذي و امي محاولات وياي جان اترك هالطبع بس بالنهاية من نفسي تركته مادري شلون !

و اختي الحين مثلي ، و اعاني لما تنام في مكان اكون موجودة فيه ! الصوت ينرفزني !


بس بالنهاية مااعتقد انه هالشي بسبب معين ، و مايحتاج لعلاج ان شاء الله من حاله بيتركه !

اختي رانيا فعلا لما تكون عند الطفل ضغوطات نفسية او كان كابت مشاعره تجيه هالحالة وانا ولدي كذا بالليل لما يحك اسنانه اعرف انه زعلان او متضايق لانها مو دائما بس لما يكون قلق او مضطرب وترى لها اثارها على المدى البعيد يعني مو لازم يجي البيبي عشان يتضايق نفسيا الطفل يحس ويسمع اكيد مثلا تتكلمون عن الحمل والتجهيز وهذي الامور
والطفل يسمع حتى لو كان لاهي بشي ثاني اولا لازم تعالجين الضغوط او القلق النفسي اللي عنده يعني تشجعينه وتتكلمين معاه وتخليه او بالاصح تعوديه على انه يتكلم عن مشاعره ومايكبتها ولازم تمهدين له عن المولود القادم من الحين

الثاني: اذا تكررت اكثر من مرات خذيه عند طبيب الاسنان حتى مايتشوه شكل الفك لاني سمعت انه يخرب الفك ويخليه بارز على قدام والله اعلم

ايييييه رانيا ولدي من عمرة سنة ويسوي هالحركة حتى لما ينام وهالصوت ينرفز

وترك هالطبع والحين اشوفه رجع يطلع هالصوت حتى وهو قاعد ولما نقول له هون يستغرب

شكله يسوي وهو ساهي ولا يحس لروحة ان شاء الله يتركوا هالعادة لوحدهم لانها تاثر على شكل الاسنان

هلا اختي ممكن هالرابط يفيدكhttp://go.3roos.com/6NkjB0izK4j

شوفي اختي رانيا ... الاطفال خلال سنوات نموهم عموما .. يعلقوا بعادات سخيفة .. مثل العض.. مص الاصبع .. اللعب بالصرة .. اللعب باشياء ثانية .

ما انصحك ابدا تتعاملي مع اي عادة بشكل عنيف وحاد ... ولا تعطيه الفرصة هذه علشان ما يلفت بها انتباهك ... بس انتي انهيهه عنها بشكل لطيف وفهميه مضارها .. وكررها كثير .. تجاهليه وهو سرعان ما يخليها ..

انا شخصيا ما مريت مع وسام بهذا الموقف بس كان عده عادة العض ... لما كنت اتعامل معه بعنف كان يعند اكثر ويزيد ... فنصحوني اتعامل معه بهدوء وبالفعل اكثر من شهر وانا وافهم بالعقل ان العض مش كويس وانا ابني شاطر يسمع الكلام ... والحمد لله في خلال شهر يرك هذي العادة نهائياً

بنوتي عمرها سنتين ونص تسويها وهي نايمه تحك ضروسها ممكن اعرف شو السبب ؟ هل حاله نفسيه