انا تعقدت من امي وابوي ... مليت من الحياه :(

السلام عليكم والرحمه الله ..

اشحالكم شخباركم .؟ انا قبل فتره عرضت مشكلتي بهالمنتدى ..

بنات جوفو .. امي وابوي منفصلين .. المفروض ابوي يزورنا بالاسبوع 3 مرات ..

بس امي مسوتله مكان بالمجلس .. يعنى كأنه المجلس غرفته وابوي شووويه صار احسن عن قبل بس مشكلته انه دوم يسب ويغلط .. حتى ان امي ماتقول شي ..

يعنى بقول لكم سالفه .. انا بنت ادرس بالمرحله الثنويه .. وابوي جاف النتايج وكانت درجاتي

نازله ف قال لي دخلي مدرسة خاصه .. دخلنا وسجلنا وكل شي يوم الثاني على طول دوام رسمي .. اتخيلو انه تم يسأل عن السعر .. والسعر كان 10 الاف للشخص واحد فقط وقال انه وايد وسوالي سالفه وقالي طلعي من هاي المدرسة .. وطلعت ودخلت مدرسة حكوميه ..

وامي ماتقول شي تعرفون ليش ؟؟ لأن ابوي وعدها انه بياخذ سياره يديده بأسمه .. علشان هي ماتشتغل ف مايصير تاخذ السياره بأسمها هي .. والحينه مغير رايه ويقول ماباخذ ..

وامي حاطه افبالها ان بياخذلها ..
هذا مثال بسيط عشان تعرفون ان امي وايد سلبيه .. وتفكر بالفلوس .. وامي كله برع البيت ..

والله العظيم اتم برع اكثر عن 10 ساعات .. ومرات ماجوفها يوم كامل .. كله برع البيت ..

وابوي انسان شكاك وبخيل شويه .. مايفكر الا بنفسه ..

الناس تتكلم عن امي وابوي .. وصار سمعتهم خايسه .. والكل يقول ان امي الي تحرض ابويه .. وبصراحه انا ما ألوم الناس .. لأن اصلن امي يوم تجوف ابويه المفروض اقل شي تتحجب .. بس هي ماتتحجب ومرات تظهر بملابس النوم .. منو مايتضايق من هالشي ..؟

واحد مب محرم على امي يجوفها وهي بدون شيله ..؟ بدون ثياب ساتر ..؟

عماتي ماعرف عنهم شي ولايعرفون عني شي .. كرهو امي وابوي من تصرفاتهم ..

كل واحد يتمصلح على الثاني لأنه يفكر بنفسه وبفلوسه ..

وبقلكم سالفه .. في مره انا كنت جالسه على اللاب توب داخله منتديات .. فجأه ابوي فتح الباب .. يجوفني بنص عين .. ويقول لي: انتي شو اتسوين .. اقول: له يالسه ع اللاب ..
قالي : انا شفت واحد يتحوط عدال بيتنا .. قلت له : اوكي ..؟ (( بوجهي علامه استفهام وتعجب))
قال : انتي اتواعدين ..؟ قلت له : كيف اواعد وانا يالسه على الاب وانت تعرف الكل يتحوط برع البيت انا شو دخلني بالسالفه .. سألني وقالي : انتي عندج تلفون ..؟ قلت له : ماعندي تلفوني عطيتك .. قال لي : هي صح .. وتم يتكلم وايد ويقول ليش سهرانه وماعرف ايش ..(( معنى كان عندنا اجازه اسبوعين وماوراي شي )) ..

وسرت انام .. وخبرت امي عن السالفه .. وقالت : عادي عادي طنشي ..

حتى امي ما خلت احد من ربيعاتها وماخبرتهم عن ابويه وتفضحه بكل مكان وسالفه امي وابوي مراكز الشرطه الي بالبلاد يعرفون عنه .. هذا غير عن الكلام الي يطلع عن الناس ..

وامي تقول حق ربيعاتها بعد انها تبي تفتك منا ( انا واختي الي عمرها 15 ) تقول متى يتزوجون وافتك منهم ومن مصاريفهم .؟!
وكل ماتعرفت على وحده اتقول لها هالكلام .. كأنه انا واختي مسوين شي غلط والعياذ بالله
نحن اصلن مانطلع من البيت .. حدنا من البيت للمدرسة والمدرسة للبيت ..
وامي وابوي كل يوم يقولون ودرو دراستكم وش لكم بالدراسه وعوار الراس ..

امي ماتطيق ابوي ولا ابوي يطيقها .. كل واحد يكره الثاني .. ويجامل الثاني ..
ابوي يجي البيت : علشان امي تخدمه وتجلس معاه وتتكلم معاه وهو اصلن بخيل بدرجه انه مايبغي يصرف على عمره علشان جيه يجي بيتنا وعلشان انه شكاك بعد يراقبنا وبنفسه
قال : انا مابطلع من البيت لوشو ماصار عشان اراقبكم !!

وامي مسحملتنه وحاطه في بالها انه بياخذ سياره لها ويعطيها شويه فلوس اذا احتاجت فلوس.

وكلام الناس مايقصر حتى بالمدرسة طالباتي بالصف يعرفون عن هالشي .. لان امي مخبره الاداره عن سالفتهم .. شو هاي الفضيحه .. كيف استحملهم .. هم اولا منفصلين .. وكله ويا بعض حتى كل مره يركبون سياره وحده ..؟ ولا فوق هذا كله مشددين علينا بكل شي ..

خبروني شو اسوي اكمل دراستي .. ولا اشتغل وماعلي من احد .؟ تراني اذا بصبر بجن بسبتهم .