إمبارح رحت معرض مقام فى حى الحمراء بالرياض بيقام كل سنة مرة فيه أقسام كتير أغلبها ملابس بس فيه مفروشات كتب عطور أطعمة عطارة اكسسوارات أحذية ألعاب أطفال أسعاره كويسة أوى وتقدرى تفاصلى مع البائع وبالنسبة للملابس فى الجديد والمستعمل والأطفال والحريم بس أنا ماشفتش ملابس رجالى غير الشماغ المهم فى الخبر إن المعرض أمامه تقريبا أسبوع أو أكتر شوية ويقفل أبوابه هوتقريبا فى شارع الملك عبد الله بعد الدائرى الشرقى قصاده الناحية التانية محل تريندز وبعدالمعرض على نفس صفه بشويه كتير سوبر ماركت بنده بصراحة إحنا ماكناش رايحين له مخصوص إحنا لمحناه كده ورجعنا له علشان كده تلاقونى مش عارفةأوصف بس دى العلامات اللى عرفت ألقطها مميزة حوله نسيت أقول لكم المعرض منصوب فى خيمة كبييييرة على الله أكون قدرت أفيد أى حد من كلامى وخصوصا دى اول مشاركة لى فى القسم ده لأنى مغتربة نوفى (جديدة يعنى معلهش أصلى لسه جاية من مصر ولسانى لسه ما تلوحش من الغربة:tongue
