نفسيتي مدمرة ومرعوبه وهاموت من الخوف..اعمل اية؟

ازيكم يابنات.........
انا نفسيتي مدمرة ومرعوبة وهاموت من الخوف انا مخطوبة بقالي سنتين والمفروض كنت اتجوز الصيف اللي فات بس الموضوع عمال يطول وطبعا المشاكل عمالة تتحدف على دماغي ........انا بحب خطيبي جدا وكنت حاسة اني مالكة الدنيا واللى فيها لحد ماحصلت مشكلة كدة من شهرين تقريبا بابايا كان تعبان موووووووووت والدنيا كانت مقلوبة وكان في المستشفى وخطيبي كان واقف معايا بصراحه بس محدش كان بسيبنا في حالنا الحسد نزل علينا مطر ......انت معاكي ملاك.....مفيش حد كدة دلوقتي .....انت معاكي لقطة...وحاجات اكتر من كدة من غير ماشاء الله ولا حاجة ......المهم في تعب بابا دة كلة مامتة ماعبرتنيش ولا سالت ولما اتصلت بعدها بماما ما سالتش عليا حتى .....هو مش المفروض ان انا اللي اهمها ده انا هابقا مرات ابنها زى بنتها يعني؟ وانا والله وربنا هو اللي يعلم انا بعاملها ازاي رغم انها غيورة و(غلاوية)اوي حتى مع قرايبها بس انا بعاملها حلو عشان خاطرة ....وهي بقا بعد ما كلمت ماما بيوم راحت كلمتني في التليفون بطريقة وحشة والله ماعرف لية رغم ان بابايا كان بيضيع قدامنا وانا كنت بموت واحدة مكانها كان مفروض تاخدني في حضنها وتقولي معلش......المهم بعدها كدة اتصلوا وقالوا جايين يطمنوا على بابا انا فرحت جدا وقلت اني بيتهيالي انها مش بتحبني واديها جاية تطمن بنفسها وفرحت......تخيلوا بفتح لها الباب دخلت وماسلمتش عليا واحرجتني قدام خطيبي وباباة واخواتة ....انا انهرت طبعا لاني مكنتش ناقصة انا فيا اللي مكفيني والدنيا اتبهدلت لان ماما وبابا طبعا شافوا الموقف واتضايقوا ......ووصلت انها قالتلة انت لو خدتها انا مش داخلة لك بيت ..كل ده عشان حضرتي صعب عليا نفسي وقلت اني زعلت ...قال اية انا مستكبرة عليها وقالت انها بتعمل اكتر من كدة في خطيبة اخوة التاني وهي ما بتنطقش.....؟هي اصلا متغيرة من ساعة ما اخوة خطب لان خطيبتة واكلة دماغها بس والله بتقفل معاها وتكلمني وتشتم فيها وانا والله مابنطق وكمان حاسة انها ممكن تكون بتوقع مابيننا......باختصار وصل الامر لما هي كبرتة اننا سبنا بعض والموضوع اتفركش والحاجة رجعت لة بعد سنتين كلهم حب ..فجاة انتهت كل حاجة......طبعا انا ادمرت وتعبت وهو كمان وحصلت محاولات صلح كتير ونفعت في الاخر الحمد لله ورجعنا....بس اللي اتكسر عمرة مابيتصلح كل مااحاول انسا بابا وماما يفكروني ويخوفوني ويقولولي كلام يدمرني....... انت مش هتعيشي معاه مرتاحه .اهلة هايتعبوكي.وكلام اكتر من كدة ...بيقسوا قلبي كل ما يصفا من ناحيتة او من ناحيتهم...انا حاسة ان الدنيا وحشة اوى وصعبة اوى احنا المفروض خلاص بنجهز..بابا بقا مش عايزني اجيب حاجة في جهازى اللي ناقص كل ما افتح الموضوع يضايقني ويقولي دية ناس ما تستاهلش نجيب لهم حاجة عدلة ......هو احنا بنجيب ليهم ولا ليا ؟والحاجات دية في وشي ....لسة من شوية حالف وقايلي انا والله ما عايز الموضوع يتم دول ناس....(بلاش احسن)...وماما بتقولي انا من اولها كدة بقولك انا مش هاروح معاكي في عيد الام عندها روحي لوحدك لو عايزة..اصل مامتة من ساعة مارجعنا لبعض من شهر ونص اهو ماكلمتش ماما ولا رفعت سماعة التليفون .....الدنيا متبهدلة حواليا وانا بموت مش قادرة استحمل حاسة اني لوحدي اوي بدأت اشوف في خطيبي عيوب ماكنتش شايفاها لاني كنت فاكرة ان الحب اكبر من الدنيا ومن المشاكل بس طلعت المشاكل ممكن تهد وتدمر الحب في لحظة........طولت ورخمت موووووووت انا عارفة بس معلش استحملوني انا خايفة قلبي مقبوض خايفة تحصل مشاكل تاني ونسيب بعض خاصة فترة التجهيز دية بتبقا الاعصاب مشدودة في الحالات العادية .مابالكوا بحالتي انا .......اعمل اية انا بحبة اوى وهو كمان بس اللي بيحصل حوالينا بيخلينا مكتئبين ومحبطين فبنتخانق على الهايفة حتى ....انا خايفة ومش عارفة ارضي مين ولا مين اعمل ايييييييييييييييييييية؟؟؟؟؟؟؟؟:confused::confused::confused::confused::confused::confused::confused::confused::confused::confused::confused::confused::confused::confused::confused::confused::confused::confused::confused::confused::confused: