السلام عليكم يا حلوين
يعطيكم العافيه
اليوم عندي الكم اكله رائعه ومش صعبه يعني ما تخافوا
من كتره الصور لانها للتوضيح
-رول الدجاج بالخضار-
ندخل في الموضوع ونبدي بسم الله
المقادير:
فيليه صدور دجاج-
بهارات وملح
زيت للقلي
ملفوف
جزر
بطاطا
بصل
بقدونس
شويه فلفل شطه
بيض
بقسماط
الخضار مقطع صغير
الطريقه:
اول شي بناخد قطع الدجاج وبنحطها بورق النايلون
وبنضربها قليلا بمدقه البوفتيك لنقلل سمكها
وبعدها بناخدالقطع وبنبهرها وبنغطيها
وبنخليها على جنب
نيجي لحشوه الدجاج
اول شي زي ما انتو شايفين بنحط البصل
في الزيت على النار لحد ما يدبل
وبعدها بنحط الملفوف المقطع وبنقلبه شوي
بعدها بنضيف الجزر وبنقلبه شوي
بعدها البطاطا بنقلبها لحد ما نحس انها طريت
بنضيف البقدونس والبهار والملح والفلفل
بنسلق جزر للتزيين في وقت عمل الحشوه
هنا بناخد شريحه الدجاج وبنحط عليها الحشوه وبنلفها
هدا شكلها بعد اللف
بنخفق البيض
بنحط الرول في البقسماط وبنحاول نكبس عليه علشان يتماسك
وبعدها بالبيض
وبعدها مره تانيه بالبقسماط
هنا بنكون حمينا زيت غزير ونبدي بالقلي
هنا استوى وحطينا على ورق سفره علشان يمتص الزيت
هنا بعد ما بردت الرولات شوي قطعناها بشكل عرضي
السلطه
البطاطا الشيبس
هنا جاهز حطيته بصينيه تقديم مستطيله
مع شيبس البطاطاطا والجزر والبقدونس
وهدا صحن للغاليين حبايبي
يا ربي يكون عجبكم الطبق والف هنا وصحه للجميع
في انتظار ردودكم الجميله
