وبعد هالسويت ندخل ف الموضوع:JUMP:
في يوم من الأيام حطيت مشترياتي في هالمنتدى الحلو وكان من ظمنها كتاب أحمد قبيسي لتعليم الميك أب وعدتكم إني لما أطبق شي من الميك أب راح أراويكم وأفيدكم
واليوم حبيتكم اتشاركوني اللوك الحلو اللي من عمايل الماكيير اللي أموووووووووت في مكياجه أحمد قبيسي وهو طبعا من تطبيقي الشخصي مع إظافة تعديلات ع اللوك عسب يناسبني أكثر ويكون فيه اشوية من روح برود:21_207:
اسمحولي ع رداءة التصوير الصور من الكتاب والتصوير من الموبايل
طبعا أول شي انظف البشرة ونهتم بها من التنظيف والتونك وإلخ وكل وحدة وطريقتها
وبعدين إنحط البيس والفاونديشن وبعديييين الكونسيلر وآخر خطوة اللوس باودر طبعا اللوس باودر آخر خطوة بعد رسم العين بس هو حب يتصور مع إخوانه خخخخخخخخ:2_106:
وماننسى المظلومة الرقبة عسب مايكون فيه إختلاف ف اللون
والماركات المستخدمة الفاونديشن بخاخ ديور أموووووت عليه والكونسيلر ماك يجنننن واللوس باودر ميك أب فور إيفر روووعة والبس ميك أب فور إيفر
والحين إنيي عند أهم شغلة العين:21_235: ... أول شي انحط البيس البيج ع كامل الجفن ونوزعة بطريقة التربيت وعقب إنحط الإضاءة البيج تحت الحاجب وعقب انحط الآيشدو الأصفر الباهت ع كامل الجفن الثابت ونمدة ع برا والبيجمنت هذا لونه ياي وردي ع برونز انحطه من بداية المدمع لين نص العين وعقب انكمل بالأصفر
جميع الميك أب المستخدم ماركة ماك
نرسم قوس باللون البني المحروق وندمجه مع الأصفر ونمده بعد لبرا الآيشدو ماركة ماركة جيرلان يجنن
وماننسى تحت العين انحط الأصفر وعقب انحط الرموش لأنه أساس الميك أب بشرة نظيفة ورموش وأنا أنصحكم برموش ميك أب فور إيفر وماك بس ميك أب فور إيفر أحسن من ناحية النوعية وعقب نرسم فوقه خط رفيع بالآلاينر الأسود ومن تحت بعد ونموهاونطلعه لبرا
ونحط الماسكرا ع الرموش ونرسم الحواجب وآخر شي انحط آيشدو لؤلؤي بلمعة تحت العين عسب يعطي رونق لمكياج العين
الماركات المستخدمة الآيلاينر الكريمي ماك والماسكارا برجوا حلوة بس مملة في الشيل وقلم الحواجب NYX الآيشدو اللؤلؤي من بودي شوب
يينا للشفايف طبعا نرسم خط رفيع بمحاذاة الشفايف ونمليهم بالروج الأحمر وأهم خطوة الغلوس اللي كلنا نغلط فيها المفروض يوم إنحط الروج وفوقة الغلوس غلط لازم نحط الغلوس فقط في نص الشفايف مانمده ونغطي الشفايف كلها والروج والغلوس ماركة شانيل
وآخر خطوة انحط اللوس باودر ع كامل الريه ونحط بلاشر عاد هاللون مادري كيف أوصفة بس حلو ويناسب اللوك من نارس
واللوك النهائي راح يكون جي
وسلامتكم
أتمنى اللوك عجبكم واللي يعجبها صج صج تدعيلي بالخير واتقيمني أحلى تقييم :2_106:
أرجو عدم نقل الصور من غير ذكر المصدر وإسم المنتدى
ودمتم بود:9_28:
