صدمتي بزوجي وانا عروس

بقولكم قصة صديقتي

قصتي عندي صديقه خذت زوجها عن حب والكل يتكلم عن حبهم وطول فتره الخطوبه واهما رايقين وسمن على عسل وتحبه وتموت فيه واهوا بعد يحبها وماخذها بعد قصة حب وقبل الزواج بشهر حست انه تغير شووي عيلها وكل ماتتصل تحصل تلفونه انتظار ،، وتم الزواج وفي ليله العرس حست انه مو متلهف عليها زي اي معرس وكانهم متزوجين من 10 سنين مو من يومين ويطلع ويسهر ولا يفتكر ويرجع فالليل يعتذر ،، وبعدها قرروا يروحون عمره واهما في العمره فكرة في فكره ،، حست انه في حد في حياته ،، ولما دخل يتسبح اخذت جواله وحاولت تلقى دليل ،، والمفاجاه ،، حصلت مسجات غراميه ومكالمات لمده ساعه واكثر من ساعه وتواريخ المكالمات قبل العرس ويوم العرس وبعد العرس ،، وكاتبه مسج فيه انها حضرت العرس ، ومسج ثاني نت وينك انا انطرك، ومسج يشكي لها ويقولها انا قاعد ومااحس ان حد جنبي قاعد يقصد مرته ،ومسج يقولها انا رايح لمكه ، طلع كل مشوار يروح له يقولها ، وتعرف تفاصيل حياتهم ،، يعني عايشه معاه ،، واهي المسكينه اخر من يعلم ،، انصدمت وقعدت تصيح،، طلع خاينها مع وحده،، ماتخيلت هذي اخر الحب ،، ما توقعت هذي نهايه الحب وانه يصدمها في شهر العسل ،،وعدها انه يصلح الموضوع ،، لكن مو راضي يقولها قصة هالبنت ومن وين تعرف عليها ،، كل ما ناقشته يقول سكري الموضوع ، تمثل عليه انها عادي ،، واهيا تحترق من الداخل ومجروحه ، فقدت ثقتها بنفسها ، ومو راضيه تتكلم لحد عن الموضوع ،، تعاني من الداخل وساكته،،، انتوا برايكم بنات شنو الحل ،، شنو الي مفروض تسوويه ؟؟ تكمل معاه وتسامحه ولا تنسحب ،، لو انتوا مكانها اش بتسوون ؟؟ .