كل وحدة تدخل وتقول متى حملت بالمولود الثاني

مشكورة عالموضوع .. انا بشارك بس بتكلم عن 3 حمل لانه كان بتخطيط وبارادت الله ثم ارادتي

انا والحمدلله لا قررت ولا خططت يات من الله مع ان حمود مسكين كان توه داخل ال8 شهور

ويوم عرفت فالبداية تضايقت لانه الكل يوم عرف كان يلومني يقولولي حرام عليج الولد بعده صغير ...

بس يالله الحمدلله يات مريومه وربيتهم مع بعض والحمدلله كانوا سهلين فالتربيه والتعامل والحين في هالحمل صار التخطيط والحمدلله الشهر الي عقبه على طول حملت طبعا المانع كان طبيعي من دون استخدام اي موانع ..

انه كنت مخططه اني احمل لما بنتي تكمل السنتين بس الله كتب وقررنا نروح الحج فقلت نترك المانع لما ارد من الحج ولما رديت تميت 3 شهور نحاول والشهر الرابع حملت يعني كان عمر بنتي سنتين و 9 شهور

مشكورة اختي على الموضوعي باشارك في الموضوع رغم اني ما عندي الا طفلة وحدة
انا ما استخدمت ولا مانع من الموانع عشان ما احمل بعد ولادتي انا حملت ببنتي بعد سنة من زواجي
ولا كنت خطط اني ما احمل على طول خليتها على رب العالمين وعمر بنتي الحين 4 سنوات و تمشي في السنة الخامسة من عمرها والى الآن الله ما كتب اني احمل مرة ثانية الي تزوجو وياي في نفس السنة عندهم 3 اطفال الله يخليهم احس ان سالفة تخطيط للانجاب كل من عند رب العالمين .

شكراً لكم خواتي على تفاعلكم أنا عن نفسي المولود الاول من اول شهر حملت فيها وهي بنت وعمرها ألحين ثلاث سنوات 8 أشهر تقريبا صار لي شهرين من وقفت المانع الطبيعي ولكن الله ما أراد إني أحمل وانا حاسة إن تاخر الحمل سببه الإلتهاب في المهبل وأنا سمعت إن الإلتهابات تاخر الحمل بس إنشاء الله ناوية أروح أتعالج عنه ودعولي إني أحمل

أم كوثر وساساسو << الله يرزقكم ان شاء الله

أني حملت بالمولودة الثانية بعد ماكملت بنتي تسعة شهور ،، الحمد لله رب العالمين

والحين ثنتنيهم في نفس السن ،، اشحلاتهم وهم يلعبون ويتهاوشون مع بعض هههه

انا هذا الشهر تركت المانع وقاعدة احاول ... وربنا يكتب اللي فيه الخير ...

ولو في اي مستجدات راح اخبرك