طفلي وايد يصيح ؟؟؟؟؟ - منتديات عروس

ع

عبير الكواكب

عروس مبدعة

17-02-2009 | 12:33 AM

السلاااا م عليكم

من العنوان تظهر المشكلة طفلي بيكمل الشهرين وبيدخل 3 بس متعبني وايد يصيح فمن يومين زدرت ليه المرقدوش والحين صياحه خف

ابي اسألكم المرقدوش زين لطفلي لو لاااااا
وماء غريب زين للبيبيات لو لاااااا

امي تقول لصياح على الطهر ؟ وطفلي للحين ما طهرناه لأن هو مطهر من خلقته بس لازم أطهر جزء بسيط فتركته لين يكمل السنة على كلام الدكتور

وفي ناس يقولون الأولاد كلكم كدا والله اعلم

خبروني هو طبيعي لوووو لااااا

جزاكم الله خير

ب

بسمة أطفالي

عروس ماسية

17-02-2009 | 12:35 AM

الله يحفظ لش عبود ان شاء الله

على سالفة لصياح الجهال في هالسن كل صياح << بسبب المغص ،،:ss:

بنتي عمرها شهرين ونص وكل تصيح تبي دايما محمولة :tongue:

وعلى سالفة الطهر<< أول مرة اسمع صراحة

واسالي بعد انتين شيخ يمكن يفيدونش:)

ع

عبير الكواكب

عروس مبدعة

17-02-2009 | 12:45 AM

مشكورة خيوو على الرد

بس صياح ولدي مو طبيعي مو مثل اخته

والحين ليه ابره الشهرين راح اخبر الدكتورة وانشاء الله تطمنا

ر

ربيعيه

عروس ماسية

17-02-2009 | 01:18 AM

ليش ماتطهريه وترتتاحي من التعب بعدين

والصياح اكيد شيء مضايقنه واتوقع بطنه غازاات خليه على بطنه اشوي وامسحي بطنه بزيت زيتون

وحركي ايدك بحركه دائريه على بطنه وان شاء الله ماعليه الا الخير

ع

عبير الكواكب

عروس مبدعة

17-02-2009 | 01:50 AM

الدكتور اهو الي خبرنا بعد سنة ما ادام مطهر اي وقت نطهره عادي فقلنا سنة اوكووو

وبطنه اعطيه مرقدوش وانشاء الله اعمل له طريقتج وانشاء الله تفيده

ومشكوره خيو على الرد

!

! أنــثــى !

عروس ماسية

17-02-2009 | 02:26 AM

هلا بك عبير

عن الطهر .. ولد خالي جذي .. الحين كمل السنة و سوو له العملية و الحمدلله كل شي تمام .. اصبري لين السنة و لا تحاتين .

و مااعتقد ان الصياح له علاقة بالطهوور ، لأنه البيبي الصغير هذي طبيعته بسبب الغازات .

لما عانيت مع ولدي اخذنا للعيادة ووصف لنا الدكتور قطرات نفعتنا للغازات بس نعطيه نص ساعه و يتخلص من كل الغازات و ينام مرتاح .. !

نسيت اسم القطرات بس الدكتور هو حسن الفضل في عيادة رويان على شارع البديع .

B

Blossoms

مشرفة سابقة

17-02-2009 | 03:15 AM

صياح ولدك من المغص لان الاطفال بهالسن يصيبهم مغص عطيه دوا حق المغص ماعليه الا العافية

l

loloalsageera

عروس رائعة

17-02-2009 | 03:42 AM

نصيحه اختي لا تعطين طفلج اعشاب ما تعرفينها لانها خطر علي كبد الطفل
بس الامن منها الكمون واليانسون وبعدين الافضل انج تعرضينه علي دكتور
لان عندي ولد اخوي كان يصيح وايد وسوينا كل الاحتمالات انه يكون فيه غازات
الي الخ........ وبعدين طلع عنده خلع في الاوراك انا ما ابي اخوفج بس للافضل
تاخذينه يسون له فحوصات شامله

و

ورود ناعمه

عروس رائعة

17-02-2009 | 04:54 AM

مايشوف شر
بس انا ابني بعد كله صياح كل مره يقولون لما يكمل الاربعين
ولمن يكمل 2 شهرين لمن يكمل 3 شهور والحين بكمل 6 شهور نفس الشي
الي اسمعه انو الاولاد متعبين اكثر من البنات
واول مره اسمع عن الطهاره كله بعد سنه
انا طهرت ابني 45 يوم
والله المعين مع هالاطفال متعبين

ع

عروس جنان

مشرفة سابقة

17-02-2009 | 08:10 AM

شي طبيعي هالصياح انا ولدي من دخل الخامس توقف صيااااحه
اعطيه يانسون وماي غريب وان شاء الله ما فيه الا العافية..

ع

عبير الكواكب

عروس مبدعة

10-04-2009 | 11:29 PM

مشكورين على الرد

والحمد لله بعد كل المحاولات خف اصياحه

أ

أم حواري

عروس رائعة

11-04-2009 | 01:05 AM

عمري انا بعد بنتي نفس الحالة ودايما تصيح وتبيني على طول احملها بس انتي لا تعطينه مرقدوش العادي عطيه مرقدوش أطفال أو اذا تحسين فيه غازات وايد عطيه ماي الحلوة بس مو الجاهز اللي يبيعونه انتين سوي له اخذي حلوة واغليها وعطيها الماي وحطي فيه نبات عشان يشربه...وانا الحين اعطي بنتي دوا مال مغص اسمه بونيسان من هيمالايا وايد مفيد للمغص والله يهدي ولدج وبنتي ويخفون من صياحهم شوي