ممكن تساعدونى فى البحث بتاعى

ينقل إلى ركن التعليم و شؤون الطلاب

مش فاهمة ؟

يعني انتي عايزة كل واحدة تفتح موضوع او ظاهرة اجتماعية ونتوصل لحلول ليها ؟

ايوة يا نور الهدى

انا بعمل بحث عن الحاجات الى مش بتعجبنا فى مجتمعنا السلبيات يعنى وكمان نناقشها كده بطريقه ساخرة اصل البحث بتاعى المفروض انى اعمله كبرنامج ساخر


هو صعب ولا ايه؟؟

بصي هو انا ممكن اشاركك

بس انا مش بعرف اكتب بالاسلوب الساخر للاسف :(

لكن لو عايزة اي قضية اكتب لك فيها

قولي لي

متشكرة جدا جدااااااااااااااا

اتكلمى عن الى انتى عايزة تقولي عليه

ومش مهم اسلوب ساخر

ايه رايكم فى الحاله اللى بنعيشها اليومين دول؟؟؟

انا مش عاجبنى وبيضايقنى عدم وجود الاخلاق انعدام الثقة بين الناس وانعدام الود والالفة بين الناس كله مصالح وخلاص وارتفاع الاسعار والبطالة والزحام طبعا

بصى يا جميله موضوعك جميل الصراحه

واكتر حاجه مديقانى فى المجتمع
السلبيه والانانيه وقله الادب

السلبيه ... كل واحد بيطنش على حقه وبقى بالنسبه للاخرين حق مكتسب ... ممكن اقولك قصص كتيهر على الموضوع ده
الانانيه... كل واحد بقى بيقول انا ونفسى فقط وتولع الدنيا ... كل واحد وانا مالى ده ميخصنيش ...
قلة الادب... وهيا دى اللى بقت بتنفع مع الناس الحقيقه الايام دى

اقولك مثال صغير اوى اوى على كل دول :

كنت فى روكسى وكانت معايا العربيه
وفضلت الف حوالين نفسى 3 مرات علشان الاقى مكان اركن
ولاقيت بنت بالصدفه حتركب العربيه وحتتطلع بيها
وفى عسكرى واقف جنب عربيه لادا حمرا .. واقف بعديها بعربيته صف تانى
انا بكل شياكه جيت جنب البنت ووقفت جنبها وشاورتلها طالعه .. قالتلى اه .. فضلت واقفه مستنياها تطلع
طلعت بعد ما عملت كل حاجه ممكن تتعمل ... قلعت الجاكت.. حطت البلوتوث فى ودانها ... اتكلمت شويه فى الموبايل.. شربت ميه... وفى الاخر افتكرت تطلع بالعربيه ... ( حيث الذوق طبعا )

المهم
هيا طلعت وانا جيت ارجع بالعربيه اركن لاقيت العسكرى راح داخل بعربيته فى المكان وبيزنق عليا علشان مرجعش .. وانا مصممه انى اركن ...
بس فضلت ازمرله مفيش ده حمار مش راضى يتحرك
--- كنت زمان لما يحصل كده عادى اسيب المكان واتكسف وامشى بس لاقيت انه حقى انى اقف ---
نزلت من العربيه وبكل نرفزه قولتله انت قليل الذوق انا بقالى ربع ساعه واقفه مستنياها وانت تعمل كده انت قليل الذوق وقليل الادب كمان ... كان رد فعله انه بيضحك !!! تخيلى .. وقعد يقولى خلاص متدايقيش نفسك تعالى اركنى .. بصتله بقرف ... روحت ركبت ورجعت عليه لحد ما خرج من المكان وركنت وقفلت ومشيت

اللى يضحك بقى لما نزلت من العربيه .. صاحب محل واقف بيتفرج على السيناريو ... قالى عندك حق انتى جدعه انك مسبتيلهوش المكان __ طب حضرتك راجل كان المفروض تتدخل تقوله عيب اى حاجه بس لا واقف يتفرج يشوف البنوته حتعمل ايه !!!

المجتمع كله بقى ماشى بالدراع
ياتخدى حقك يا بلاش


موقف تانى

روحت المعرض بتاع ارض المعارض ---
جيت ادخل قالى 3 جنيه ونص علشان الباركينج قولتله اوك بطلع الفلوس راح حاطتلى التيكت على التابلوه ايدته خمسه جنيه ادانى الباقى ومشيت
طبعا مجاش فى بالى انى اكدبه

بعد ما ركنت وبخرج من العربيه التيكت وقعت فشلتها من على الارض لاقيت مكتوب 3 جنيه فقط !!!
طبعا حيث النرفزه ... روحت راكبه العربيه ورجعتله ...قولتله حضرتك دلوقتى انا ادفع ليه 3 ونص وهو مكتوب 3 فقط ... يقولى استنى طيب لما ييجى الباشا ! قولتله باشا مين وبتاع ايه انت اللى واخد منى الفلوس ... راح متنح ... قولتله فهمنى ادفع ليه 3 ونص ... راح ساكت
جه الباشا بتاعه ... فطبعا حكاله القصه ... بكل بساطه .. راح بصلى .. وقاله اديها نص جنيه يابنى ... راح باصصلى بقرف ويقولى ايه يعنى نص جنيه ... قولتله حضرتك ده حقى مش حقكم .. اللى مكتوب قدامى 3 جنيه ادفع ليه 3 ونص .. قالى عادى يعنى ... الصراحه لاقيته قليل الادب قولتله فين مكتب الامن المسئول عنكم هنا .. راح التانى قالى خلاص يا انسه النص جنيه اهو ولو عايزه التلاته كلهم مفيش مشكله ... قولتله هوا ايه ده اللى مفيش مشكله انا بقولك فين مكتب الامن ... محدش منهم رد عليا وفى الاخر اخدت النص جنيه وفضلت ادور على مكتب الامن وملقتش ...
ومشيت

تخيلى موقفين فى يوم واحد والله بينهم مثلا بتاع ساعه مش اكتر بس حسيت قد ايه احنا بقينا ضايعين

يعنى المفروض اسيب حقى ولما اطالب بحقى ابقى انا اللى غلطانه


طب بلاش يمكن العربيه هيا السبب ....

مترو الانفاق
طبعا للى بيركب مترو الانفاق عارف يعنى ايه مترو الانفاق ...

سيبك من الزحمه ومن ان كل واحد مش طايق نفسه علشان يطيق الاخرين

لما راجل بكل بجاحه يركب فى عربيه السيدات ولما تقوليله حضرتك دى عربيه سيدات ويتطاول عليكى فى الكلام
ولما تقولى للعسكرى اللى واقف يروح باصصلك وضاحك ويقوله خليك يابنى !!!
تفتكرى ممكن تعملى ايه فى موقف زى ده؟؟؟

مش عارفه اقولك ايه ولا ايه

بس فعلا المجتمع بقى سلبى جدا وكل انسان بقى انانى عايز مصلحته فقط ومش مهم الباقى يولع بمعنى كلمه يولع

واللى مدايقنى اوى ان القيم والاخلاق اختفت من المجتمع الا فيما ندر ...

موقف يستفزنى جدا لما الاقى ام ومعاها اطفال فى سن ابتدائى واعدادى ( فى مترو الانفاق) ويبقوا العيال قاعدين وفى ستات كبار والله ماقدرين يحركوا رجليهم ونفسهم يقعدوا ونفسهم عزيزه عليهم ميطلبوش من حد يقوملهم والست اللى معاها اطفال تبصلك كده انك عبيطه ولا هبله وتقوله متقومش يا واد ...
لما الام تعمل كده عايزين الجيل الى جى يبقى عامل ازاى؟؟

لما تيجى تساعدى ست كبيره تعدى الشارع مثلا وتوقفلها الشارع من العربيات علشان ياعينى مش قادره تعدى بسرعه وتلاقى اول عربيه فى وشك شاب ( روش طحن ضارب شعره سبايكى ) وحاطط ايديه على الكلاكس ومش عايز يشيلها !!! وهو شايف الست اللى قد جدته !!!

بجد انتى دوستى على الزرار عندى :) :D :ss: وانا الصراحه معبيه من اللى بشوفه لو عايزه تانى اقولك للصبح :D بس خايفه الناس تكرهنى لانى بشوهه صوره المجتمع بس والله هيا دى الحقيقه

موضوع جميلللللللل
بجد


اكتر حاجة مديقانى الزبالللللللللللللللة

الزبالة ف الشارع اكتر من الناس
بجد حاجة وحشة اووووووووى

أكتر حاجات مضيقانى بالترتيب هى:-
1- الوسطة أو الكوسة زى ما بطلقوا عليها.
2- قلة الأمن والأمان فى البلد وكثرة الحوادث.
3- الأخلاق والأدب والناس نفسها مبقتش زى الأول يعنى دلوقتى صعب قوى تلاقى ناس بتتكلم وبتتعامل من قلبها من غير حقد ولا حسد ولا غل ولا مصلحة خاصة ولا كده.

وربنا معاكى فى البحث بتاعك وإبقى قوليلنا على النتايج فى تقرير مفصل كده يعنى.

الحب هو الحياة;8895598:
انا مش عاجبنى وبيضايقنى عدم وجود الاخلاق انعدام الثقة بين الناس وانعدام الود والالفة بين الناس كله مصالح وخلاص وارتفاع الاسعار والبطالة والزحام طبعا

لا انا مش كل الناس انعدمت عندهم الاخلاق لسه فى ناس عندهم اخلاق زيى وزيك وزى ناس كتير

ومعاكى حق فى موضوع البطاله وارتفاع الاسعار دى وخصوصا البطاله حاجه تجيب الضغط

A>B>M;8902640:
موضوع جميلللللللل
بجد


اكتر حاجة مديقانى الزبالللللللللللللللة

الزبالة ف الشارع اكتر من الناس
بجد حاجة وحشة اووووووووى

الزباله برضه موضوع مهم قوى

بس جريده المصرى اليوم عامله حامله على الزباله ايه مكسرة الدنيا
انتى ممكن تشاركى معاهم بانك تصورى مكان الزباله ومين رئيس الحى والمسئول عن التنضيف هناك وهم هيتصرفوا وفى الجريده كاتبن ارقام التليفونات اللى ممكن تتصلى عليها

mashimaro16;8895722:
بصى يا جميله موضوعك جميل الصراحه

واكتر حاجه مديقانى فى المجتمع
السلبيه والانانيه وقله الادب

السلبيه ... كل واحد بيطنش على حقه وبقى بالنسبه للاخرين حق مكتسب ... ممكن اقولك قصص كتيهر على الموضوع ده

معاكى حق اشجينى


الانانيه... كل واحد بقى بيقول انا ونفسى فقط وتولع الدنيا ... كل واحد وانا مالى ده ميخصنيش ...

معاااااااااااااااكى حق جدااااااااا ا اشجينى


قلة الادب... وهيا دى اللى بقت بتنفع مع الناس الحقيقه الايام دى

مش كل الناس اكيد


اقولك مثال صغير اوى اوى على كل دول :

كنت فى روكسى وكانت معايا العربيه
وفضلت الف حوالين نفسى 3 مرات علشان الاقى مكان اركن
ولاقيت بنت بالصدفه حتركب العربيه وحتتطلع بيها
وفى عسكرى واقف جنب عربيه لادا حمرا .. واقف بعديها بعربيته صف تانى
انا بكل شياكه جيت جنب البنت ووقفت جنبها وشاورتلها طالعه .. قالتلى اه .. فضلت واقفه مستنياها تطلع
طلعت بعد ما عملت كل حاجه ممكن تتعمل ... قلعت الجاكت.. حطت البلوتوث فى ودانها ... اتكلمت شويه فى الموبايل.. شربت ميه... وفى الاخر افتكرت تطلع بالعربيه ... ( حيث الذوق طبعا )

المهم
هيا طلعت وانا جيت ارجع بالعربيه اركن لاقيت العسكرى راح داخل بعربيته فى المكان وبيزنق عليا علشان مرجعش .. وانا مصممه انى اركن ...
بس فضلت ازمرله مفيش ده حمار مش راضى يتحرك
--- كنت زمان لما يحصل كده عادى اسيب المكان واتكسف وامشى بس لاقيت انه حقى انى اقف ---

ايوة حقك

نزلت من العربيه وبكل نرفزه قولتله انت قليل الذوق انا بقالى ربع ساعه واقفه مستنياها وانت تعمل كده انت قليل الذوق وقليل الادب كمان ... كان رد فعله انه بيضحك !!! تخيلى .. وقعد يقولى خلاص متدايقيش نفسك تعالى اركنى .. بصتله بقرف ... روحت ركبت ورجعت عليه لحد ما خرج من المكان وركنت وقفلت ومشيت

بس انتى ليه مجربتيش الاول قبل ماتزعقيله انك تكلميه بالذوق يعنى وان مرضيش بعد كده زعقى وبعدين مدام مشى على طول ممكن انه مكنش خاد باله من انك هتركنى او واقفه من بدرى

اللى يضحك بقى لما نزلت من العربيه .. صاحب محل واقف بيتفرج على السيناريو ... قالى عندك حق انتى جدعه انك مسبتيلهوش المكان __ طب حضرتك راجل كان المفروض تتدخل تقوله عيب اى حاجه بس لا واقف يتفرج يشوف البنوته حتعمل ايه !!!

المجتمع كله بقى ماشى بالدراع
ياتخدى حقك يا بلاش

طيب موقف الراجل بتاع المحل ده يفسر طبعا السلبيه اللى فى بلدنا

موقف تانى

روحت المعرض بتاع ارض المعارض ---
جيت ادخل قالى 3 جنيه ونص علشان الباركينج قولتله اوك بطلع الفلوس راح حاطتلى التيكت على التابلوه ايدته خمسه جنيه ادانى الباقى ومشيت
طبعا مجاش فى بالى انى اكدبه

بعد ما ركنت وبخرج من العربيه التيكت وقعت فشلتها من على الارض لاقيت مكتوب 3 جنيه فقط !!!
طبعا حيث النرفزه ... روحت راكبه العربيه ورجعتله ...قولتله حضرتك دلوقتى انا ادفع ليه 3 ونص وهو مكتوب 3 فقط ... يقولى استنى طيب لما ييجى الباشا ! قولتله باشا مين وبتاع ايه انت اللى واخد منى الفلوس ... راح متنح ... قولتله فهمنى ادفع ليه 3 ونص ... راح ساكت
جه الباشا بتاعه ... فطبعا حكاله القصه ... بكل بساطه .. راح بصلى .. وقاله اديها نص جنيه يابنى ... راح باصصلى بقرف ويقولى ايه يعنى نص جنيه ... قولتله حضرتك ده حقى مش حقكم .. اللى مكتوب قدامى 3 جنيه ادفع ليه 3 ونص .. قالى عادى يعنى ... الصراحه لاقيته قليل الادب قولتله فين مكتب الامن المسئول عنكم هنا .. راح التانى قالى خلاص يا انسه النص جنيه اهو ولو عايزه التلاته كلهم مفيش مشكله ... قولتله هوا ايه ده اللى مفيش مشكله انا بقولك فين مكتب الامن ... محدش منهم رد عليا وفى الاخر اخدت النص جنيه وفضلت ادور على مكتب الامن وملقتش ...
ومشيت

تخيلى موقفين فى يوم واحد والله بينهم مثلا بتاع ساعه مش اكتر بس حسيت قد ايه احنا بقينا ضايعين

يعنى المفروض اسيب حقى ولما اطالب بحقى ابقى انا اللى غلطانه


طب بلاش يمكن العربيه هيا السبب ....

انتى هنا معاكى حق ميه فى الميه اه طبعا ال50 قرش مش مهمه بس على الاقل ميضحكش عليا انا كده بتسرق عينى عينك شاطرة انك عملتى كده

مترو الانفاق
طبعا للى بيركب مترو الانفاق عارف يعنى ايه مترو الانفاق ...

سيبك من الزحمه ومن ان كل واحد مش طايق نفسه علشان يطيق الاخرين

لما راجل بكل بجاحه يركب فى عربيه السيدات ولما تقوليله حضرتك دى عربيه سيدات ويتطاول عليكى فى الكلام
ولما تقولى للعسكرى اللى واقف يروح باصصلك وضاحك ويقوله خليك يابنى !!!
تفتكرى ممكن تعملى ايه فى موقف زى ده؟؟؟

ايه ده طبعا دى حاجه غريبه جداا المفروض محدش يسكت عليها وهو اصلا مكنش مكسوف من نفسه وهو وسط الستات؟

مش عارفه اقولك ايه ولا ايه

بس فعلا المجتمع بقى سلبى جدا وكل انسان بقى انانى عايز مصلحته فقط ومش مهم الباقى يولع بمعنى كلمه يولع

واللى مدايقنى اوى ان القيم والاخلاق اختفت من المجتمع الا فيما ندر ...

موقف يستفزنى جدا لما الاقى ام ومعاها اطفال فى سن ابتدائى واعدادى ( فى مترو الانفاق) ويبقوا العيال قاعدين وفى ستات كبار والله ماقدرين يحركوا رجليهم ونفسهم يقعدوا ونفسهم عزيزه عليهم ميطلبوش من حد يقوملهم والست اللى معاها اطفال تبصلك كده انك عبيطه ولا هبله وتقوله متقومش يا واد ...
لما الام تعمل كده عايزين الجيل الى جى يبقى عامل ازاى؟؟

لما تيجى تساعدى ست كبيره تعدى الشارع مثلا وتوقفلها الشارع من العربيات علشان ياعينى مش قادره تعدى بسرعه وتلاقى اول عربيه فى وشك شاب ( روش طحن ضارب شعره سبايكى ) وحاطط ايديه على الكلاكس ومش عايز يشيلها !!! وهو شايف الست اللى قد جدته !!!

ايوة فعلا تبقى عبيط واهبل

بجد انتى دوستى على الزرار عندى :) :D :ss: وانا الصراحه معبيه من اللى بشوفه لو عايزه تانى اقولك للصبح :D بس خايفه الناس تكرهنى لانى بشوهه صوره المجتمع بس والله هيا دى الحقيقه

لاء طبعا محدش هيكرهك ولا حاجه انتى معاكى حق وبعدين احنا بنتناقش يمكن نلاقى حل ولو عندك حاجه كمان قوليها

بس انا عايزة اعرف منك لو قابلك مرة موقف وحد فرق بينك وبين ولد مثلا او راجل بس لمجرد انك بنت

فاهمانى؟؟

دودو
انا من يوم ما كتبتلك وانا مستنيه ردك لانى موضوعك شدنى جدااااااااااااااااااااااااااااااااا

بتتكلمى عن التفرقه العنصريه بين الولد والبنت
طبعا حصلت حضرتك فى الشغللللللللللل

مشوار البحث عن الشغل
كله عايز ولاد
طب بيكلمونا ليه علشان نروح انترفيو
بعد ما تروحى يقولولك لا عايزين ولاد
طب ما انت كلمتنى واسمى واضح اوى وصوتى واضح اوى

ومره حصلت بجد فى اول شغل اشتغلته
ما علينا من الشركه ايه هيا لانها معروفه :) ومش عايزين سياسه لو سمحتى :)

اللى حصل انى بعد ما اشتغلت انا واربع بنات شهرين ونص جم قالولنا بكل بساطه احنا حنخلى المكتب كله ولاد .... ؟ حيث ان السبب ايه ؟ ان فى بنت كانت معاهم بقالها سنتين وتقريبا شايله الشركه كلها عارفه كل كبيره وصغيره وجت قالتلهم انا حاخد اجازه علشان حامل !!!
واللى بعديها واحده تانيه مسكت الشغل وبرده اتجوزت وقالتلهم حاخد اجازه زواج كان فى وقت هما مزنوقين فيه جداااااااا

فساعتها بقى فى البنت التانيه قرروا انهم يمشوا كل البنات ويخلو الولاد فقط !!! مع انهم بنفسهم قالو ان البنات فى الشغل ده احسن من الولاد مليون الف مره
وكان شغل البنت معدله اعلى من شغل الولاد لانه عايز دقه وتركيز وعلميا اصلا ان النساء تركيزهم اعلى من الرجاله خصوصا فى التفاصيل الدقيقه اوى


مما لاشك فيه ان فى تفرقه طبعا ... انا اصلا ضد عمل المرأه وسبت الشغل بعد سنتين شغل ...

مش عارفه اقولك ايه

بس انا من كتر تفكيرى من موضوعك بقيت بحلل معظم المواقف اللى بقابلها فى الشارع والتعامل مع الناس

بجد ... البلد مش وحشه .. الناس هيا اللى وحشه ... وكل واحد يقول التانى هوا اللى وحش ... كل واحد لازم يبدأ بنفسه علشان الدنيا تبقى كويسه
انا لو بقيت كويسه ( لنفسى مش لغيرى ) وانتى بقيتى كويسه وغيرنا بقى كويس الدنيا حتبقى كويسه


فكرى فى يوم تكونى واقفه فى اشاره ... وبصى على العربيات ... شوفى هل فى نظام؟ هل العربيات واقفه ورا بعضها ؟؟

ده فى رايى بيبن قد ايه معندناش نظام ...


واكتر حاجه مديقانى بجد بجد ان كل انسان بقى سلبى اوى وبقى كل واحد بيرمى على التانى ... كل واحد لازم يبتدى من نفسه

وياريت تقوليلى هوا بحثك ده بالظبط لايه؟
ومعلش قوليلى موضوع الزباله ده بالتفصيل علشان انا عايزه اشارك فى المووضوع ده
بس ازاى اقدر اعرف مين رئيس حى منطقه معينه؟مينفعش انا ابعتلهم اقولهم المنطقه الفلانيه واقولهم العنوان وهما بقى يعرفوا المسئولين؟

جزاكم الله خيرا وربنا معاكم

معلش
تعليقا على موضوع الواسطه


طبعا فى واسطه وكوسه فى البلد
بس والله العظيم فى فرص بس للمتميزين وللى بيسعى بجد انه يبقى كويس وانه يلاقى شغل ومن غير دلع
والله في شغل وفى اكبر شركات مصر
والموضوع اختلف كتير عن زمان فى موضوع الكوسه
هيا طبعا لسه موجوده بس الموضوع بقى متحجم شويه عن زمان
وانا رايى ان الشغل فى فرص كتير بس اللى يدور كويس واللى ميدلعش ويعرف ازاى يخطط طريقه صح ...

ميشامارو يا قمر مكنتش اعرف ان الموضوع مأثر فيكى قوى كده وخصوصا التفرقه بين الولد والبنت انا كنت داما اسمع عن اللى حصلك فى شغلك ده بس مكنتش اعتقد انه فعلا موجود غير لما قريت كلامك

وانتى عندك حق فعلا ان بلدنا مش فيها نظام واحنا السبب ده ميه فى الميه

وفى حاجات كتير غلط

وبالنسبه للواسطه هههههههههههههههههههههههههههههههههه عايزة اقولك انى شغاله بالواسطه بس ممكن تكون مش واسطه بالمعنى المفهوم هى مساعده لان ليا احقيه فى الشغل

والله البلد دى فيها حاجات كتير تتعب بس يلا الحمد لله احسن من غيرنا
والله المستعان