يابنااات الكويت ضروري ومستعجله

هلا حبيبتي حياج الله:) اذا تبين مجمعات الماركات في الرايه والصالحيه بس احدث مجمع اهوه الافينيوز وايد وايد حلووووو وفي كل محلات الاسطوره تقريبا ومتنوع بالبضايع انصحج تروحين:) والجلابيات الكشخه بمجمع الاوقاف وفساتين السهرات الراقيه بمجمع ليلى جااليري وبالنسبه لهذا المجمع موجود بشارع سالم المبارك وحوالينه كله مجمعات الفنار والبستان والثريه وبلازا هالشارع وايد حلوووو والصالونات الراقيه اهي بريجيت ورشا شيك انصحك تروحين حق وحده اسمها فيفيان وايد شاطره قص وصبغ وهالصالون موجود بالبدع:) بس حبيبتي 3 ايام مايمدي شي الافينيوز لحاله يبيله يوم كامل:) وفي جميع المطاعم الراقيه والعاديه اما بالنسبه للمطاعم شارع الخليج العربي كله مطاعم طبي وتخيري وفي مطعم فندق موقمبك عجيييييب وفندق كراون بلازا هم عجيب وفي ريتز بمجمع الثريا واتمنى افدتج:)

مثل ما قالت الأخت :)

الأفينيوز حلو بس راح يضيع وقتج ... انصحج تخلينه آخر يوم



المجمعات .... الفنارو ليلى جالاري و الرايه و الصالحية .... راح تلاقين فساتين سهره و ماركات

اما بالنسبه للدراريع ( الجلابيات ) ما عندي فكره

بالنسبه للمطاعم ... تلاقين برج الحمام ... فيلا فيروز ... ميس الغانم ... فندق موفنبيك .. فندق كراون بلازا

بالنسبة للصالونات ... اذا تبين شغل راقي و ناعم ليلى هارموني بالشعب و عبير الياسين
بس ليلى هارموني احلى وانا زبونتهم
صبغاتها روعه (( لبنانيه اسمها مريم قص و صبغ ))
(( و زينب قصاتها ستايل ))



و اي استفسار انا حاضره :)