مشروعي في جده ..؟؟

افااااااااااااا بنات جده لاتخيبون ظني .. ليش محد رد على موضوعي

ولا وحده يعني تبي تساعدني .. ترى انا درست الموضوع وطلعت ارباحه خياليه

طبعا بيكون لها نصيب ..

تكفون اللي عنده اي معلومه ترد علي

والله إجارات المحل ما عندي فكرة بس طبعا كل ما كان الشارع رئيسي أو يعني منطقة معروفة زي شارع التحلية مثلا كل ماكان أغلى .....

ابي شارع يكون معروف يعني يكون وسط جده وشارع وتجاري .. يعني شارع التحليه او فلسطين او اي من المناطق الحيويه في جده ؟؟


موفقين

اختي شارع فلسطين معروف بس زحمه

الناس تهرب من الزحمه خصوصا وقت المواسم والافراح عاده تكون في الاجازات يعني قمة زحمة جده

التحليه ..شارع معروف وبرضو زحمه بس محد يضيع فيه وتجاري بس مشكلتو اجاراته غاليه جدا
بالتالي مستحيل تنوعي في سعر الحنا والنقش ع اساس تطلعي قيمة الايجار
ممكن تنوعي في الاسعار بس مو براحتك يعني _ هادا في حاله انتي اصلا مخططه انك تنوعي في السعر بحيث تجذبي كل وكافة المستويات
طبعا اتكلم عن الوسط المتوسط ومافوق ^_^ بالنسبة للناحيه الماديه

بس شوفي
احنا عاده واللي متعودين عليه هنا خصوصا في جده والمدينه ومكة
انو الحنايه او المنقشة هيا الي تيجي الين بيتنا
خصوصا لو عندنا العروسة نفسها يعني احنا اهل الفرح
مانروح لصالون ونسوي هناك
ع اساس حوستو اكبر والناس ماتبغي حوسة ووجع راس ومشاوير وطرق جده مو ابو دقايق ونوصل
ناخد وقت
مسال سريع من بيتي الين بيت صحبتي اخد تلات ارباع الساعه يعني فوق 40 د
هادا وانا ماسكة خط المدينه السريع ^_^ يعني لا اشارات ولا يحزنون

فانتي ممكن والافضل انك تعتمدي في مشروعك انو البنات عندك يطلعو ويروحو ينقشو اهل الفرح او الناس الي طالبين في بيتهم
وهادا الي متعودين عليه ومناسبنا
اما السعر يختلف من وحده لوحده
انا انادي او اطلب وحده يمينه تيجي بيتنا طبعا هيا واختها نقشها حليوة عالاخير ماشاء الله

اليدين الين المرفق او الكوع تقريبا ب 50 او 100
علي حسب طريقة النقش مليان ولا خفيف ^_^

الكف لوحدها 25

الاسورة في اي منطقه من اليد او الرجل ب 10 او 15
نقشه عالصدر او الظهر وتكون حجمها مقارب للاسورة ب 10 او 20 والاغلب 20

بس هادا الكلام والسعر لانو البنت هادي جبناها عن طريق معرفه شويا
فاحتمال كبير انها تزود الاسعار للناس التانين

بالنسبة للشوارع اختي
جربي شارع المكرونة جا عبالي الان ^_^
في الشارع حق مستشفى عرفان مرة طيب وقريب من الاسواق
بس ماعرف اسمو هههههههه مشكلتي ما اعرف الاسما والعناوين
لانو عند عرفان زحمه والناس تيجي كتير للمنطقه هادي
عشان المستشفى وعشان بعض المحلات زي ستبيس و اخر فرصة و واحه الجلابيه ويعني ^_^ والشارع وسيع


موفقة

الأسعار كثير مناسبه أكثر من عندنا يوصل حنا العروسه 400 و500 ريال
بنيجي نتحنى عندكم بجده
مشكورين على التواصل

شكرا اختي على المعلومات الرائعه .. ترى انا حاطه فكره ان نرسل ناس للبيوت طبعا للمجاميع الكبيره يعني للي اعدادهم اكثر من 10 بنات .. وفي خطه نعمل ليلة الحناء اذا هذي العاده موجوده عندكم

وبالنسبه للشوارع انا ابي يكون مكان مو مزدحم بس معروف وسهل للوصول اليه .. يعني مابي يكون قريب من مستشفى او سوق اصلا اللي يتحنون راح يتعبون من الزحمه وراح يخترب الحناء ..

وبالنسبه للاسعار انا تقريبا ناويه اعمل حناء هندي وفيه خليجي وسوداني يعني جميع الانواع

بس لو فيه وحده منكم تسوي لي خدمه وتعمل لي استفساء عن انواع النقش اللي يحبونه واسعارهم المناسبه عشان لما احط الاسعار تكون ثابته ومحد يخاف من الغلاء


وسلامتكم

الله يوفقك اختى بس اعتقد انه الافضل لكى مكان مزدحم لكى يكون هناك جذب امتر


الله يوفقك وبجد الاسعار فعلا حلوه اوى

؟؟؟

هاااا بنات .. محد عنده معلومه او ممكن تسأل لي ؟؟

مشروع حلووو في جده مافي محلات متخصصه في نقش الحناء

اقترح عليك انك تختاري موقع محلك قريب من قاعات الافراح لان كثير ناس من برا جده يعملو افراحهم في جده عندك قاعات كثيره في مدينة جده وتتفاهمي مع مشرفات قاعات الافراح ويكون لهم نسبه من كل زبون يجي لك من طرفهم وتعملو كروت

بالنسبه للاسعار كل ماكانت الاسعار رخيصه كل مازاد الطلب لحد ماتكوني قاعده زباين وبعد كذا سعري على كيفك

موفقه اختي

موفقه حبووووووووووووووووبه

اهم شي عزيزتي تراعي الاسعار الموجود للنقش هنا

لانها جدا رخيصه بالنسبه لعندكم

واتمنالك التوفيق من كل قلبي

وممكن اذا حبيتي تتعاملي مع احد الصوالين الموجوده اصلا

اعتقد راح يسهل عليكي كثير

عروسةدلوعة;9043957:
اهم شي عزيزتي تراعي الاسعار الموجود للنقش هنا

لانها جدا رخيصه بالنسبه لعندكم

واتمنالك التوفيق من كل قلبي

وممكن اذا حبيتي تتعاملي مع احد الصوالين الموجوده اصلا

اعتقد راح يسهل عليكي كثير

فكره حلوه ويكون لهم نسبه اوتستأجري مكان عندهم

أنا رأي من رأي البنات تتعاملي مع صالون أفضلك

والأسعار راح يكون على حسب الكان

يعني لو الصالون في شارع التحليه في حراء

راح يكون غالي وهناك اغلب الصوالين الناس تروحها

لأنو شغلهم حلو


المقصد انك تختاري صالون حلو وسمعته حلوه


اكيد بتلقي زباين

وكمان شي تاني لو انو الحنا تسويه فيه الصالون وعادي لو تروحي للزبون لبيتها


بس تخليه اغلى لأنو زيما قالو البنات في جده متعودين اللي حنونا يجوو للبيت

الشوارع زحمه


وبالتوفيق ياقلبي ^ ^