شوفوا خطيبى طلب منى ايه؟؟

shamselasel;8837726:
حبيبتى انا مش عارفة بجد اقولك ايه
بس رأيى ان ده اتفاق من الاول بينه وبين باباكى ولازم يلتزم بيه
بس هأقولك على حاجة ده يتوقف على مدى العلاقة بينكم لو انتى بتحبيه ومقتنعة بيه وهو انسان كويس وعلى اخلاق ودين مش مشكلة انك تضحى عشانه وترضى بالشقة اللى موجودة حاليا يمكن احواله مش متيسرة ماديا دلوقتى وبعدين ربنا يسهل ولما اموركم تتحسن تجيبوا شقة تانية افضل منها الشقة مش كل حاجة المهم الانسان نفسه اللى هيعيش معاكى
وربنا يوفقك للخير ان شاء الله

ghadghoda;8837999:
انا مش عارفة بصراحة اقول ايه بس المشكلة انى مش عارفة يستاهل ولا لا وكمان هو اصلا المفروض والمعروف ان البنت عليها أوضة والمطبخ خشبه وحاجاتة وحاجة من الستاير او السجاد او النجف والتنجيد وفى ناس بالنص طبعا كله بالتفاق بس هو مدام عارف انه مش هيقدر يجيب بيتفق ليه من الاول بصى صلى استخارة وشوفى باباكى هيوافق ولا لا

ghayod;8837577:

السلام عليكم ورحمه الله وبركاته

انا قلت مش هقول غير لاخواتى فى عروس وهما اللى هيقولولى اعمل ايه ويديونى رأيهم بصراحه انا دلوقتى فى مشكله وحاسه انى مش قادره اخد نفسى والله وجسمى حاساها مولع نار
بصوا يااخواتى ياحبايبى والله انا معنديش اخوات اصلا وبعتبركم اخواتى انا مخطوبه وعندنا ف مصر بنتفق ايه اللى يجيبه العريس وايه اللى تجيبه العروسه واتفقنا على الاتى:
انا الاول عليل الحاجات دى
الاجهزه الكهربائيه كلها
والسجاد
والتنجيد وانا هجيب جاهز يعنى غالى
والنجف
وحاجات العروسه اللى هيه الرفايع ماشى
والعريس عليه الاتى:
فرش الشقه اوضه نوم وصالون وسفره ومعيشه واطفال والمطبخ واخد كمان الستاير
دى اصلا اتفاقتنا والمتعارف عليه عندنا
دلوقتى لقيت خطيبى بيقولى انا عايز باباكى يشيل من عليه 2000 الف جنيه طبعا انا اتصدمت انه جرىء وقال الكلام ده من غير تردد وبيقولى انى افاتح بابا ف الموضوع عشان هو مكسوف طيب ده ينفع يرضى حد الكلام ده انا قلتله ده صعب دى اتفاقات من الاول وقولتله انى مش هقدر اكلم بابا ف الموضوع لانى عارفه رد فعله تخيلوا قالى انه هو اللى هيكلمه :tongue::eek::eek:
انا استغربت على جرأته
هو كان اول ما اتخطبنا قال انه عنده شقه ولما روحت شوفتها مش عجبتنى واتخنقت منها اوى وقولتله انها مش عجبانى ولازم نغيرها فبابه قاله انتى ليك عندى 200 الف جنيه تجيب بيهم شقه وجهاز انت حر انا مالى بالمواويل دى يقوم يحمل بابايه انا الفلوس عشان الشقه مش عجبتنى ليييييه هو مش من حقى اختار شقتى واكون مستريحه جواها ولا ايه انا غلطانه
انا دلوقتى مخنوقه منه اوى ومتضايقه ولما قولتله انا لو اتكلمت مع بابا ممكن لو وافق نشيل عنك المطبخ او الستاير او اوضه الاطفال تخيلوا قالى ايه قالى ودول يعملوا ايه 6 الاف جنيه ولا 7 الاف مش هيغيروا حاجه عاوز نشيل الستاير واوضه كده حرام اوى بابا بيجبلى فى جهازى اغلى حاجه وانظف حاجه وكمان كده يبقى حرام عليا
وده كلوا عشان يجيبلى شقه احسن
اعمل ايه قولولى ارد عليه اقوله ايه واخليه يكلم بابا دا مش بعيد بابا يقوله روح لحالك يابنى

مستنيه رأيكم بالله عليكوا مش تتأخروا عليه بالنصيحه والراىء:confused::confused::confused::confused::confused::confused::confused::confused::confused::confused::confused::confused::confused::confused::confused::confused::confused::confused::mad::mad::mad::mad::mad::mad::mad::mad::mad::mad:

aseel 22;8838194:
بصى ياقمر عادى جدا ان بعد الاتفاق يجى العريس فى النص ويشيل العروسه حاجه زياده او العكس يحصل بس بتبقى فى حاجات خفيفه وبعدين هو شايل 5 اوض ومعاهم الستاير والمطبخ
وانت يادوب جايبه الكهربائيات والسجاد والتنجيد والنجف يعنى كفته هو اتقل برضه والرفايع بتاعه البنت تعتبر قصاد الشقه يعنى مع احترامى هو مفحوووووووووووووووووووت
والمفروض ان فى الجواز اللى مش يقدر عليه طرف والتانى يقدر عليه يجيبه وده عادى لان فى الاخر فى بيتكوا بس فى حاله خطيبك لازم تكونى حازمه معاه وتفهميه ان التنازل فى انك تشيلى اوضه او المطبخ معاه وهو بدل ما حيعمل 5 اوض يعمل 4 كفايه والباقى تبقوا تعملوه بعد الجواز لكن موضوع الفلوس ده ينسااااااااااااااااااااااه لانه صعب

كمان الشقه اللى مش عاجباكى لو هى تمليك يبيعها ويحطها فى شقه تانيه ولو هى فى بيت عيله خلاص شوفوا ايجار جديد لو ظروغه ماتسمحش بالتمليك دلوقت او انتى حاولى تتقبلى الشقه كوضع مؤقت على ما يدبر اموره وتجيبوا شقه تانيه وراعى برضه ان والده هو اللى بيجوزه يعنى هو مش حر نفسه

كل دى حلول فتحيها لخطيبك قبل ما توصلى الموضوع لوالدك لو زرجن قوليله ده كلام كبار انا ماليش فيه وانت اللى اتفقت معاه راجل لراجل مش انا وساعتها لو صمم قدام والدك خلاص اللى يشوفه والدك نفذيه

aseel 22;8838194:
بصى ياقمر عادى جدا ان بعد الاتفاق يجى العريس فى النص ويشيل العروسه حاجه زياده او العكس يحصل بس بتبقى فى حاجات خفيفه وبعدين هو شايل 5 اوض ومعاهم الستاير والمطبخ
وانت يادوب جايبه الكهربائيات والسجاد والتنجيد والنجف يعنى كفته هو اتقل برضه والرفايع بتاعه البنت تعتبر قصاد الشقه يعنى مع احترامى هو مفحوووووووووووووووووووت
والمفروض ان فى الجواز اللى مش يقدر عليه طرف والتانى يقدر عليه يجيبه وده عادى لان فى الاخر فى بيتكوا بس فى حاله خطيبك لازم تكونى حازمه معاه وتفهميه ان التنازل فى انك تشيلى اوضه او المطبخ معاه وهو بدل ما حيعمل 5 اوض يعمل 4 كفايه والباقى تبقوا تعملوه بعد الجواز لكن موضوع الفلوس ده ينسااااااااااااااااااااااه لانه صعب

كمان الشقه اللى مش عاجباكى لو هى تمليك يبيعها ويحطها فى شقه تانيه ولو هى فى بيت عيله خلاص شوفوا ايجار جديد لو ظروغه ماتسمحش بالتمليك دلوقت او انتى حاولى تتقبلى الشقه كوضع مؤقت على ما يدبر اموره وتجيبوا شقه تانيه وراعى برضه ان والده هو اللى بيجوزه يعنى هو مش حر نفسه

كل دى حلول فتحيها لخطيبك قبل ما توصلى الموضوع لوالدك لو زرجن قوليله ده كلام كبار انا ماليش فيه وانت اللى اتفقت معاه راجل لراجل مش انا وساعتها لو صمم قدام والدك خلاص اللى يشوفه والدك نفذيه