سؤال الى العرايس البدويات .. ؟؟

والله انا ماعندي خبره بس اعتقد الاغلبيه اي بس الحين الناس تغيروا في اللي يرضى يزوج بناته حق حضر وفي اللي لين الحين متمسك بعادته القديمه يعني يختلف ماتقدرين تحكمين والله اذا فلان من عايله القحطاني مثلا نفس فلان اللي من عايله القحطاني يعني يعتمد

على حسب في عوائل عادي وفي عوائل الى الان ما يرضوون ..

والله الزمـن أتغيـر ,,
وصـار عادي البدوي يآخذ من برا العيله .. وحتى البدويه صار يآخذها واحد من برا العيله :)
لكن في عوايل لسه محافظه بالعادات والتقاليد هذي لكن قليل جداً

بالعكسسسسسسسس انا ملاحظه الاغلبيه نوعا مـــــــــا لسه عندهم هالعادات والتقاليد

انا حربيه واصلي من القصيم ومافي وحده اعرفها من العايله طلعت من برى

يعني الى الان هذي العاده موجوده , وحتى لو البنت انخطبت من برى تلقين الاولويه لولد عمها

هو عندنا تصير حتى البدويه ممكن تاخذ حضري وعادي

هو على حسب الاهل والوالدين ومتى تفتحهم من ناحية هالموضوع

والله ما ادري بس في عوائل كثيره صار عدها وعي اكثر وتحضروو وصارووو ما يفكرون بهذي الامور
وممكن ياخذون بنت من غير عائله اذا كانت توازنهم بالاصل والعائله المعروووفه
تقبلي مروري عزيزتي ..............

انا اعرف رجال بدو اخذو حضريات او من برا العيله بس كانو دائما يعايرون حريمهم انهم مو من مواخيذهم يعني الحضريه يعايرها انها بدون اصل واذا كانت بدويه ومن قبيله ثانيه يعايرها بقبيلتها هذول هم الرجال وتطغى عليهم القبليه اكثر
صدقوني صديقتي بدويه واخذت بدوي من غير قبيلتها وحصل الشي هذا بينهم

الله يعين بس

اختي في فرق بين القبلي و البدوي....و القبائل الي ذكرتيها تعتبر قبيلة و ليس بدوية.....وطبعا الكل فيه خير لكن وجب التنبيه.....هذي القبائل بتتفرع منها الكثير من العوائل في منها المتعصب الي يرفض وفيه منها الي يزوج لكن لازم البنت او الولد يكونوا قبليين...وفيه الناس الفري على قولتهم يزوجون مو لازم الاصل و الفصل أنا اعرف قحاطين عادي عيالهم و بناتهم متزوجين من خارج القبيلة لكن متزوجين قبليين مثلهم

اهاااااااااااا
يعني الغالب ان الولد ماياخذ الا بنت عمه ..
انا سؤالي على الولد .. لانه لو خذ من بره مراح يتاثر نسب القبيله عرفتوا شلون ..
مشكوريييييييين كل البنات اللي ردوا علي
ربي يوفقكم ياقلبي ماقصرتوا

والله اللي اشوفه للحين البدو عندهم هالجملة ( ولد العم لبنت العم ) ويبتلشوون العياال خخخ

هالشي للحين ترى .. بس ماشفت انهم تطورو يعني نادر مانحصل هاجريه حق حضري

بس الشبااب لاا .. لازم من العيللله

فهمت عليك قطريه ..
يعني حتى الشباب لازم ياخذون من داخل العيله ...
طيب اخواتي ..
لو صار وخذ الولد وحده من بره العيله .. يعني يصير في معاير ومن هالكلام .. ؟؟ بكل صراحه بنات ..
وانا سمعت بعد ان في ابهات يتبرون من عيالهم بس لانه خذ وحده مو من العيله .. هل هالكلام صحيح ؟؟

موفقين يارب

قحطان وشمر موب بدو قبائل يعني لهم مناطق عايشين فيها موب نقالين عامود :) (( عمود الخيمه))

حسب في قبائل يزوجون حسب العوائل

انا مثلا قبيليه وماخذه قبيلي بس موب من نفس قبيلتي :) يعني حسب

بس احس العاوائل الي مره كبيره وغنيه مايحبون يدخلون احد بينهم او يزوجون عائله بنفس المستوى :)

مثل ماقالو البنات الزمن تغير والبشر تغيرت الحين عادي مافي فرق البنت تاخذ من بره العايله اهم شي انه يكون انسان ذى دين وخلق وكذالك للولد ياخذ من بره العايله وكذالك تكون ذات دين وخلق

عاد ياخذون من برا

عاادي حبيبتي مثل ماقالو الزمن تغير

وهاذي العاده مب عند البدو بس حتي الحضر

يعني الأهل يفضلون بعض علي الغريب

بس هذا نصيب واشوف ان الوضع تغير الحين

قطـــرية;8824560:
والله اللي اشوفه للحين البدو عندهم هالجملة ( ولد العم لبنت العم ) ويبتلشوون العياال خخخ

هالشي للحين ترى .. بس ماشفت انهم تطورو يعني نادر مانحصل هاجريه حق حضري

بس الشبااب لاا .. لازم من العيللله

بما انج انتي اللى ذكرتي القبيله

فبرد عليج واقول اعرف هاجريات وايد عند حضر

هذا نصيب والنصيب مافيه حضري ولا بدوي

البعض عادي والبعض مازال متمسك بهالافكار ..

قسمه ونصيب فديتج

لو ربج كتب لج فلان بتاخذينه بتاخذينه

انا ابدويه واخذت واحد مب ولد عمي ولايصير لي ابد

اهااااااا
مشكورين بنات على الرد والتفاعل وياي ..
وسامحوني اذا كنت فتحت موضوع حساس او يمكن يضايق البعض ..
بس قصدي استفسر عن الموضوع .. فقط لا غير
والف شكر بنات ماتقصرون وربي