ساعدوها ضروري

الله يصلحها
ولاتخافه ولاتجيب الأولي والتالي وممكن تطلع على نفسها حكي لمجرد شكت بنفسهاوزين ماعطته أخبارها وهنا مسك عليها شي
وتتوب عن مهاتفة الشباب والله يغفرلها وان شاء الله ربي يقبل توبتها
وتقطع علاقتها فيه نهائيا شكها من هالخطايا اللي سوتها فتظن بعيده عنها ستر وحفظ ربي ومتناسيه الله الغفور الودود

ماادري ايش اقولك بس امكن هوا نفس الشخص الي ارسلت له الصور >>ماقلتي لنا يقرب لها او لا

بصراحه بدون زعل تستاهل لو الصور مو لي محارمها يعني بعد السكره جات الفكره

دوبها تنتبه وتخاف ماخافت من ربي لما ارسلت الصور


وعلى فكره الصور ماتنمسح من الجهاز في برنامج يطلعها

الله يعينها على بلوتها

وامكن يكون كذاب بس يهدد

والله بصراحه صديقتج غلطانه من عدة جوانب
*اول شي حبيبها هذا اجنبي عليها شلون تدز له صور خاصه فيها طبعا هالشي ما يجوز حبيبتي.
*وثاني شي دامها تحبه على ما تقوليين ليش دشت الجات تدور على الحب الحقيقي تقوليين بس تشوف انه موجود ولا لا انا احسها تغالط نفسها بدليل انه اول شاب تعرفت علييه سيده فتحت له قلبها وقالت له اشياء خاصه.
*ثالث شي شلون ما تبينه يهددها عقب كل اللي اسمعه منها اولا انها تكلم شاب وثاني شي تدز له صورها الخاصه فشي طبيعي بشوفها فتاة سهل انه يبتزها لانها اهي اللي عطته مجال حق هالشي احسن حل تترك عنها هالسوالف وتتقي ربها لانه اهو الوحييد القادر على سترها بس لو اهي عرفت شلون تحافظ على نفسها والمثل يقول لا تبوق لا تخاف بمعنى لا تسوي شي لا تخاف يعني اهي اللي يابته لنفسها الله يهديها بس.

وعن انه بينشر صورها او لا اهو شكله بس حب يبتزها لانه للأسف الشباب من يشوفون وحده سهله مثل هالبنت يبتزونها عشان تخاف وتنفذ الامور اللي يبونها عشان ما يفضحونها واهو كله خرابييط في خرابييط بس اهيي اللي يابته لنفسها فالحل تبتعد عن حبيبها وتقوله لو تحبني صج تعال اخطبني بدون ما تدز له صورها الخاصه او اي شي من هالخرابييط تبتعد عن شي اسمه شات او دردشات لانه ما وراها إلا الخراب واخيرا تبتعد عن انها تكلم ريال اجنبي عليها وتقوله معلومات خاصه فيها تره سمعة البنت مثل الزجاج لين انكسر صعب يتصلح.
والله يهديها

هي بس كانت تبي تفضفض لمشاكلها مع حبيبها وتبي حل هي تبي تتخلص من هالحب بس موقادره متعلقه بالقديم لكن هذا جديد وهي تبي العون منه والنصح وبس وبالعكس هي الحين تحذر الناس من الحب
حتى هذا قالت له تزوج احسن لك بس هو مادري ليش يسوي كذا وليش هالشبابب يسوون كذا
بس لما يخترق الجهاز يقدر يطلع صورها المحذوفه نهائيا ولو سمحتوا وشهو البرنامج اللي يطلع الصور المحذوفه نهائيا وشكرا للردود وادعو لها ارجووووووكم بالستر ترى هي بنت نيتها طيبه بس رومنسية بزيااااااااااااااااااااده بشكل موطبيعي

لاحول ولاقوة الابالله
الانسان يغلط بس غلط يمكن الواحد يدركه وغلط لا قد يكون فات الاون عليه
الله يهديها بس
كيف تصور وكيف تأمن لواحد طيب هي تعرف انه سافر متاكده .....
اكيد يكذب بس ان شاء الله مايكون صورها واضحه اشباهها ...
اما هذا الشخص استفزازي المفروض تلغي الشات والخرابيط وتتوب ماادري كني سمعت انه بمجر ماياخذ الايميل يقدر يخترق الجهاز وهذا والله اللي يخوف
ستر الله عليها خليها تسال ذوي الخبره تثق فيهم احسن لها
والله يستر عليها وعلى بنات المسلمين

عزيزتي

هذا شكله يلعب بأعصابها، اذا ما عطاها دليل حقيقي عن الموضوع تراه كذاب

بس المشكله مب فيه في رفيجتج، قولي لها ان اللي تسويه يخالف الشريعه والدين والعادات والتقاليد،

شلها في الخربطه ، خلها تذكر الله وبلا حب وبلا خرابيط ، خلها تركز في دراستها ولا عملها وحياتها وشلون تكون بنت فيها خير،

وهذا درس خلها تتعلم منه

اما اذا هو راواها صور لها ، فتلاقينه قدر يطلع شي من الجهاز بطرق الهاكرز، فالحل انها تطنش لان مهما كان مافي ناس بتشاهر بحد بهالطريقه الناس يخافون ومافي مجال حد يحط نفسه في محل تهمه ومشاكل وشرطه ومسائلات، خاصه بعد الفضايح اللي صارت وتضرروا منها الناس


وقولي لها تتق الله في نفسها وفي اهلها اللي معطينها الثقه

دمتي بكل الود

الله يصلحها بس جان لازم ادير بالها على نفسها اكثرر
يعني الوحده منا بهذا الوقت المفرروض يكون عندها وعي اكثر من خلال الاشياء الي نسمع بيها
والملسلات الي نشوفها يعني كل يوووم شكل والعياذ بالله عن طريق الصور
بس قوليلها لا تسوي روحها خايفه وخلي تصير قووويه ولا تدخل على الشاتات بعد خليها تنساها
واذا كان الشخص الي على كولت ( حبيبها وبس ) يعني لا خطيبها ولا اهل يعرفون بيها لازم فورا تكطع علاقتها بيه لان يمكن هذا اختبار من الله علشان ترجع لنفسها
اسفه على الكلام وعلى الاطاله وبالاخير ما بيد غيير اني اقوول الله يستر عليها وعلى اهلها لان مساكين ما يدرووون شنو الي كاااعد يصيررر ....
تحيااااتي ................

الله يستر عليها ويطمن قلبها بس لزم من تانيب ولزم من كلام وقفه عند هاذا الموضوع .

بقول كلمه ويريت كل البنات الي على نفس الحاله يقرونها مية مره

للاسف ثقة اهلها فيها, وموكفو انها تملك جهاز كمبيوتر اذا كان هاذا استخدامها له والطامه الكبرى ترسل صورها لانسان غريب وهاذا الشي حرااااااااام غير انها تلف حبل المشنقه على رقبتها شبيكون موقفها اذا هددها بالصور....؟؟

وبعدين ترسل صور لانسان غريب ولانه سافر تبحث عن حب بالشات مولها بس فظول هل في حب ام لا وين قاعدين احنا شهالحجي خليها تي تقرى المشاكل اذا قرايب واهل وعيال خال وعيال عم وله متزوجين من سنين ومابينهم حب .. اللهم بس متحمله المره علشان اعيالها وله عشان سمعة اهلها وله وله وله وله اسبااااب كثيره تمنع المراه من طلب الطلاق من زوجها خوفا وحفاظا على حياتها وحياة عليالها وسمعة اهلها وهي انسانه متزوجه وبنفس الوقت متعذبه ....

وصديقتك تبي حب عن طريق النت.
وبعدين على فكره الي تسلك هالطريق بالشات وغيره ماراح تظل مجهوله الهويه والحين شوفيها تعبانه وتفكر وحياتها جحيم شحااادهااا

مارح اقول لك لاتزعلين مني بل ازعلي مني ماطول انا راضيه ضميري وقلت الي لازم ينقال واعتقد انتي بعد قلتيلها نفس الكلام وله شفايدت الصديق ....

الله يستر عليها وبنسبه لصور ممكن سحبها من الجهاز اذا كانت داخله شات واذا كان هو حريف بالهاسوالف ام اذا انسان عادي ماراح يعرف يسحب شي

والله الصراحه شجنسها هالبنت؟
تحب واحد بالحرام وتكلم غيره وتعطي صور اعوذ بالله
الله لا يبلى بناتنا
اتقي الله انتي وهيه وانصحيها تتوب
والي يمشي بهالطريق دومه خايف ويحس بقلق ولازم في يوم ريحته تطلع وينفضح
اعذريني على اسلوبي بس الوضع اثار غضبي جدا
تحياتي

الله يستر عليها

للحيين معااه؟ ماتابت من الاول بعد تعلقت بغيره

غلطانة من البداايه .. وعندي احساس انه هالثاني يجذب

وخل تقطع علاقتها مع الاثنيين

اصلاً باين انه الاثنين انذاال .. الله يعينها

طبحن طبختيه يالرفله اكلييه

قطـــرية;8811468:
للحيين معااه؟ ماتابت من الاول بعد تعلقت بغيره

غلطانة من البداايه .. وعندي احساس انه هالثاني يجذب

وخل تقطع علاقتها مع الاثنيين

اصلاً باين انه الاثنين انذاال .. الله يعينها

طبحن طبختيه يالرفله اكلييه

اثني على المثل ، المشكله انها تدري انه غلط وتصلحه بغلط

الله يصلحها

ما اقول غير الله يهديها

انصحيها قبل لا تضيع

اعذريني أختي على سؤالي ..

لكن كم عمر صديقتك ؟!

انا اقول تستاهل مايجيها وكل بنت ماشيه في هذا الطريق طريق الظلال اللحين خافت المفروض تخاف ربي قبل كل شي باالنسبه ليه ماعطف على اي وحده تغلط هذا الغلط اعذروني على الاسلوب لكن من جد شي يقهر تغلط وتخاف

لا تخااف ولا تحاتي... قوليلها تقوله..كان فيك خير انشر قد ما تبي...بس ابداا لا تخليها تضعف جدامه..او تظهر خووووف....وهو لو عنده صور صح...كان بيراويهــا..وحتى لو عنده صور حقيقي لهااا..وراواها الصور..تقوله..انششرهم كلهم..:p و
هذا يبا يستغلها من البدااية...خلها تكون قوية..وتقوله اعلى ما في خيلك اركبه :p

ليش تدخل نفسها في دوامه

وليش تتعرف على واحد وتعطيه صورها وليش تكلم غيره على النت وش الخرابيط ذي


اقول قولي لزميلتك ترا ربي راح يعاقبها لو استمرت في طريقهااااا

قولي لها خافي الله ... الله يهديها

سفيرة فوق العاده;8811551:
اثني على المثل ، المشكله انها تدري انه غلط وتصلحه بغلط

الله يصلحها

ادري ..

وسوت الغلط وتستاهل اللي يجيهـاا

عيون وليد;8812877:
ليش تدخل نفسها في دوامه

وليش تتعرف على واحد وتعطيه صورها وليش تكلم غيره على النت وش الخرابيط ذي


اقول قولي لزميلتك ترا ربي راح يعاقبها لو استمرت في طريقهااااا

قولي لها خافي الله ... الله يهديها