الي عندها سمك زينة تدش اهني بلييز

وابي اعرف كيف تنظفون الحووض

للررررررررررررفع

هلا اختي .. بخصوص الأنواع انتي في المحل بتشوفين الانواع والشخص اللي في المحل بيقدر يقولج شو من الانواع تقدر تتعايش مع بعض.. لأنه أحيانا في نوع ما تقدرين تحطينه ويا نوع معين .. عسب ما يتظاربون..
بالنسبة لي.. فأنا أحب الــGoldfish أشكاالهم واااايد حلوة .. ومن النوع اللي وااااااااااااااااااااااايد يتحركون في الحوض.. وإيونج بكذا شكل ولون.. الألوان .. بتحصلين البرتقالي.. الابيض.. الاسود.. والبني..وألوان ثانية فأنتي شوفي شو ذوقج..
أنا الحوض اللي عندي حاطه فيه كذا نوع :Goldfish - Anglefish -tigerfish-dumblefish- وبعد الشارك فش (بس هذا النوع مسالم وصغار) وأنواع ثانية ما أعرف الصراحة أساميهم .. عندج بعد سمك الباروتparrot .. بس هذا النوع ما ينفع يعش مع القولدفش..بس اييون بكذا لون (أحمر-أخضر-أصفر-أزرق) بس عيبهم انه ما يسبحون وايد .. دايما يتيمعون في مكان معين من الحوض ويمثلون انهم ميتين ..خخخخخخخخخخ .. كذا مرة تحسبتهم انهم ميتين لأنه يطيحون على ينب في قاع الحوض.. بس ألوااانهم واااايد حلوة..
شوفي الدامبل فش شكلهم عادي..لونهم عالسيلفر.. بس الحلو اللي فيهم انه حجمهم يستوي كبير.. يعني عادي قد الكف أو أكبر .. ويعيشون .. أنا تمو عندي أكثر من سنتين (ماتو متسممين:sad:).. أنا راعي المحل قالي انهم ما ينفع يعيشون ويا القولدفش .. بس انا حطيتهم مع بعض وما شفتهم يتظاربون (مجربة من سنتين ولا زلت).. وصح لا تنسين تاخذين cleanerfish هذي اتي بلونين الاسود والبني.. ووظيفتهم انه ينظفون الحوض وياكلون الوصخ.. يعني اذا قلنا حوضج طوله أقل من متر خذي هنتين صغار أو وحدة كبيرة.. والـfighterfish ما ينفع تاخذينهم لأنه يعيشون بروحهم..(كل سمجة لازم تكون بروحها) واذا حطيتيهم ويا باقي السمج يموتون.. بس أشكالهم وألوانهم حلوة

بس عموما انتي سيري المحل وشوفي بعيونج عشان تختارين على ذوقج السمج..

وبخصوص التنظيف.. أول شي لزم يكون عندج فلتر مناسب لحجم الحوض .. وانتبهي على ارتفاع الحوض قبل ما تشترين الفلتر.. عن يكون أطول من الحوض.. والفلتر أنا أنظفه كل شهر.. أو كل ما شفته وااايد وصخ.. (ويعتمد اذا انتي ناوية تاخذين الفلتر اللي ينحط في الحوض نفسه.. او اللي برع )
ولا تنسين تاخذين المنظم الحراري... وغالبا تحطينه على 28 أو 29.. ووظيفته انه ما يخلي الماي يبرد.. وهو دايما تكونين موصلتنه بالكهربا.. وهو روحه يشتغل يوم الماي يبرد..

وبخصوص ماي الحوض نفسه.. أنا عن نفسي أغيره كل كمن شهر.. ويوم تشوفين مستوى الماي نزل.. اترسيه.. انا راعي المحل قالي انه مووووووول ما نغير الماي.. بس انا ما عيبني الوضع.. لأنه أحس انه لووونه يستوي بااايخ ووصخ.. وبعد بيسوي ريحة.. فغيريه كل كمن شهر.. يعني مثلا 3 أو 4 شهور..
وطريقتي في التنظيف: أحط السمج في حوض ثاني.. أو اي شي ثاني.. أجب ماي الحوض.. أغسل الحصى زين بالماي.. والحوض أغسله بالماي والصابون.. ولاحظي يوم بتردين تترسينه ماااي .. تأكدي انه الماي ما يكون حار أو دافي.. لأنه السمج جيه بيموتون.. فانتي جهزي ثلج.. وماي بارد عشان تخلطينه ويا الماي العادي.. ولا تنسين تاخذيلج شبكة عشان تشلين بيهم السمج وقت التنظيف..

نصيحة: يفضل انه يوم اتييبين السمج من المحل انه ما تحطينهم سيدة.. هو طبعا بيكون حاطلج اياهم في كيس فيه ماي وأوكسجين.. خلي الكيس في الحوض .. جيه 5 دقايق وعقب فجيه وصبي الماي والسمج في حوضج ...
وفي شي ثاني لازم تشترينه.. دوا لونه أزرق .. ما يحظرني حاليا اسمه.. بس وظيفته انه يخلي ماي البيب (الحنفية).. آمن وصحي للسمج.. وما يخلي نسبة المعادن تتركز في الماي..

أتمنى أكون وفيت في الشرح .. بس اذا عندج أي اسسسستفسار فأنا في الخدمة :)

نسيت أقولج شغلة .. اذا حوضج يحتاي تشتريله ليت حق الاضاءة.. فلااااااااااا تاخذين الأبيض.. لأنه بييبلج حالة اكتئااااااااااااب .. لأنه يبين الماي وايد وصخ.. خذي الازرق أو الاخضر أو الوردي.. حلو لو بعد اطقمين ويا لون الحصى.. وصح يوم بتشترين الحصى .. غسليه عدل بالماااي.. لأنه اذا جيه حطيتيه بيوصخلج الماي..

الأخت كفت و وفت

ما شاء الله عليها

ماقصرررررررررتي حياااااااااااااتي كلللللللللللللللللللللك ذوووووووووووووووووووووووووووووق