زوجي زعلان مني 00 الحقوا علي ؟؟؟

هلا اختي

حبيبتي الله يعينش واقول اصبري وحاولي تتفاهمي معاه وتتناقشي على هالموضوع وياه وحاولي تعرفي الاسباب بدون ماتنرفزيه او تخليه يعصب اختي اذا مارضى حاولي تسايريه وتبيني له انك زعلانة من هذا الشي ومااتوقع ان كل الثياب الماركات حلوووووووة بس اقول اصبري وتفاهمي معاه كل شي ولازعلك وزعل زوجك

معقوله في حد مايحب الماركات .......:eek2: :eek2: :eek2:


هذي جريمه يعاقب عليها القانون ... وين بيسير من ربه ...
حسابه عسير عند رب العالمين ....


أقولج مادام وصلت المواصيل لين هني اتطلقي احسن لج ....


تفكيرج صح وانته حرمه عاقله ...
الريل مب دايم الماركات هي اللي دايمه ... والي الأمام يا .........!!!

:D2 :D2 :D2 :D2 :D2 :D2

هلا عزيزتى..

جربى اسمعى كلامه اشترى من ملابس عاديه بصراحه عنى انا مب شرط كله ماركات مب مهم الماركات المهم اللبس النظيف المرتب الانيق والله فى ماركات قسما بالله ما تسوى ريال واحد حق المناسبات مو مشكله اشترى ماركات لكن حتى حق عيالج الصغار لا جذى وايد انتى اصلا بتتعبين اذا من الحين عوديتهم على ها الشى بتتعبين وايد يوم بيكبرون فى محلات حلوه روعه مال اليهال عدنا نحن فى دبى مب شرط تكون ماركه بس ما شا ءالله وايد حلو الانسان فى النهايه مش فى ماركاته جدام الناس باخلاقه تشوفين ناس لابسين ماركات لكن ماشى اخلاق خقه على الفاضى يمكن بعد ريلج يقولج ها الكلام يمكن الظروف ما تسمحله اسمحيلى الغاليه طولت عليج الرمسه ان شا ءالله هاذى مشكله بسيطه تنحل


تحياتى لج بنت بو خليفه

حبيبتى الغاليه وردة

هل تتركين هذه الوردة أن تخدش لسبب تافه ودنيوي

لا ياحبيبتى .. انت انسانه عاقلة وفاهمة والزوجه الذكيه هي التى تحافظ على زوجها ولا تحاول اغضابه بسبب تافه .. وانا ارى ان قضية الماركات قضية سهلة وبسيطة ولا تستحق هذا التفكير والعناء والتعب .. وإياك غاليتى من ان تفكري بالطلاق لهذا السبب

إياك ان تهدمي بيتك بيديك .. وان تفري بين زوجك واولاده .. صدقينى فكري ملياً .

بالنسبة للماركات انا اقول ما دام هناك البديل فلماذا الاسراف والتبذير ومن سيعلم ان الملابس التى نلبسها هي من النوع الغالي او الماركات..

كونى متواضعه واحرصي على حب زوجك ولا تضيعيه من بين يديك.. اتمنى ان ارى هذه الوردة الجميلة شامخة صامده تعين وتعاون زوجها على الخير..
وراعي كذلك ظروفه المادية من ان تكون لا تسمح وإن كانت تسمح فلا بأس من الحفاظ على هذه الاموال واحذري من ان تساورك الشكوك فالشيطان يسعد بالتفرقة بين الزوجين فهل ترضين ان يفرقك هذا الخبيث عنه لسبب دنيوي.

هذا رايي.. واعذرينى فمن حرصى على سعادة الازواج كتبت هذا الرد

تحياتى لك بالتوفيق والنجاح وان اراك يوما ما وردة تداعب الهواء:shy:

خليها مرة عليكى و مرة عليه يعنى مش كل مرة تشترى ماركات مرة اه و مرة لا

صراحه اختي ورده ترا الموضوع مايستاهل تكبيرينه وتزعلين زوجك عشانه اهم شي لبس حلو ونظيف بغض النظر عن الماركه .. والمفروض تراعين زوجك وتوقفين معاه وتخففين عنه مدام هو شايف ان الماركات غاليه مو تصيرين انتي والزمن عليه ,,,

وتحياتي لك اختي :)

تزعلينه عشان ماركات؟؟؟
شو هذا وين عايشين احنا ...؟؟؟ لا تخلين الماديات تاثر على علاقتج فيه



بعدين بقول لج شي يمكن زوجج ظروفه صعبه ومايقدر يصارحج فيه ...وانتي عارفه الماركات غاليه ...



وخذيها نصيحه مب اي شي اسمه ماركه معناه انه جميل وذوق ....;)

وهم الحياه 00 اشكر لك مرورك وكلامك علي عيني وراسي وتسلمين ياقلبي علي نصائحك الله يسعدك دنيا واخره 0

روز دبي 00 شكرا علي مرورك 00 ومافي داعي لهالتريقه والله الموضوع من جد ولو ماني محتاجه حل كان ماحطيته بين يديكم 00 والمسلم يا اختي ليقل خير او ليصمت 0

بنت بو خليفه 00 الله يسعد قلبك يالغاليه علي الرد الحلو اللبق وهذا ماعهدناه من اهل الامارات اهل الطيب 0

المبدعه 00 الله لا يحرمني منك ولا من ردك ولا من كلامك الحلو والله يثلج صدري ياقلبي 00 راح اخذ بكلامكم جميعا 00 وانشاء الله ربي يسعدكم علي هالكلام 0

swib تسلمين ياقلبي علي المرور 00الله يحفظك 0

عطر الورد 00 الف شكر علي مرورك الكريم 00 الله يسعدك علي هالكلام الرائع ياعمري 0

memoo1 الف شكر علي المرور والرد 00 والله اسعدني ردك 00

بس يابنات 00 المشكله ان الملابس العاديه فتره بسيطه ويروح لونها وتبهت وحتي غسيلها وكويها حرام فيها 0
لكن الماركه تجلس فتره شهور وهي زي الفل 00
وانا زوجي الحمد لله حاله الماديه ممتازه 00 بس المشكله انه حاسه ان احد لاعب بعقله 00
وانا مااشتري باستمرار بالعكس السوق بعد كل فتره وفتره اروح له 0
لاني مو من الحريم الي يحبون السوق كثير واذا رحت مااتاخر يعني نصف ساعه تكفيني 0
والماركات مو دائم غاليه بالعكس فيه اوقات تكون عليها تخفيض 50 %
يعني باخذها بنصف قيمتها 00
والاخت 00بنت بو خليفه 00
مافي زي اسواق الامارات 00 وروعتها وفخامتها 00
الملابس عندكم حلوه وبعضها رخيصه بس في المدينه والله غير الماركات مافي لان اصلا اسواقنا محدوده 00 والرخيص فيها تعبان والله جارتي مره اخذت فستان لبنتها وهو رخيص وقسم بالله ثاني يوم رمته 00عارفين ليش 00غسلته وراح زي الكوره في بعضه وتقطع وانتوا لو تشوفون شكله يوم اشترته تتهولون من روعه شكله 0
بس راح اعمل بنصائحكم 00 والله يعدلها يارب 00

:shy::shy::shy::shy::shy::shy::shy::shy::shy::shy:
لا ياعمري لاتهدمين بيتك على شى والله مايسوى وش يعنى ماركات بتموتين لو مالبستى ماركات والله انى البس لبس ولكل منهبل على اناقتى واختيارى فى الملابس بس والله انها مهى ماركه ونادر اشترى ماركه بس فى الزواجات وانتى تقولين صارت مشكله بسبب المركات صدقينى الجمال والزين جمال الروح ولاخلاق ويمكن زوجك الحاله الماديه له تغيرت وانصحك قوليله ابشر انشاء الله عمري مالبست ماركات اهم شى رضاك وصدقينى تكبرين فى عينه وبحس انك مراعيته فى الماديه لاتخلينه يحس انك ماهمك تراعينه بس اهم شئ يدفع لك وبالنسبه لما يهددك بالزوج من غيرك فنتبهى جائز يلمح لك بالزوج يريد يعرف ردة فعلك هل ممكن ترضين وتقولين خلاص وتستسلمين وانا راح ارضى تتزوج بس اهم شئ تغيرلى البيت وتعطينى فلوس وذهب تري لو حس انك فيه شبه موافقه منك راح يتزوج ويعطيك رضيه لكن انتي من البدايه اذا قال ابتزوج قولى كيفك اذا ماعاد تريدنى بس قبل كل شئ تطلقنى لاانى مستحيل اعيش معاك بعد ماتتزوج على واذا قال ماراح اطلقك وش اتسوين قولى عمرك ماطلقتنى اهلى عندى يقدرون قيمتى عندهم مهو انت نسيت العشره الى بننا حلو الحوار صح اصلح مؤلفه ولا لا
صدقينى فيه وحده دايم زوجها يقول لها انا ابتزوج عليك وهى المسكينه تقول تزوج على بالها ماراح يتزوج لكن المصيبه تزوج ولما لموه الناس ليش
تزوجت عليها قال هي تقول تزوج فلا تعطينه فرصه لتفكير في الموضوع

تسلمين يا حبيبة امها علي الرد والمرور 00

وعلي قولتك الرجال مايصدقون احد يقولهم تزوج 0

بس عاد الا زوجي مستحيل يتزوج غيري ابدا ابدا 0

لانه هو قريبي و هو كان يحبني من وانا صغيره وكان يقول لو ما اخذ

هالبنت الي هو انا اموووووووت وماصدق انه ياخذني 0

وعلشان كذا للحين حبنا باقي بس هو يحب يلعب بعصابي شوي

بيشوف غلاته عندي 0

انا الي اقصده يابنات تعرفون الشباب مع بعض بالاستراحات كيف

يشوهون افكار بعض 00 وشكله احد مقنعه بهالفكره 00 والا زوجي كان

من اكثر الناس الي يحب الكشخه والزين 00

وهو ماشاء الله عليه انسان ناجح بعمله وكمان حالتنا الماديه تعتبر ممتازه

جدا جدا جدا جدا ولله الحمد 0

راح اسوي بنصائح الاخوات الي ذكروها وانشاء الله تنتهي هالمشكله 0


ورده 2003:o

حبيبتي اكيد في مو مااااركات حلوين

ليس كل الماركات حلوين

فعادي لو قالك ر وحي محلات عاااديه

لا تهدمي بيتك بسبب شي تافه

تحياتي

عندما هددك بالزواج من اخرى فانه يمزح معكي وبعدين هو عنده حق فيما يقوله لك ومافيش داعي للاسراف او التبذير وزوجك رجل عاقل جدا وحريص عليكي والصراحه انتي بتعامليه وحش راجعي نفسك هذا الرجل لايتعوض