رجيم صحي للصيف مين معايا

**looloo86** · 13/02/2009, 04:51 AM

صباح الخير يا بنوتات أنا إن شاء الله إنهردة هبدأ دايت صحي لحد الصيف يعني من ١٣ فبراير لحد ١٣ مايو يعني فترة ٣ شهور و نفسي في بنوتين ملتزمين جداً معايا عشان العدد يبقى محدد و نقدر نتابع بعض بس لو من أولها كسل مش تسجل اسمها عشان هما ٣ شهور بس
طبعاً في شوية نقاط أساسية فالدايت لكن الباقي عادي كل وحدة تمشي علي يريحها

طبعاً أهم حاجة الرياضة لازم أقل حاجة ساعتين هتقلو كتير بس أصل احنا فالشتا و فرصة جسمنا عل صيف يبقى أحسن
تاني حاجة المايا لازم لتر عل أقل فاليوم
أخر حاجة طبعاً الخضار و فاكهة هنحاول نزودها لحد منخد عل أقل ٥ حصص فاليوم إن شاء الله
و طبعاً كلنا هنعمل شريط وزن فالتوقيع بإذن الله و أهم حاجة التقرير اليومي و لو بالصور يكون أحسن

بياناتي أنا بقى أنا طولي ١٧١ سنتيمتر و وزني ٧٥ حالياً و هدفي إن شاء الله في فترة ال-٣ شهور دي أوصل لل-٦٥ و الوزن إن شاء الله هيبقى كل يوم جمعة يالله الحق يا بنات أنا عايزة بنوتين بس ملتزمين و يا ريت يكونو رياضين بيحبو الرياضة أو الحركة عشان نتحدى بعض
اه صحيح إن شاء الله كمان هنعمل تحديات مع بعد عشان لياقتنا تزيد هى يا بنات انتو فييييين

**looloo86** · 13/02/2009, 04:53 AM

أنا إنهردة لسة فطرة نسكافه و ربع رغيف جبنة بيضة مع طمطمية
هرجعلكو بليل يا بنات بالتقرير و مستنية البنوتين إلي هيشركو

**looloo86** · 13/02/2009, 06:01 AM

أنا لسة ماشية ٤٥ دقيقة عل سير هو محدش عندو روح التحدي انتو فين يا بنات
ولعبت ٣٠ دقيقة عل أوربت ترك و كلت وحدة يوسفي كدة فاضلي ٤٥ دقيقة رياضة و فاضلي ٣ حصص فواكه و خضار

**looloo86** · 13/02/2009, 08:44 AM

أنا لسة لعبة ساعة عل عجلة و كلت جيلي مع موزة
كدة الحمدلله خلصت رياضة إنهردة و شربت كباية شاي أخضر هقوم أخد شور و يا رب بليل ألاقي حد يشاركني

**looloo86** · 13/02/2009, 04:31 PM

أنا إتغديت ربع فرخة فالفرن و خضار و كلت يوسفي و شربت الحمدلله لتر مية أنا هفضل اكتب يوميتي لحد ما بنتين يشاركوني إن شاء الله

**وحيده بدنيتى** · 13/02/2009, 05:09 PM

الله يقويك

فتافيت · 14/02/2009, 12:57 AM

حبيبتي أن انفسي أشاركك بس أنا ما أقدر أعمل رياضة ساعتين في اليوم .. ينفع؟؟

اما باقي الشروط ان شاء الله أقدر اعملها

انتظر جوابك

بس انتي ممكن تنزلي الوزن ده في أقل من 3 شهور يعني كلهم 10 كيلو
الله يقويكي

**looloo86** · 14/02/2009, 01:04 AM

وحيده بدنيتى
شكراً يا قمر على مرورك و ذوقك
فتافيت
أكيد يا قمر ينفع تشركي معايا بس إن شاء الله تزودي عدد ساعات الرياضة على اديا ههههه انتي أخرك كم فاليوم و بتحبي أني نوع من الرياضة

و أكيد لو عملة دايت جمد هخسهم بسرعة بس أنا عايزة أخس براحة عشان مزدوش تاني و الجسم ميترهلش إن شاء الله
ها يا قمر مستنية بياناتك طولك و وزنك

أنا إتعشيت ٢ برجر مشوي و خيارتين و بكدا أول يوم عدة بسلام الحمدلله

فتافيت · 14/02/2009, 01:49 AM

أوكي حبيبتي ان شاء الله أنا معاكي

طولي 163
ووزني 80 حاليا لسى ماوزنت

هدفي 68 لأن عظمي عريض وتقيل بس لو بقينا للصيف حخلي هدفي 60 يااارب

الرياضة بحب المشي بس كسلانة شوية , وبعمل رياضة صعود ونزول الدرج عشان الأرداف يارب ينحفو بقى

لكن ان شاء الله حشد الهمة معاكي وأمشي ساعة في اليوم خمس مرات في الأسبوع ايه رأيك؟؟ هههههههه , وعشرين دقيقة عشرة دقايق الصبح وعشر دقايق المسا صعود ونزول الدرج ولو عندك رياضة تاني ممكن تقوليها عشان استفيد

وأنا مشتركة كمان في موضوع لأختي سارونة وده عنوان موضوعها
http://www.3roos.com/forums/t431276.html رجيمها حلو

أنا بقالي في الرجيم من الأسبوع الماضي وكملت الرجيم مع سارونة من يوم الأربعاء وحأوزن بكرة أشوف وزني الجديد

بس موعدنا على الميزان حيبقى يوم الجمعة زي ما قلتي ان شاء الله

وبكرة حبدأ أنزل اليوميات

**looloo86** · 14/02/2009, 02:46 AM

كدة تمام جداً يا قمر أنا مبسوطة انك هتنوريني بجد كدة فاضل بنوتة تانية و نبقى تمام
ما شاء الله عليكي كدة الرياضة تمام أنا أصل بعمل ساعتين عشان حالياً قاعدة فالبيت و مش بعمل حاجة خالص فكدة تمام و قريب أنصحك تجبي جهاز أوربت ترك لو تقدري بجد رائع أنا حوشت وجبتو و سعرو معقول جداً لأني جبت موديل عادي مش أغلى واحد

مستنية يومياتك بكرا إن شاء الله و احنا مع بعض لحد الصيف إن شاء الله و السلم أحسن من المشي كمان بكتير على فكرة

**looloo86** · 14/02/2009, 04:27 AM

إنهردة ١٤ فبراير لسة شربة نسكافه و ضربتلي موزة بالزبادي فالخلاط د كدة فطاري
شوية أصحصح إن شاء الله و ابتدي الرياضة

**حبيبته ودلوعته** · 14/02/2009, 06:40 AM

بالتوووفيق

فتافيت · 14/02/2009, 03:19 PM

كيفك اليوم لولو

اليوم فطرت ملعقتين لبن قليل الدسم مع 3 توست خفيف وخيارة وشربت شاي أخضر مع الزنجبيل

ومشيت 45 دقيقة ولما رجعت البيت حسيت أقدامي مش بتحملني

والغدا حيكون برجر 2 وشوية مكرونة مسلوقة بالمي وسلطة

تفتكري طلوع ونزول السلم أحسن من المشي ؟؟

يعني أنا حابة اعمل 3 مرات بالأسبوع مشي بس

ولو توريني صورة الجهاز اللي شريتيه ..

حبيبته ودلوعته شكرا لك على مرورك يا عسل

فتافيت · 14/02/2009, 10:27 PM

شربت كاسة حليب قليل الدسم على المغربيات
وكاسة عصير برتقال مع سلايس جبنة لايت وتوست أسمر على العشا

وشربت ماي 2 ليتر وبشرب كمان لأني اليوم عطشت كتير

**looloo86** · 15/02/2009, 03:34 AM

حبيبته ودلوعته
نورتي يا قمر
فتافيت
الأول أخبار الميزان إيه فرحيني
و ثانياً السلم مفيد جداً بس أكتر من إلي بتعمليه يعني لو أكتر يحرق أكتر من المشي و متقلليش المشي يا مفترية ٥ مرات تحفة بس لو مش قادرة حالياً خليها ٣ ماشي و زودي حبة حبة
ما شاء الله ماشية تمام امبارح يالله شدي حيلك
هحطلك صورة الجهاز حاضر من عنية و دة أكتر منطقة بيخسسها الأرداف عشان كدة شايفة مناسب ليكي

أنا بقى امبارح إتغديت مكرونة بال صلصة و كبدة و بليل كنت معزومة كلت حتة CHEESE CAKE و العشا كان ربع رغيف مع جبنة و الرياضة كانت ساعة و ٤٥ دقيقة إن شاء الله أعوض الربع ساعة إنهردة

الموضوع: رجيم صحي للصيف مين معايا

أدوات الموضوع

رجيم صحي للصيف مين معايا

المواضيع المتشابهه

من بكرة هابدا رجيم مين معايا

مين يبدأ معايا رجيم .... مجرب و مضمون

رجيم سريع لترتدي فستان اقل من مقاسك ,.... رجيم وجبة كل ساعتين

ما الفرق بين رجيم انتكيز و رجيم الدكتور دشتي؟

رجيم سهل جداً رجيم التمر والحليب