طبعا الموضوع باين من عنوانه(g)(g) اليوم سويت هديتين حق عرايس خوات وامي بتهديهم هالهدايا وبما انهم خوات سويتهم نفس المستوى ونفس الشكل تقريبا:D وحبيت اعرض لكم الطريقه البسيطه وبنفس الوقت تكون فخمه واتمنى تستفيدون ولا تنسون ابي رايكم بصراحه(f) بسم الله نبدأ:
1_المواد المطلوبه:D
طبعا المواد هي:ورد ملون واغصان اشجار ذهبيه وورد مجفف ورق خفيف ينباع مه مواد التغليف للهدايا فراشات كرستال لولو ملون شرايط ملونه كراتين الهديه قش
الهديه الاولى عباره عن طق عطور ومبلغ من المال
خذيت البوكس البرتقالي ووضعت داخله الورق الاوف وايت مال الهدايا وبعدها حطيت فوقه تور بنفس اللون ورشيت فوقه الورد المجفف والكرستال
وبعدها اخذت البوكس الخشب ومليته بالتور والورد المجفف والكرستال ولفيت الفلوس وحطيتهم داخل البوكس وسكرته وزينته بالفراشه
طبعا اخذت البوكس وحطيت فيه البوكس الصغير مال الفلوس وطقم العطور
وبعدها سكرت البوكس بهالطريقه وثبت فوقه اغصان الشجر مع الورد بالشريطه مثل ما اهوه باين
وعملت ببيونات بالشرايط وثبتهم طبعا بالشمع الحراري
وهذا الشكل النهائي للهديه الاولى عقب ماثبت الكرستال والفراشات:D
وهذي الهديه الثانيه:
عباره عن طقم اكسسوار كامل مع البخور ومبلغ من المال
اخذت البوكس الذهبي ونفس الطريقه حطيت الورق وفوقه القش عباره عن اللون الذهبي والفضي مصنوع من القصدير ووزعت فوقه الورد المجفف واللولو
اخذت البوكس الشفاف ووضعت التور وفوقه البخور مع اللولو
والبوكس الثاني حطيت التور وفوقه الورد المجفف واللولو ولفيت الفلوس
طبعا كل الاغراض حطيتهم بالبوكس والبرواز تحت مو باين عدل وغطيتهم بالورد واللولو
غطيت البوكس وثبت الاغصان مع الورد
وهذا الشكل النهائي بعد ماثبت الشرايط وحطيت الاضافات
الحين دور الكرت وكان جدا جدا بسيط
وطبعا الطريقه بالخطوات والشكل النهائي للكرت(y)
والشكل النهائي للهدايا(a)
أتمنى اعجبتكم الفكره البسيطه واستفدتو من الموضوع ولكم اجمل تحياتي كندريه حلوه(f)