سوالف ومواقف الكل يدخل مو بس المزوجات

م

مدوخة الحكومة

عروس جديدة

13-02-2009 | 03:55 AM

اهلا بنوتات يا حلوات

من زمان وانا اجهز ملف للعروس .. ولا وده يخلص .. العالم اعرسوا وهو ما خلص ...

شكلي ابنساهـ

.
.

حبيت انزل هالموضوع نسولف فيه عن يوم الزواج وتجهيزاته وتوهيقاته

مهما كان من تعب ومشاوير ودوخة الراس للتجهيز قبل الزفاف .. يبقى هذا اليوم هو المتعب جداااا ...

واحيانا تصير مواقف ما تدرين من وين جتك اليوم .... انواع التوقيت

خاصه وان النفسيه شينه

حتى تفكرين تهونين وترجعين بيتكم.!! بلا عرس بلا هم

ودك تصرخين .. ودك تضحكين .. ودك تبكين .... كل المشاعر مختلطه

خلصتي من تجهيز اغراضك ونفسك ... حجزتي الكوفيره ... القاعه .. الكوشه ...

اليوم تتوجين ملكه في هذا الزفاف .... لازم يكون كل شي على ما يرام ...

قبل ان نصل الى هذه اللحظه ... خلونا نستعيد هذا اليوم من الصباح

للعروس واهلها

.
.

[[[ يـــــــــــــــوم عـــروس ]]]

تصحى من الصباح بدري <<< هذا اذا هي نامت اصلا

مرتبكه ما تدري وش تسوي ..

حتى البيت يكون فيه استنفار هذاك اليوم

خاصه اذا عندها اخوات كثار .

سواء كانوا اهل العروسه او العريس ... نفس الحاله ....

لا واللي يزيد الهم هم اذا كان عندهم اعمامهم وبناتهم . او بنات خالاتها

هي اكيد مبسوطه الكل حولها بس دوشة راس

هيييه وين الاستشوار ابستشور شعري قبل تجي الكوفيره ...

وين جزمتي امس شاريتها امداها تضيع .!!

جوعااانه ابي فطور...

يوووه نسيت اشيل ايديني ... دايما انسى نفسي .!!

اباخذ شور واجي القاكم خالصين ....

<<< يا عالم ياناس ابعدوا عني

.

.

.

طبعا يختلف ... فيه بعضهم يسوون كل شي بالبيت ..

وبعضهم يحبون يتضبطون بالقاعه .. وكل حوستهم هناك .....

انا من رأيي البيت اريح بكثير .... عشان ماتنسى العروس شي ...

<<< مو زي بعض الناس .. ناسيه نفشة الفستان بالبيت ولا انتبهت الا وقت الزفه .!!!!!

.
. فيه نقاط لازم تنتبه لها العروس .. قبل يوم الزواج .....

= [COLOR=mediumturquoise]الفستان : لازم تقيسه قبل بأسبوع.. لأنها يمكن تكون نحفت عليه وهذا شي اكيد ....

فماراح يكون حلو عليها .......

= اغراضك : لازم تكون كلها جاهزه .. مرتبه ..... الفستان + المجوهرات + الشوز + اكسسوار الشعر + ... اي شي ببالك ..

وبعد شنطة السفر مجهزه ومقفله ...

والشنطة اللي بتاخذينها معك للفندق او للبيت جاهزه .....

وبعد الاغراض اللي بتحتاجينها بالقاعه تكون جاهزه قبل بفتره ....

هذاك اليوم ماراح يون فيه وقت ولا نفسيه تساعد على ترتيب الاغراض

= الشوز : لازم تكونين مختارته بعنايه ... عشان ما يتعبك ويكون مريح لك .. ومقاسه مضبوط..

حتى اللي تنحف يتغير مقاسها ويصغر <<<

= أكلك : لازم تكونين آكله زين ... ممنوع الجوع هذاك اليوم ...

لانك بالليل بتجوعين غصب

= تأكيد الحجوزات : ( القاعه + الكوفيره + الطاولات + كلللل شي لازم تشيكين عليه قبل بيومين ..احيانا تتوهقين )

وعشان يجي يوم زواجك وانتي مرتاحه

= المواعيد : اذا عندك مواعيد او فساتين ما خلصت . حولي كل شي ينتهي قبل الاقل ب3 أيام ...

اليومين اللي قبل الزواج ممنوع الخروج .. عندك شغل ثاني

= البطاقات : لازم تكون موزعه على المعازيم قبل اسبوع ....

.
.

.
.

الاطفال يوم الزواج

جنة اطفالكم منازلكم ...

نتمنى لأطفالكم نوما هانئا ..

اطفالكم شموع تضي بيوتكم ..

منوع اصطحاب الاطفال << جد

انا اكره الاطفال بالزواجات .. لكن بعد تجربه ... لا والله اقول انهم هم اللي يحلون العرس بس بضوابط ...

مو على كيفهم طالعين نازلين

ولا كلن نعزمه ... بس الظروري .. الاهل القريبين بس....

وهالشي مافيه مجاملات ....
.

الاطفال برائتهم تشفع لهم ..

وهبس يزننون ... وفساتينهم شي جميييل

ياتشوفينهم مرتزين بالكوشه

والا اذا فيه درج طالعين نازلين ...

والا يمرورن من الممر كل شوي يحسون انفسهم عرايس

وفي نص الزواج نلقاهم نايمين

.
.
.

يآآآآآهـ يوم جمييييل

وتنتهي كل هالربكه ..... وننام بسلام ونصحى من بكرى نقول ايش صار امس .؟؟ واليوم ؟؟

كأنه حلم

حبيت انزل هالموضوع .. نسولف فيه وننبسط عن هذاك اليوم ومواقفه ....

مو شرط زواجك

زواج : اختك .. صديقتك .. بنت خالتك .. بنت عمك ........

حتى اللي ما تزوجوا ابغاهم يردون قبل غيرهم

.

خلونا نشوف مواقفكم .....

ايش الاشياء اللي ما اكتشفتوها الا هذاك اليوم ....؟؟

ايش اللي يبكيك .. وايش اللي اسعدك ...

تجربتك واخطائك انقليها لغيرك يستفيدوا منها .....

وبالتوفيق للكل

.
.

اذا حسيت بتفاعلكم مع الموضوع كبيت عفشي
.
:D
[/COLOR]

c

controller

عروس نشيطة

25-02-2009 | 11:49 PM

مشكوره اختي على الموضوع..

انا وراي خطوبه لازم اجهز لها من الحين..

أولا:
فستان خطوبتي اخترت الموديل ورحت عند مصمم مشهور عندنا وقلتله يسويلي نفس الشي..

ثانياً:
خذت القماش ووديته عند المصمم وافتكيت..

ثالثاً:
دفعت عربون الي بتسويلي مكياج,بس مالت الشعر اقولها تعطيني رقم حسابها وكل يوم تقولي بكره,الله يستر ماتوهقني يوم الخطوبه..

رابعاً:
اخترت مسكتي للخطوبه وخليت كل تجهيزات الخطوبه على اهل المعرس من كوشه,طاولات,كيك,شبكه وبس انا احدد الالوان(والله ماقصروا) وانا الي اخترت الدي جاي..

واذا قربت خطوبتي طبعاً بروح اسوي حمام مغربي,تنظيف بشره,مانيكير وبديكير وباقي الاشياء في الصالون.

وبعد الخطوبه انشاء الله بقولكم عن التجهيزات..

ودمتم..

ه

هذيان عاشـقة

عروس رائعة

26-02-2009 | 12:11 AM

مرحبا اختي موضوع كثير حلو .. انا ما تزوجت ولا انخبطت بس لي تجارب مع نص بنات العيلة وصديقاتي صارت مواقف ياما .. لاني دووم مبتلشة فيهم اشتغل لهم منسقة افراح wedding cordinator..

من المواقف اللي ما انساها يوم ملجة بنت اختي حجزت لها الصالون وطبعا كان تاريخ [MARK="FF6666"]8-8-2008م[/MARK] .. لانه تاريخ مميز صارت الصالونات ذبحةةةةةةةةةةةةةةةةةةةةةةةة وزحمةةةةةةةةة مب طبيعية .. ومكياجها كان في صالون ثاني واللي بتمكيجها قالت لا تتاخر عن 3 العصر لان عندها زحمة ولا مب تخلصها ..المهم صحيت من بدري لان قالو 8 ونص الناس بتكون جنب الصالون اول ما يفتحون بيهجمون عشان ياخذون ارقام .. رحت انا من 8 وثلث الا فيه كم سيارة قبلي قلت يا لهوي متى جاو ذولا الناس .. :ss: .. المهم سيارتي ما كان فيها بنزين كثير ومن خوفي لايسبقوني الناس قلت باخذ رقم وبعدين بروح اعبيها بنزين ..المهم وانا انتظر الا اشارة البنزين تولع انه بيفضى ..ومن خوفي لايفضى واتعطل طفيت السيارة وقعدت في الحر انتظر للساعة 9 ..:confused: .. مت من الحرررررر .. و اول ما فتحوا هجموا الناس داخل والكل يهاوش يبي رقم .. بس الحمدلله لقيت رقم قرريب .. وطلعت بروح اعبي بنزين من الحر والربكة ضيعت مكان المحطة ..:o :D

ويوم خطوبتها كل العيلة كنا في صالون واحد بعد ما جهزت ام العروس و خلصت اول وحدة مع اختي الثانية دقوا عالبيت يبون يروحون القاعة لازم يكونون هناك من بدري عشان يستقبلون الناس .. ام العروس خذت معاها عباة العروس مع الاغراض لانها مستعجلة ما انتبهت وش خذت .. يوم جهزنا احنا وجينا بنطلع ندور عباتها مالقيناها .. فاللي يشتغلون بالصالون عطونا بشار صلاة نغطي فيه العروس والسيارة يا دووب على الباب .. بس شكلها كان مصخرة ..:D

سوري هذرت وااجد بس ترى عندي غيرهم مواقف بقولهم بعدين مب كلهم مرة وحدة :tongue:

J

JaNa Q8

عروس جديدة

26-02-2009 | 01:44 AM

هالوو
شكرا على الموضوع الحلو :)
انا مو متزوجه وانشالله عن قريب بالنصيب الصالح :)
بالنسبه للموقف الي بكتبه عن رفيجتي الي حيل معاها..
حطت مكياجها بالصالون مع الطرحه بس وبعدها راحت غرفتها الي حجزتها بالفندق الي كان فيه عرسها يت بتلبس البست كل شي النفنوف والاكسسوارات والطرحه طبعا من الصالون يه دور تكرمون الجوتي ولا ناسين طبجه لووووووووول يعني بس طبجه وحده وننطر تروح اختها البيت ودور ودور مالقت اشلووووون؟شنو الحل ولا انقول لها اي جوتي ثاني جان اتقول اختها ماعندي ابيض وبعدين مقاس ريولي اكبر المهم يابت لها جوتي من جواتيها ولونه سلفر ولا تلبس جوتي السلفر صج ان احس مو ماشي ومن ورا كبير بس اشوه مو امبين لان النفنوف طويل وشوي نافش فموامبين المهم صار من باجر ولا امها داقه عليها قالت لها تدرين وين لقينه جوتيج؟!
انتوا اتوقعون وين؟

بالحوش طايح لوووووووووووووووووووووووووووووووووووووووووووووووووووووووووول
اظاهر لمه الخدم ودو الاغراض دبجه طاحت لووووووووول
حرام واحنا اندور :)

وشكرا على الموضوع :)

-

-بنت الجزيره-

عروس رائعة

26-02-2009 | 02:34 AM

ههههههههه سوااااالف حلووووه مره ^_^ الله يعطيك العافيه على الموضوع
الصراحه ماذكر مواقف لاني ماعندنا عروس كثيره
بس اذكر اني عصبت يوم عرس صديقتي المناكيري لطخ يديني وكان فستاني طويل وقمت اقول وشوي بصيح خخخخ مابروح العرس روحوا انتوا خلاص هونت اشوى انه موب عرسي هههه
وامي تقول لاتحوسين نفسك جالسه انتظرك
لان بعيده القاعه يبيلها ساعه ووراي مشوارين
يعني كنت متلعوزه وحالتي حاله وكنت موب بيتنا مارجعت بيتنا الا بعد العشاء يوم عرسها يعني ماكان عندي الا ساعه تجهيز نفسي لا غير

بس يوم رجعت قمت افكر ليه عصبت واطالع غرفتي كيف انعفست خخخ مشكله الي مايمسسك اعصابه

يلله ربي يسهل ويرزقني وجميع بنات المسلمين الزوج الصالح يارب ^_^

أ

ألــ أمـ ــل ـــم

عروس مشرقة

26-02-2009 | 02:38 AM

ههههههه مواقفكم حلوة وحلاة العرس بالمواقف يترك ذكرى حلوة

بقول عن وحدة من الأهل .... بعد لا استوى عرسها وكل شيء مر على خير وزفوها الى بيت رجلها الكهرباءانطفت يتصلون وحاولون مدة وكان بعز الصيف عرسها وناس حر يوم جافوا السالفة مطولة ردوا ركبوا السيايير وزفوها الى بيت اهلها لانه بنفس المنطقة والشيء الحلوا انة العرووس كانت فرش ولا ضيقت خلقها على السالفة بالعكس لليوم تذكر لنا السالفة و تغني يا هلا ويا مرحبا نوري طفى الكهرباء ....بس بعد ساعة ردت الكهرباء ورجعت بيت رجلها

نصيحة الى كل عرووس خليج فرش وخذي كل موقف ببساطة وضحكة ولا تعصبين وتصيحين ولا ترتبكين عشان يتيسر لج الشيء وتعرفين تتصرفين

ر

رووفة

عروس ماسية

26-02-2009 | 02:42 AM

موضووعك جميييييييل
انا لسة مش متجووزة دعواااااااتك

ح

حصاصي

عروس ماسية

26-02-2009 | 02:52 AM

مرحبا يا حلوات
انا يوم خطوبتي طلعت عيني
قعدت الصبح وتسبحت ومرت علي رفيجتي عشان نروح الصالون رحت اول شي القاعه عشان ااكد عليهم مايدخلون يهال خير شر الا اللي عنده بطاقة دخول للاطفال

وعقب رحت سويت شعري في صالون وطلعت ورحت صالون المكياج وخلصنا ورجعت البيت بدلت وكشخت وتبخرت ورحت الصاله

وكنت حدي متنرفزة لان الصاله متروسه يهال ولا جني قايله لهم شي وثاني شي صارت لمه في الزفة من اهل المعرس فخربو الزفة

عاد عرسي جريب وخلهم يسون نفس الحركات بذبحهم

ك

كريستالة منحوتة

عروس رائعة

26-02-2009 | 03:09 AM

موضوع جنااااااااااان الله يسعدكم على مواقفكم

بقولكم موقف بنت خالتي يوم عرسها تأخرت مانزفت تدرون ليش؟؟؟

لأن شريط الزفة ضاع ههههههههههه

عطيناه المشرفة علشان وقت الزفة تشغله وهو طبعا شريطين زفة البنوتات الصغار وزفة العروس

المشرفة شغلت زفة الصغار وطلعوا قدام الناس

ولما جا دور العروس تنزف مالقينا الشريط:(

طبعا العروس ياحياتي بغت تجيها سكتة يوم درت وتحسبونها قالت طلعوا الشريط ولا دوروه ههههههه

لالالا

تقول مايخالف بنزف عالهواء وانتوا صفقوا>>>انهبلت ياحياتي خخخ

كلهم طلعوا يدورون الشريط والعالم تحتري العروس لأن البنوتات وصلوا المنصه:(

وانا بقيت معها

شوي تصارخ علي:( وتقول كله منهم هالخوات التعبانات خخخخخ همهم الرقص خخخخ

وشوي تقول شيلي مسكتي عورتني يدي

وشوي تقول هاتيها بتعود عليها>>>مسكتها ماوصلت الا وحنا بالقاعه خخخخخ

وطبعا انا ملتزمة الصمت خفت تحط حرتها فيني خخخخ

وبعد كل هالهذرة تدرون وين لقينا الشريط؟؟؟؟

المشرفة الله يهديها حطته بصدرها هههههههههههه

ونست عنه هههه

بالتوفيق لكل العرايس:)

W

WhO @m i

عروس مبدعة

26-02-2009 | 08:54 AM

تذكرت موقف صار ويه رفيجتي انا كنت وياها فالصالون عاد انا خلصت شعر قبلها تعرفون العروس يبيلها سنه على ماتخلص قعدت اسولف ويه البنات اللي فالصالون خصوصا كنت بروحي ماوياي احد غير رفيجتي المهم الصالون نظامه حجر ماتجوفين اللي يسوون الشعر اذا قاعده فالصاله المهم ماجوف الا وحده طلعت عاد انا ماستوعبت انها رفيجتي الا عقب مده والله جنها اسد طالعه عااد تعالوا جوفوا انواع الضحك اللي صار وانا مب قادره ايود روحي من الضحك شوي ولا الاخت نزلت دموع انا مابروح العرس ومادري شنو خلاص ولا انقلب ويهي اقولها انتي عروس شلون مابتروحين قمت ادور اللي سوت شعرها وتقول بتعدله بعدين ومادري شنو آخر شئ ويه التاج طلعت ملاك