أنا والحمل وزوجي

سلام .. بنات أنا عضوة يديدة معاكم بس أنه كنت على طول أتابع المنتدى والصراحة عجبني قسمكم هذا لأن احس البنات يردون ردود مفيدة ونصايحهم حلوة وواضح إن قلوبهم على بعض.....

حبيت إنكم تفيدوني بمشكلتي.. يمكن تقولون ما عندها سالفة بس صج هالشي وايد مضايقني..

وعلشان ما طول عليكم.. أنا زوجي على طول يسافر لأن ظروف عمله تفرض عليه السفر الكثير وهذا الشي أنا اتحمله وأتذكر دايما كلام الوالد لما يقول لي ( يا بنتي انتي عليج الصبر وهو عليه الوفا وغير هذا ما تقدرين تسوين شي) أنه بصراحة واثقة في زوجي واحبه وايد واعرف انه يحبني بس سبحان الله من حملت وآنه حاسه ان زوجي متغير علي واااااااااايد مع انه طولنه وايد على ما حملت (سنين) يعني كنت متوقعه انه بيفرح وايد بهاي الشي ورايح يدللني (لكن على العكس تماما صار بارد معاي وحسيته على طول يبي يهرب مني) فكرت في اشياء وايد مثلا فكرت انه ما يحب شكلي وانه حامل او انه استثقل دمي لما كنت اتوحم لأن نساتي كانت وايد ثقيلة وفكرت بعد انه كان مخطط انه ما نييب عيال في الفترة الحالية بس شنسوي شي وصار وماعتقد ان في احد في الدنيا يكره ان يكون له ولد ولااا بعد هذا اول ولد المفروض يكون فرحااان اكثر من اي مره،، ومرات افكر ان السبب فيني حتى اني والله ومع اني متنسية ولايعة جبدي ما اخليه يجوفني الا بالصورة الا الي يحب كل ريال يجوف فيها مرته بس بعد .... المهم كلمته وقال لي انتي تتوهمين وكله بسبب نفسيتج تغيرت من الحمال، قلت حق امي وقالت لي مثل الكلام, وبعد ما اثنينهم قالوا نفس الكلام حاولت اقنع نفسي بل فالنقل اقتنعت

لكن اليديد الي صار انه يوم الي سافر كنت انا وامه رايحين المستشفى، تخيلوا انه لما دق تلفون سأل عن امه وعن صحتها ولا كلف على روحه يسأل عن صحتي:confused:، قلت آنه ما عليه انزين ما تسأل عن صحة ولدك ( وآنه صدقوني المستشفى قالوا لي إن ضغطي نازل وانه دمي ناقص وخايفة وايد والكل وقف معاي ..... الا اهم انسان .. زوجي)

كلمته من شوي وعاتبته وقالي احبج وهالكلام بس آنه مو مصدقه وهذا يأكد لي انه صج متغير علي واني ما اتوهم والدليل انه حتى ما سأل علي وهو مسافر وآنه بعيده عنه واصلا ماني على باله بس يتذكر امه لكن زوجته ما لها اي ذكر عنده ، المهم قلت له هالكلام على التلفون وبعدين قالي انتي شخبارج وحاول يسألني عن روحتي المستشفى قلت له اني ما بجاوبه لأنه ما سأل عني وما يفيد الحين عقب ما ذكرته:)

يا ترى الي سويته صح ؟؟ شنو تنصحوني لأني نويت اني ما اتصل فيه ابدا مع العلم انه بسافر لمده شهر يعني (الي ما يبانا ما نباه)؟؟ وساعات اقول لا اصلا ما اقدر آنه احبه موت وامنع روحي كل دقيقة من اني ادق عليه؟؟ شسوي بناااااااااات ردوا على

ويا ترى في وحده منكم حست ان زوجها تغير عليها لما احملت؟؟؟؟؟؟؟؟؟ والا هاي بس تهيؤات ؟؟؟؟؟؟؟؟؟؟؟؟؟؟؟؟؟؟؟

بنات ردوا علي بحق حبيبكم النبي(ص)
لا تردوني