زوجي والموظفه الي معاه!!!!!

لا تخافي عزيزتي باين من تصرف زوجك انه ماله ذنب وبدليل انه مخزن اسم الموظفة بجواله ورد عليها قدامك عادي فأنتي لا تخلي الشك يدخل قلبك
وزوجك اذا مخبي عليك شي يبين من تصرفاته وتغيره عليك
بس من رايي انك تطمني ولا تخافي

استغفر الله يا ربي العظيم من كل ذنب عظيم

على ما نقول في البحريــــن أوادم ( نقصد لا تعليق) يعني ما نبي نحش في الأوادم
الخلط و بلاويه ناس مطيحة الميانة و زين أنه بين عليج انه مو عاجبج و تم يراضيج ..... و يمكن في الشغل وياها خفف من التخيفف وياها ،، ترى شكله يعزج لأن ما حب تبوزيتج... بس ما اتوقع ان في شي بينهم و بين بعض ... بس تلاقينه من النوع المزوح و المرح اللي يمزح مع كل من و يتقبل المزح من كل من بس قولي له ويا الريايل عادي بس ويا البنات مو حلوة في حقي .... و خوفيه قولي له يمكن تهتز صورتك قدام الموظفين مو أنت البوس مالهم...
الله يهديج و يصلح حالج

شكلها البنت وقحه ومو متربيه
ولا ما تسوي هالحركات الا اللي فراسها شي
على العموم انتي مالج الا تكلمين زوجك مجرد جس نبض
وبيني له ان اللي صار مو عاجبك
يعني لا تشدين عليه بس قولي
انج ما عندك مشكله من شغله معا بنات لانك واثقه فيه
بس ازيد عن جي لا
وقولي له انا البنات هالايام هم اللي يلاحقون الرييال فالمفروض ما يعطيها ويه عشان لا تتجازو حدها

عزيزتي

هدي بالج لو في شي مارد قدامج
والمفروض تقولين له وقتها ان الموقف ضااايقج

وانت انسان متزوج ولك وقتك الخاص
ومن تكون عشان تتصل وتمزح هالمزحه السخيفه ؟

وخل يكلم الموظفه ويفهمها الاتصالات خارج الدوام ماتكون الا للضروره

صراحه البنت وقحه جدا بس باين زوجج ماله ذنب لانه لو كان صج في شي بينهم جان شفتي ارتبك اول ما رن التلفون وحاول يروح اي مكان عشان يرد علييه او عطاها مشغول ورد اتصل فيها يعني ما برد عليها عيني عينك جدامج شيلي عنج هالوساوس وحافظي على زوجج من هلاشكال والله يسخره لج ويخليكم لبعض

مشكورات على ردوودكم خواتي وانا اعرف انه هي السبب ومش زوجي, بس انا كلمته البارحه وقتله ما يصير هاي البنت تتصل فيك في البيت وتقولك انا امزح لانه لازم يكون في حدود بين المدير وموظفينه , هو قال انا كلمتها اليوم الصبح وقتلها ما يستوي انتي تتصلين فيني فاليت وتمزحين هذا الشي ما يصير انا مش معناته امزح وياكم وطيب انكم تتعاملون معاي بهالطريقه (على كلامه الله واعلم) ,, المهم انا بينتله انه هالبنت شي من الاثنين يا انها في راسها شي او انها مينونه ولا مافي حد يتصرق بهالطريقه ,,قتله انا لو سويت جذي ويا مديري كان بيبند في ويهي لانه هالتصرف عيب وخاصه انك ريال متزوج, قال حتى هي حرمه كبيره ومتزوجه وعندها عيال !!!! انتو شو رايكم في هالكلام؟؟؟؟؟؟؟

camberlight;8789745:
مشكورات على ردوودكم خواتي وانا اعرف انه هي السبب ومش زوجي, بس انا كلمته البارحه وقتله ما يصير هاي البنت تتصل فيك في البيت وتقولك انا امزح لانه لازم يكون في حدود بين المدير وموظفينه , هو قال انا كلمتها اليوم الصبح وقتلها ما يستوي انتي تتصلين فيني فاليت وتمزحين هذا الشي ما يصير انا مش معناته امزح وياكم وطيب انكم تتعاملون معاي بهالطريقه (على كلامه الله واعلم) ,, المهم انا بينتله انه هالبنت شي من الاثنين يا انها في راسها شي او انها مينونه ولا مافي حد يتصرق بهالطريقه ,,قتله انا لو سويت جذي ويا مديري كان بيبند في ويهي لانه هالتصرف عيب وخاصه انك ريال متزوج, قال حتى هي حرمه كبيره ومتزوجه وعندها عيال !!!! انتو شو رايكم في هالكلام؟؟؟؟؟؟؟

خلاص دام كلمتيه وكلمها هو بعد
شيلي الموضوع من بالج وحافظي على زوجج

والله يسخره لج

الله يعينج من هالاشكاااااااااااااااااااال ..

انا احس ان زوجج موعاطنها ويه بس اهيا تلاحقه وميته بس انتي راقبيه وحافظي عليه ترى البنات يسوون ايشي عشان يسرقون الريل واهوا موذنبه لانه مدير وتصير موظفه عنده يعني لازم يرد على مكالماتها

مشكورات فديتكن وربي يحفظلنا ازواجنا من هاي الاشكال :)

اتناقشي معاه في الموضوع
واسالية
بس لاتحسسينة انك شااكة فيه
والمفروض هالشي يصير اول مااتصلت
بس لاتسوينها مشكطلة حاولي تتفهمين منه الموقف

والله مثل ما قالتلج وحده من البنات .. ريلج شكله محترم و بدليل انه عادي يرد عليها جدامج ومسجل اسمها وهو يعاملها كموظفه لا اكثر.. الخوف انها هي اللي تكون عاقه عمرها عليه ..


انا رايي انه الاعتدال فالغيره ألذ شي بين المتزوجين .. يعني حلو انج تغارين عليه بس بلطف مثل ما انتي سويتي .. انه تغير مزاجج بس مب انج ضاربتي و شكيتي و اتهمتي.. هذا كان عين العقل..

الحين الخطوة الثانية .. هي انج تتخيرين وقت مميز بينكم .. وقت يكون فيه حب و دلع وولع .. مثلا بالنسبة لي انا وزوجي هالوقت يكون عقب ما ننتهي من العلاقة الخاصه نتم نسولف عالسرير ..


إلوي عليه بقوه .. وقوليله احبك وايد واغار عليك اكثر عن ما تتخيل .. ودي احطك في عيوني واصكهم عليك عشان محد يشوفك غيري .. ومن هالكلام اللي بيخليه يبتسم ويستانس عالحب اللي انتي تعطينه اياه ..

وقوليله مثلا.. متى اكثر مره غرت عليه فيها .. وخليه يجاوب .. و عقب هو بيسألج ..

قوليله يوم اتصلت فيك هالملقوفه .. وسوي عمرج منحرجه من غيرتج ..

وإلوي عليه وايد خليه يحس انه اساس غيرتج حب وولع .. ومب انه حب التملك والسيطرة .....


قوليله انا ما اتخيل انه انا لو كنت اشتغل بعق الميانه بيني وبين مديري ... لأنه عندي ريل احبه و انا بنت متربيه .. كيف هالبنات عادي عندهم جذي

واسمعي رده شو بيقول.. هل بيقول لج هاي عادي عندها جذي ويا كل حد ولا مثلا بيقولج انا بعد متضايق من تصرفاتها .. قوليله اغار عليك .. ما احس انه تصرفها صح .. المفروض يكون في حد فاصل للاحترام بينك وبينها ..

ودايما تكلمي باسلوب فيه حب و فيه عتب بسيط... لا يكون تغيرين نبرة صوتج وتبينين غضبج .. موووووول انصحج عشان ما يتعود يدس عنج ....

وانهي هالموضوع بضمه قوية وقوليله لو تحبني لا تعطي هالاشكال فرصه يدخلون من بينا .. نحن نحب بعض واذا دخل الشيطان من بينا وايد اشيا بتتغير ..


وبس.. طلعي الموضوع من بالج ولا تردين تيبين طاريه .. الريال لو كان هو من الاساس زين ومحترم هالكلمتين في هالجو الرومانسي بيكونون وصلوله فكرة انه عنده احسن واعقل حرمه فالدنيا وهو بيعرف كيف يتصرف... :)


انا ريلي صار معاه تقريبا شي مشابه .. وتصرفت بهالطريقة والحمدلله الموضوع انلم وما عاد شفت هالحركات من البنات وياه .. تحسين هو مايعطيهم فرصه .. الحمدلله

سخيفه!!!

شهالحركات؟!

اختي قبل اي شي بسئلك زوجك من النوع المزوح او من النوع الاجتماعي او من النوع الي ممكن ياخذ ويعطي مع اي احد حتى لو مع موضفينه سواء امراه او رجل....؟؟؟
اذا اي خلاص ليش متظايقه لو في شي بينهم ماسجل رقمها باسمها كان حط اسم رجال ولاكلمها قدامك

واذا لا فاعتقد الغلط مو غلط زوجك غلطتهاا هي هي انسانه ماتعرف الادب ولا لااحترام بهاذي الحاله زوجك انحرج ولكن بحكم انه المدير كان المفروض ياعطيها كم كلمها على جنابها على قولتهم

وممكن بعد ماتكون سيده انتي دققتي على الاسم او الصوت ممكن يكون الاسم بالنجليزي نور ومفكرته نوره وفي رجال اسمهم نور

شوفي انا اعطيكي عدد من التخمينات لان اذا حصرتي ببالك شغله وحده راح تتعبين لانك راح تكبري الفكره وطوريها وبالاخير مافي اي شي من الي ببالك وربي يهدي بالك

لاياحبيبتي انا مانصحج مثل بعض الاخوات واقولج هدي بالج باين من تصرفه انه عادي ولا اقولج شكي فيه ونبشي وراه وطفشيه
خير الامور الوسط والوسط انج تحاولين تحاصرينه باهتمامج يوم يكون في الدوام دقي عليه اسألي عنه قولي له كلام حلو ولما يرجع تدلعي واهتمي فيه ادري بتقولين انا مو مقصره معاه
بس اناقريت قصص للاخت ناعمة الهاشمي وقبلها كنت اظن نفسي انامومقصرة مع زوجي بشي
طلع بالعكس احنا حتى دلالنا الزايد لهم ممكن يطفشهم ويدورون غيرنا حبيبتي شوفي شنو ناقص بينكم وكمليه شنو تسوينه بزيادة وهو مايحبه راجعي نفسج قبل لا تاخذ هالبنت مكان من حياة زوجج
واذا تبين المزيد دوري على مواضيع الاستاذة ناعمة الهاشمي واقريهابس لاتقولين خل الموضوع يولي دام زوجي مو مهتم لا والف لا صدقيني بنات ابليس وايد حتى الزين يخربونه خلج ورا زوجج واهتمي فيه بكل الطرق
واتمنى فهمتي شنو ابي اوصله لج بالضبط
مع تحياتي
احب ريلي

احسن شي الصراحة بين الازواج

Miss Chic;8789683:
عزيزتي

هدي بالج لو في شي مارد قدامج
والمفروض تقولين له وقتها ان الموقف ضااايقج

وانت انسان متزوج ولك وقتك الخاص
ومن تكون عشان تتصل وتمزح هالمزحه السخيفه ؟

وخل يكلم الموظفه ويفهمها الاتصالات خارج الدوام ماتكون الا للضروره

(y)

نفس الكلام اللي كنت بقولهـ بالضبط ،،

لاتخلين الشيطان يوسوس لج ويخرب مابينكم اعوذ بالله من الشيطان الرجيم
لو في شي جان عمل احتياطاته
حط التلفون على السايلنت
يسجل اسمها باسم ولد
او مايرد عليها جدامج على الاقل
لاتخافين بس هذي وحده سخيفه
وقليلة ادب الله يكافيه شرهم اللهم امين



دمتم سالمين
اختكم شريفة