:wink:مرحبا يا أحلى عرايس:1_8:...مثل ماقريتو في العنوان بعرض لكم اليوم جميع محتويات شنطتي بالتفصيل, مع إسم الماركات, والمكياج المفضل عندي...
والصراحه السبب الرئيسي هو لأني إستلمت شنطتي الجديده البارحه:21_207:, وبديت أرتب الأغراض فيهم, فعشان خاطر عيونكم صورت لكم كل الميك آب إلي عندي...وخبروني شو رايكم..:smile:
والصراحه السبب الرئيسي هو لأني إستلمت شنطتي الجديده البارحه:21_207:, وبديت أرتب الأغراض فيهم, فعشان خاطر عيونكم صورت لكم كل الميك آب إلي عندي...وخبروني شو رايكم..:smile:
هذي هي صورة الشنطة اليديده, طلبتها من إحدى المنتديات والحمد الله طلع حجمها مناسب واااايد, عشاني ما بغيتها تكون كبيره, مغطاه بالستيل من الخارج, لها مفاتح للقفل و مقبض من الستيل, وسهلة الحمل.
وهذي صورة الشنطة من الداخل, مثل ما تشوفون إنها مغطاه بالمخمل الأسود و بها أرفف كثيره, بحيث تخصصين لكل مجموعه رف مثل ما سويت.
شوفو هذي هي صورة شنطتي القديمة:21_186:..مثل ما يقول المثل(باب النجار مخلع):21_133:, مثل ماتشوفون كيف الأغراض مكركبه داخل, وكل ماأعدلها تخترب لأنها عباره عن شنطه صغيره.. خفيفه و لاتحتويه على أقسام أو أرفف.
[glow="CC3399"]
يالله نبدأ بمكياج مهااااااااااااااري
[/glow]
قبل مانبدأ, هذي هي فرش مهااااري, طبعاً الفرش لها دور في جمال المكياج إلي تحطينه, لأنه في الكبير و الصغير و المحَدد, و بخصوص فرشي أول 4 فرش على اليمين من MAC, وحده للبلشر, ولي بعده لتنظيف البودره السائبه, وبعدين فرشه لتوزيع الآي شدو, والأخيره للتحديد..الفرشاه الصغيره هي فرشاة رسم الحواجب من Make up for ever و الأخيره لتعديل الحواجب..وطبعاً ما ننسى البرايه...هي من MAC بعد:wink:
أولاً نبدأ بالأساس, الأنواع إلي أستخدمها حالياً هي البودره المضغوطه من Clinique, وهي جيده جداً و تخفي العيون, والنوع الثاني هو الكيك فاونديشن من Ben nye, وأستخدمه بالماي, و الفاونديشن المفضل عندي هو من ماركة shesado, بس هالمره حبيت أغير.
هذا هو الكونسير, الأول على اليمين من Nivia, والثاني والمفضل عندي من ماااااااااااااك.
مثل ماتشوفون في الصوره هذا هو البلشر المفضل عندي من MAC, اللون الروز و البني الفاتح المائل إلي البطيخي, والصراحه من أول ماتزوجت ابد ماغيرت ماركة البلشر, ووايد طبيعي و جميل..
والحين بننتقل للأرواج, الروج المفضل عندي هو الأول على اليمين, ودوووووم أحطه, لونه وردي على بطيخي, طبيعي و مااااات, والي بعده هم الإثنين من MAC لون وردي و بيج...
وآخر إثنين إلي تحت للدلع:wink:اللأول هو مكس فوشي غامج و فاتح , و الثاني مكس فوشي ووردي فاتح.
هذا نوع ثاني من الأرواج إلي أستخدمهم من Make up for ever, أحلى لون عندي الوردي إلي في الوسط.
نجي للآي شدو الحر من عشقي و حبي MAC, الصراحه أحس إن المبتدآت أسهل لهم يستخدمون هذه الماركه, لأن ألوانها ثابته و قويه و بها لمعه رهييييبه على العين, و على الموضه...
واللون المفضل عندي هو اللون التركوازي و البنفسجي الغامج, لأنه جميل جداً على العين وصاااارخ للمناسبات..
هذي بلته من 3 ألوان الذهبي و التركوازي و اللحمي, من Make up for life, ألوانها أيضاً جميله جداً و بها إضائه مميزه, واللون المفضل عندي هو اللحمي,إلي على اليسار.
هذا الآي شدو أيضاً من Make up for life بس مع لمعه , يتكون من ثلاثة ألوان(الوردي الفاااتح و البني و الفوشي), و واااااااااااااايد روعه و خصوصاً الفوشي, وهذا إلي إستخدمته في موضوعي(خلي ليلة أبو الشباب فوشيه)...:21_209:
والبني إستخدمته في موضوعي ال(Tiger LOoOoOk)..وأيضاً هو رائع بس غامج شوي...
نجي للآي شدو المائي, هذا الآي شدو ماركة Ben nye , وما أستغنى عنها في الأعراس و المناسبات, أول شي أحط من المائي بعدي أحط بالآي شدو الحر, وساعات بس أكتفي بالمائي...واللون المفضل عندي هو الأحمر المائل للوردي بالصفه إلي تحت.
نجي للجلتر الDaiamond من Make up for ever, الصراحه أنا ماأستغنى عنه في كل مناسباتي...بعد ما أخلص وضع الآي شدو أرش شوي من مثبت المكياج من MAC و أحط هذا الجلتر, الصراحه يعطيج لوك مميز, الحلو فيه إنه مثل البودره و حباته صغيره عشان مايكون أوووفر.
بخصوص الأقلام إلي عندي, أولا شي نبدأ بالجحال...من اليمين...الأول أسود ماركة مكياجي, روووووعه و المفضل لدي, وبعده أقلام Smailing اللون الأسود و الأزرق و الأبيض لداخل العيون, وعن المحددات, آخر ثلاث ألوان شريتهم من السوق, والصراحه اللون الوردي إلي تشوفونه المفضل لدي, وطبيعي جداً.
يينا حق الماسكرا و الآي لاينر, أول ماسكرا على اليمين هو من Lancom, لون أسود و مقوس ليلائم تدويرة الرموش, والي بعده ماسكرا لون أزرق كحلي جميل جداً شريته من السوق, ونجي للآي لاينر..الأول باللون الأسود من السوق أيضاً و إلي بعده الآيلاينر القلم باللون الأسود من ماركة Dior, أكثر من رااائع و سهل الإستخدم..وآخر إثنين الآي لاينر باللون التركوازي و الذهبي, أيضاً جميييل جداً على العيون..
وهذا هو آي لاينر كحلي من Make up for life, يستخدمونه بالفرشاه, الصراحه أنا ما إستخدمته ولا مره بس أحس إنه زين للسموكي.
[glow="CC3399"]
الترتيب في الشنطه الجديده
[/glow]
والحين رتبت الأغراض كلها في الشنطه اليديده مثل ماتشوفون..وبراويكم كيف التقسيم...
الرفوف إلي على اليمين, أول رف جميع الفرش+البرايه, ثاني صف الأساس, ثالث صف البلشر و ملحقاته, مثل كريم البرونز و لمعة الجسم..
الرفوف إلي على اليسار: أول رف حطيت جميع الأقلام, وثاني رف الماسكارا + الآي لاينر و ملون الحواجب من Make up for ever نسيت أذكره لكم سابقاً, ثالث رف الأرواج و القلوسات, وللعلم أنا نادرا ما أحط قلوس, عشان جي ماذكرته.
ونجي لسر المهنه, هذا هو كتيب من الكتيبات إلي أخذتهم من الكوافير, وفيهم صور روووووووعه لمكياج العيون و الرسمات الجديده, فأشوف الكتيب و أقلد صورهم.
هذا هو شكل الشنطه بعد ما صكيت الأرفف.
ووصلنا للنهايه...خلاص حطينا المكياج و رتبناهم في الشنطه, ويبنا المفتاح و قفلناه عشان ولدي فديته مايلعب في المكياج...
وقبل ماأنهي الموضوع هذه هي بعض الأشياء إلي ماقدرت أصفهم في الشنطه, عشان يحتاح إني أوقفهم, فحطيهم في شنطتي القديمه, وهذه الأشياء هي: منظف المكياج من بودي شوب+قطن التنظيف, والكريم المرطب من جونسون, ومزيل طلاء الأظافر و أخيراً مثبت المكياج البخاخ من ماااااك.
أتمنى إنكم إستمتعتوا معايه في عرض مكياجي و أفضل الأنواع إلي أستخدمتهم, ولاتنسوني بردودكم الحلوه و التقييم...والسموحه طولت عليكم:888345:
