كل وحدة فحصت بالسونار تدخل

ا

العولمة

عروس مبدعة

11-02-2009 | 07:27 AM

بنات امس كان عندي موعد عند الدكتورة فقلت لها دكتورة شو نوع جنيني انا بالاسبوع 18 سكتت شوي وقلت لها عادي زوجي يبى بنوته وانا ابي ولد قالت انتي في بطنج بنت بس هل ممكن السونار يغلط يابنات ومنو فيكم قالت لها الدكتورة انتي في بطنج بنت او ولد وطلع كلامها غلط لان لما اخذت منها صورة الجنين بالسونار احس العضو شوي بارز يعني مثل عضو الولد بنات منو فيكم غلطت معها الدكتورة وفي اي شهر كنتي الرجاء خواتي ريحوني شوي .

ا

اغتراب

عروس ذهبية

11-02-2009 | 08:40 AM

يغلط السونار كثير وياما ناس الا ماجتهم الولاده وهم يحسبونه العكس

وساعة الولاده تكون المفاجأه

بس اهم شي الواحد يدعي بالذريه السليمه سواء بنت والا ولد والله يخليهم لنا يارب

ا

العولمة

عروس مبدعة

11-02-2009 | 08:44 AM

انزين لو حطيت صورة هني في حد ممكن يعرف لي نوع الجنين

ز

زوجة الاصيل

عروس مبدعة

11-02-2009 | 08:46 AM

عادي حبيبتي تصير اخطاء كثيره
وبعدين البنت يكون العضو عندها فيه انتفاخ بسيط وبارز حتى إذا انولدت بتلاحظين والله يرزقك باللي تتمنين

ا

ام رصيص

عروس متألقة

11-02-2009 | 09:00 AM

بالنسبه لي في حملي الثاني قالت الدكتوره انه بنت ولما ولدت طلع ولد
اهم شي يطلع بصحه وعافيه

U

UM ALWALEED

عروس متألقة

11-02-2009 | 09:01 AM

انا سألت لما كنت في التاسع يعني تقريبا قبل اسبوعين من الولادة وقالت لي ولد وطلع ولد :)

بس هالمرة ليلحين ما اعرف عندي موعد بداية شهر 3 ما ادري بيبين ولا لا

ن

نياغرا

عروس فضية

11-02-2009 | 10:16 AM

انا زيك بالاسبوع 18 قالت لي بنت
والحين انا بالشهر السابع وبعد قالت لي بنت
وكانت متأكدة
والعلم عند الله
بس في اخطاء تصير واااجد
مثل وحدة اعرفها قالوا لها بنت 3 مرات
وجابت ولد

م

مـاريــا

عروس مبدعة

11-02-2009 | 11:15 AM

اذا كان الجهاز رباعي الابعاد كثير يصدق ...لكن الاجهزه الثانيه مو وايد دقيقه...اختي قالولها ولد في الشهر الرابع ولما صارت في الشهر الخامس قالولها بنت وبالفعل كانت بنت...

ب

بقايا فجر

عروس ماسية

11-02-2009 | 11:17 AM

العولمة;8776997:
انزين لو حطيت صورة هني في حد ممكن يعرف لي نوع الجنين

اختي مب زين يورون احد صور السونار ..احسن عن الحسد !! الله يجيرنا :ss:

ت

ترنيمة شاعر

عروس مشرقة

11-02-2009 | 11:29 AM

اني ابرز مثال الدكتورة خبرتني في الشهر الرابع عن جنس المولود ورحت اشتريت الثياب في الشهر الثامن رحت لدكتورة ثانية حق تصوير رباعي فتفاجئت ان جنس المولود غير وبعدها رحت بعد لدكتورة واكدت على اللي قالته الدكتورة الثانية

يالله الحمد لله اهم شي الصحة والسلامة

أ

أحلى ملح

عروس رائعة

11-02-2009 | 11:41 AM

انا لمن كنت بالرابع قالتلي الدكتورة احتمال ولد 60%
لان كان في شي مثل العضو

بس بالخامس قالت لا بنت 100%

!

! أنــثــى !

عروس ماسية

11-02-2009 | 12:11 PM

الغلط وارد ..

انتظري لين الشهر ال 20 اسبوع و ارجعي سويه ، على اساس انه الدكتورة لما رحت لها قالت أضمن شي اسبوع 20 !

و بالنهاية يعتمد على شطارة الدكتورة !

s

sha3oola

عروس برونزية

11-02-2009 | 12:20 PM

سويه عالسادس اوا خر الخامس وانششالله يكون واضح للدكتوره

او اذا تبين ترتاحين سوي الفور دي(الاشعه الرباعيه) هذي مافيها غلط

ب

بنية زينة

عروس متألقة

11-02-2009 | 12:32 PM

انا سويت الاشعة بالاسبوع 17 وقالت لي ولد وكانت كأنها متأكدة ،، وقلت بعد للاحتياط بعيد السونار في الاسبوع 20 وكل شي من الله خير في الاخر بسوي الوان محايدة عشان ما انصدم ..

!

! أنــثــى !

عروس ماسية

11-02-2009 | 12:36 PM

بنية زينة .. كأنك سويتيه عند فهيمة المطوع ؟

هذي شاطرة و ما تقول الجنس الا اذا تاكدت منه !

و لما يكون البيبي مو مبين ما تألف من عندها مثل الباقي !