لحقووني ابي نصيحة وتخفيف عني

بحر الاحلام 09-02-2009 30 رد 1,457 مشاهدة
ب
كيف حالكم عرايس..
انا كتبت قصتي من قبل ان في شاب يحبني وهومتزوج وعنده ولدين وعلى اساس انه بينه وبين زوجته مشاكل وواصلين للطلاق انا في البداية رفضت بس بعدها رضيت وتفهمت ظروفه ..
لكن يا صبايا صدمني اليوم بالخبر انه زوجته حااامل بالشهر الرابع وخاف يصارحني من البداية ويصدمني ويخسرني ويقول انه تفاجا بهالخبر الي ماكان مخطط له وغير جدي انه يقول هالمولود مابياخر ولابيقدم مثلما كنت بترك الولدين الاوليين بتركها حتى مع وجود الطفل الجديد:sad: لاني مومرتاح
لما بينت له استيائي ورفضي للموضوع وقلت له كلشي بينا انتهى .. قالي شالفرق ولدين او ثلاثة
فبغيت اعرف الحين شنو اسوي وشرايكم بالموضووع قلبي معورني عقب ماتعلقت فيه يصير جذي
.
بحر الأحلام والله ما ادري وش اقول لك
بس المفروض من اول ما عرفتي ان هو متزوج تركتيه سواء عنده اولاد او لا
يعني بصراحه 95 بالميه من الخطأ عليك انتي ....
الحل بيدك انتي اتركيه لو مهما صار يمكن اذا تركتيه يتفرغ قلبه لزوجته واولاده ويتحسف يتركهم
هو الآن لاقي اللي يملى فراغ قلبه بالكلام والنصايح بس اذا تركتيه راح يضطر يراجع نفسه ويفكر بزوجته وأولاده ....
مهما كان ... ومهما سوا لك ... ومهما قال لك ..... بيبقون هذولا زوجته وعياله قطعه منه وما راح يستغني عنهم حتى لو طلقها .....
انتي فكري وقرري وش بتسوين ....
ارجو ان اكون افدتك لو بشئ بسيط ....
ب
مشكورة ام علي بس مابي ينفهم الموضوع غلط
هو كلمني على اساس انهم منفصلين معنويا يعني بس في ظروف معينة ماحب اذكرها هي الي كانت معطلة موضوع الانفصال يعني سبب الانفصال مالي علاقة فيه هو ماعرفني الا عقب ماتخذ القرار
.
حتى لو كان يا اختي ما عرفك الا بعد القرار
طيب انتي خوذي اجرهم وحاولي تنصحيه عن الطلاق
قولي له فكر بأولادك وش راح يصير فيهم وزوجته وش راح تكون حالتها اذا شافت اولادها بعيدين عن أبوهم
هم وش ذنبهم يتحملون مشاكل امهم وأبوهم ....
يعني بطريقتك حاولي تصلحين بينهم وبنفس الوقت تنسحبين ....
ب
شوفي يا اختي انا حاولت اصلح بينهم فترة طوييييييييييلة وهو حاول واايد بس زوجته هي الي رافضته وعرفت من ناس كثيرين ان تعاملها موزين معاه ولا مع اهله وناس يعرفوها قالو انها ماتحبه بس تبي تحافظ على شكلها بالمجتمع بانها تبقى على ذمته فقطط
ت
اول شي السلام عليكم
ثاني شي
انا بقول رايي بصراحه ولك حق ما تاخذين فيه<لان مو من عادتي ارد على هيك مواضيع ^^"
لو ان غرضه من قبل انه يبي يطلق كان طلقها وافترق عنها
هذا دليل انه لعب مو ناوي زواج

واذا فعلا ما يبي زوجته كان ما يعاشرها ويخليها تحمل مره ثالثه مع انه قايل لج انه بيطلقها

والافضل ياغلاتي تتركينه فمن ترك شيء لله عوضه الله بافضل منه
فكري بالاولاد وضياعهم والطفل البريء اللي امه حامل فيه لما يطلع على الدنيا شنو بيصير بهذيل الصغار بعد الطلاق وين بيعيشون غير انهم بيتشتتون وكل صغير بيكبر فاقد لاحساس معنى الاسره وامانها ومعنى الاب والام
وكمان لو تزوجتيه ماتلاحظين انه قاعد يخون زوجته ؟ كيف يحب وحده ثانيه من بعد ماجابو اطفال
كيف يكون له قلب يخون زوجته ويوهمك بحبه لك؟

بقولج شي لاحظته بكلامك وهو انك تبغينه ومتعلقه فيه بس الحيره ذابحتك وخايفه تتزوجينه بعدين تندمين وطرحك لمشكلتك دليل انك راضيه بالزواج منه لكن تبغين تتاكدين من رايك هل هو صحيح او خطأ

نصيحتي لج باختصار >>اتركيه ومثل ماقلت لك سابقا من ترك شي لله عوضه الله بافضل منه سبحانه
وكمان صلي صلاة الاستخاره

اسأل الله لك زوال همك وجلائه


اتمنى اكون افدتك ولو بشي قليل

موفقه خير غلاتي
ا
حلم الطفوله كلامك مره حلو وانا كنت بقول مثله يا اختي بحر الاحلام كلام اختنا حلم الطفوله صحيح مئه بالمئه واتمنى انج تراجعين نفسج وتفكرين في الموضوع لان فعلا لو ما يبيها بينفصلون ليش خلاها تحمل بالثالث هذا الشخص ما ينوثق فيه وسامحيني يا اختي
ب
المشكلة ان يقول الحمل ماكان مقصووووود شسوي ياربي تحيرت
م
المفروض لما يكون فاضي ليكى لوحدك تاخديه انما هو متزوج وواحده تانيه تشاركك فيه
ازااااااااى
ل
حبيبتي انا اقول لج اتركيه .. تخيلي حياتج مع واحد متزوج ..
وفي نفس الوقت لو طلق انتي بتحملين اثم هالشي
ابعدي عن الشبهات والمصايب والدعاوي وارحمي حالج
وعيشي حياتج ويا واحد راسج براسه وتعيشون بروحكم
ومافي حد يشاركج زوجج
ص
اهلين حبيبتي اسفه اذا بقولك شي بس اصلا من البدايه مفروض ماكلمتيه حرام وثاني شي هو انسان متزوج ومتأهل ليش تخربين حياته هو وعائلته ترضين انتي زوجك يخونك اكييد لأ ولو بينهم مشاكل وهو مايبيهاا كاان مااعااشرهاا وصارت حامل ويقولك مأدري كيف صار ليش هالاستغفال لا حبيبتي بعدي عنه لانه متعلق بعياله وزوجته ولاكان مو عايش معاهم اللحين وبيصير اب للمره الثالثه وهذي نصيحتي وانتي عاد بكيفك لأنك قلتي انصحووني
تقبلي مروري ونصيحتي بأماان الله
ه
انتي تقولين هو يقول مو مقصوود ..؟

يعني هو يعآشرهااا كيف اجل منفصلين معنوياً

عزيزتي بآين انك حنونه ومليآنه رومانسيه

وتستاهلين واحد لك انتي بس

واحد يكون يقدرك ماله زوجه واولاد

صدقيني الزوآج مو لعبه فكري بعقلك مو بقلبك

هذا انا حبيت قبل الزواج واحد لدرجه انه خطبني وبعدها

انفصلنا قبل مانتزوج

والحين متزوجه واحد ثاني تزوجته بعقل وبعد الزوآج جا الحب

واليووم آحمد ربي مليوون مره اني اخذت اللي اختاره عقلي مو قلبي


اتمنى لك التوفيــق

ر
السلام عليكم ..

انا رايي تنسحبين من حياته بدون ماتقولين له شى اختفي مره وحده ..الريال متزوج ويقول منفصل مع زوجته وفجاه يقول حامل ويقول فيه ضروف معرقله الانفصال وغيره من كلامه وحركاته ..جالس يتسلا عندج مب اكثر يحبج وعاجبتنه على اساس ماليه عليه وقت فراغه مب اكثر ...خلي الريال في حاله وانشاءالله يرجع لعقله ويصلح غلتطه مع زوجته وانتي ربي بيجزيك خير وبيعوضك رجال احسن منه ويكون لك لحالك انشاء لله ..
ق
وحتى اذا احملت بالرابع والخامس والسادس بعد مابيتركها

وبيتعلق اكثر فيها لانه اللي بيربطه العياال وبتشوفيين

ولايقص على رووحه يقول بترك العياال مستحييييييييل

كل ساعه بيقول لج عذر وبيعلقج معااه وانتي معاهم معاهم عليهم عليهم

اتركيه لهله يابنت النااس والله يرزقج بالزوج الصالح والحب الطاهر اللي ايي بعدين
ن
متحرميش الاطفال من ابوهم وامهم
ابعدى عنه
تخيلى نفسك فى مكان زوجته او حتى اطفاله
&




نصيحـــــــــه ابتعــدي عنه ،،
وادعـي ربك يعووضك باللـي احســـــن منه ،،
وقبل كل شـئ استخيـــري ..




د
بحر الاحلام;8754467:
كيف حالكم عرايس..
انا كتبت قصتي من قبل ان في شاب يحبني وهومتزوج وعنده ولدين وعلى اساس انه بينه وبين زوجته مشاكل وواصلين للطلاق انا في البداية رفضت بس بعدها رضيت وتفهمت ظروفه ..
لكن يا صبايا صدمني اليوم بالخبر انه زوجته حااامل بالشهر الرابع وخاف يصارحني من البداية ويصدمني ويخسرني ويقول انه تفاجا بهالخبر الي ماكان مخطط له وغير جدي انه يقول هالمولود مابياخر ولابيقدم مثلما كنت بترك الولدين الاوليين بتركها حتى مع وجود الطفل الجديد:sad: لاني مومرتاح
لما بينت له استيائي ورفضي للموضوع وقلت له كلشي بينا انتهى .. قالي شالفرق ولدين او ثلاثة
فبغيت اعرف الحين شنو اسوي وشرايكم بالموضووع قلبي معورني عقب ماتعلقت فيه يصير جذي

شنو الفرق بين ولدين او ثلاثه
شنو الفرق انه يكذب بعدد اولاده وفلذات كبده
شنو الفرق بين انه يبيع لحمه ودمه ويشتريك انتي الغريبه
شنو الفرق يستخدمك ككرت علشان يقهر زوجته بفترة خلافهم
شنو الفرق انك تطلعي الخسرانه الوحيده في لعبه فاشله بطلها الوحيد هالانسان السخيف
لا تزعلي مني ولكن اصحي يا حبيبتي الزمن تطور وحنا البنات عقولنا تفتحت
وينك عن قصص غيرك اتعضي منها
من يكذب مره يكذب الف الف مره ومن باع لحمه باع لحم غيره بأرخص ثمن
ياغاليتي انتبهي على نفسك واغليها والله يلعن الحب الي يضيع عمر انسانه
باوهام وسلسله من الاكاذيب.
البنت ليه تتزوج؟
علشان ترتاح وتبني اسره بجو هادي ونظيف وخالي من المشاحنات
وانتي تبين تبدين حياتك على ركام بيت ثاني ما تعرفين فيه من المظلوم ومن الظالم
ابتعددددددددددي عنه ولو كان اخر رجل بهذه الدنيا ولقنيه درس بمعرفتك
يخليه يتوب ويرجع لبيته وزوجته واولاده وعسى الله يجزيك كل الخير على هذا التصرف.
وترى اقولك هالكلام من تجارب كبيره مرت علي ودوم الضحيه الوحيده الزوجه الثانيه
لان بعد ما يتزوج ويحرق قلب زوجته يرجعون يتصالحون وتطلع الغريبه برا البيت وهي الزوجه الثانيه لانها مجرد كره لعب فيها الزوج لاغاظة زوجته الاولى.
انتبهي على نفسك وحبيها وكرميها يا اختي والله يعوضك خير
تحياتي
ع
كيف يا أختي الحمل غير مقصود؟؟ يعني سووا تلقيح صناعي ولا اطفال انابيب.. الله يصلحك يا اختي.. مادام لا زال يعاشرها يعني يبقى فيه امل لانصلاح الحال.. اسحبي نفسك من الموضوع.. انتي تستاهلين احسن من كذا.. ولو يبي يطلقها كان من زمان.. لو في شمس كان بانت امس.. ونصيحه لك يا أختي مافي شي يبدى غلط وينتهي صح.. اللي يبدا غلط ينتهي غلط.. وتكوينك علاقه مع شخص لا يزال متزوج غلط.. توبي لله ونصيبك راح يجيك لا عنك باب بيتك.. تقبلي مروري..
و
اولا تخيلي نفسك مكانها

انا اتنرفز من الي تجي تقول احب واحد متزوج وعنده عيال

حرااااااااااام عليك تفرقين بينهم

تذكري ان الدنيا دواره وكما تدين تدان

واهوا لو ما يبغى زوجته كان من زمان طلقها
اصحــــــــــــــــي يا ماما


وتاكدي ان الرجال ما ياخذ وحده تكلمه بالتليفون لو مافي في الدنيا غيرها

اتقي الله واذا لك نصيب بيجيك لحدك واتركي خراب البيوت

لا تزعلي مني انا متزوجه واحس بنفس احساسها
وانت طلبتي النصيحه
وهذا الي عندي
$
الله يعوضج بأحسن منه ان تركتيه ..
الحب يداوه مع الايام ..
صدقنيني تقدرين تخلينه.. شلج بعوار الرآس وأنتي تقدرين تتخلصين منه!!
الحيآآه حلوه ..طنش تعش تنتعش ..
واخرتها بتنتعشيين ..أحم أحم
X