السلام عليكم شخباركم شو مسوين أااااه احس انه من زمان ما نزلت موضوع يديد المهم ما بطول عليكم....... السالفه و ما فيها انه الأسبوع اللي طاف سرت أنا و ريلي و عيالي اللي صارو معروفين في المنتدى لمدينة العين
اول شي تعالو بسولف الكم عن العين شوي .........
طبعا مدينة العين أحدى أجمل المدن الموجوده في دولة الامارات العربية المتحده ....طبعا العين تابعه لأمارة أبوظبي العاصمه.... يقولون و الله أعلم انه سموها بهذا الأسم لكثرة العيون الحاره و انا عن نفسي أعرف ثنتين من ها العيون الأولى مبزره و الثانيه العين الفايضه.......طبعا اللي يعرف معلومات اكثر عن العين يصلحلي رجائا.....
العين معروفه اكثر شي بجبل حفيت........و يعد هذا الجبل من اكبر الجبال في الدوله .....ويمتاز انه معلم سياحي و طبيعي و الكل من دولة الامارات يحب يزور هذا الجبل.......و السبب الرئيسي هو الشارع الممتد من اول الجبل إالى قمته "يا سالااااااااام".......
شوفو هذا الشارع في النهار
و هذا في الليل :روعه:
لا تخافون هذا مب ثعبان خخخخخخخخخخ هذا الشارع من فوق
و انتو نازلين من الجبل بتشوفون شارع و فيه لوحه ترشد على منطقة مبزره الخضراء هذا المكان وايد روعه ساحر و كل شي فيه اخضر....طبعا المغفور له الشيخ زايد الله يرحمه يارب هو اللي وصى انه تنزرع المنطقه كله بالعشب....يعني اللي بيسير هناك ما بيفرق انه العشب مزروع او لأ...طبعا في مبزره الخضراء عيون حاره......و مرتبينها عدل بحيث الماي الحار يمر في ممرات على طول المنتزه
[GRADE="FF4500 4B0082 0000FF 000000 F4A460"][COLOR=darkorchid][FONT=Tahoma][COLOR=black][FONT=Tahoma]يا العين يا اللي حبج سكن في القلب و العين خليتي قليبي هايم فيج وينج عني وين[/GRADE][/FONT][/COLOR][/FONT][/COLOR]
هذي معلومات بسيطه عن العين ...طبعا العين فيها اماكن وايد مثل حديقة العاب الهيلي و المتحف و نادي العين الرياضي.... بس انا هذي المره ماسرت كل مكان في العين
و الحين تعالو معاي في رحلتي.....
اولا شنطتي انا و عيالي بس نمنا في العين ليله وحده و كانت من أجمل الليالي
وصلنا العين على الضهر و كنا جوعانين على الآخر و زوجي ما فيه صبر انا كنت ابغي اتغدى في مطعم شعبي بس هو اول ما شاف مطعم البيتزا هت وقف السياره و قال بنتغدى هني"مسكين ما كان فاطر"خخخخ
طلبنا لازانيا و بيتزا الدجاج المحشوه اطرافها بالجبن يم يمي و سلطه
طبعا شنطتي لازم تتطلع في الصور خخخخخخ
هذا حمد كان كله زعلان و ما رضى ياكل شي "فديت دلوع ماماته"
و عقب سرنا لحديقة الحيوان بصراحه واو من عقب التعديلات صارت الحديقه روعه....على فكره حديقة العين اكبر حديقة حيوانات في الوطن العربي من حيث المساحه.....و معظم حيواناتها مش في أقفاص مسوين للحيوانات بيئه تحاكي البيئه الطبيعيه
هذا اول ما تدخلون الواجهه بتشوفون هذا المنظر الحلو
هذا البفك اشتريته من السوبر ماركت اللي في الحديقه لحمد لأنه ما تغدى.....و بعد فيه مطعم للوجبات السريعه و محل ايس كريم يم يمي
اكثر شي في الحديقه الغزلان و حيوان الظبي اللي إمارة أبوظبي مسمينها على اسمه لكثرة حيوان الظبي فيها بس الحين اكثر شي بتشوفون هذا الحيوان في الحديقه و في المحميات الطبيعيه
[COLOR=darkorchid]من الحيوانات اللي شدة انتباهي هذا الحيوان الله يسلمكم هذا الماعز النوبي شوفو ما شاء الله كيف قرونه كبيره[/COLOR]
[COLOR=darkorchid]
[/COLOR][COLOR=darkorchid][/COLOR]
[COLOR=darkorchid]من عقب بتشوفون هذا الحيوان اسمه ابن عرس بس هو معروف باسم تيمون صديق بومبه اكيد عرفتوه خخخخخخ:D[/COLOR]
[COLOR=darkorchid]انا اول ما شفت تيمون تخبلت كله اقول فديته فديته و زوجي:mad: يطالعني بنظرة غضب اونه فضحته خخخخخخخخخخ[/COLOR]
[COLOR=darkorchid]
[/COLOR][COLOR=darkorchid]و بعد اتخبلت اكثر يوم شفت اصدقائي القرود بصراحه الحديقه مليانه قرود ههههههههههه[/COLOR]
[COLOR=darkorchid]
[/COLOR][COLOR=darkorchid]من بعد ما تخلصون من اقفاص القرود بتشوفون مساحه كبيره جدا في هذي المساحه هناك الزرافات بس سامحوني الصوره مب واضحه وايد لأنه الزرافات كانن بعيد[/COLOR]
[COLOR=darkorchid]
[/COLOR][COLOR=darkorchid]سبحان الله شوفو هذا الطائر الغريب حجمه كبير جدا ما اعرف شو نوعه بس كان يمشي في السيح حذال الحيوانات الكبيره......على فكره هذا مب نسر اللي تعرف تخبرني[/COLOR]
[COLOR=darkorchid]
[/COLOR][COLOR=darkorchid][/COLOR]
وهذا الخرتيت او وحيد القرن بصراحه اول مره اشوفه عن قرب واااايد ضخم سبحان الله
و هذي الغوريلا اول مره ظنينا انها نايمه ابدا ما تتحرك
و فجأه حركت راسهه
و هذيلا الفهود نايمين"من الأكل الدسم اللي متغدينه كسلانين"خخخخخ
و بعد فيه قسم الطيور بس ما صورت كل شي عشان استمتع بمناظرهن الخلابه
بس لفت نظري طائر الطوقان اول مره اشوفه و ما كنت اعرف انه بهذا الحجم
و هذي النعامه"""""""""" انتبهو عن ترفسكم:eek:
تابع ......
