افكار لذيذة لكسر روتين الحياة الزوجية

:21_112:

انا مبسوطة جدااااااااااا ان الموضوع عجبكم و ان شاء الله بكرة انزل لكم فكرة جديدة


:9_28:

بسم الله الرحمن الرحيم

زى ما وعدتكم انا هنزل النهاردة فكرة جديدة ... هى فكرة بسيطة جدااااااااااااا بس تاثيرها بيكون قوى على الزوج و بيتاثر بيها

الفكرة الثانية :

المستلزمات : ورقة كبيرة - عدة اقلام ملونة - مقص عادى و اخر ذات حرف مشرشر - استيكارتات ( الاشياء التى لها اشكال مختلفة و يستخدمها الاطفال فى تزين دفاتر المدرسة )

الفكرة : تجيبى الورقة الكبيرة وتبداى تقصيها اشكال مختلفة ( قلب - مستطيل - مربع - دائرة .... او اى شكل اخر ) و ممكن تلزقى ورقتين فوق بعض و تفتحى اللى فوق كانها بوابة للى تحت .... كل واحدة و خيالها :wink: .... و ممكن تعملى ده باستخدام الورق الصغير ( على حسب المتوفر عندك ) و يفضل ان الاشكال متكونش كبيرة قوى يعنى وسط

و تكتبى فى كل ورقة كلمه للزوج تعبر عن اللى جواكى ( بحبك :15:... ربنا ما يحرمنى منك ... بموت فى عيونك ....... الخ ) و طبعا كل مرة تكتبى بلون شكل و تزوقى الورقة

تعلقى الورق فى مكان خاص ببيكى و بزوجك ( طبعا علشان محدش يقراه :o ) و تعلقيه باستخدام الاستيكارات .... يعنى ممكن جنب السرير علشان كمان الزوج يقراه بسهولة و تعلقيه باى شكل انتى عوزاه

و تخلى الانارة عادية علشان الزوج ميشكش فى حاجة و تشوفى اذا كان قوى الملاحظة وو لا لا ..... :think:

انا عارفة ان فى اخوات هيقولوا انها شبه الفكرة الاولى ... هى فعلا شبها بس الفرق فى الاسلوب
و لو حتى اى واحدة عملتها و عملت الفكرة الاولى بعدها و لا قبلها بيوم الزوج هيفرح جدااااااااااااا لانه هيحس ان زوجته بتحبه جداااا و بتستخدم كل اسلوب ممكن علشان تعبر عن حبها ليه ....

يالا انا فى انتظار ارائكم و اقتراحاتكم ...

ازيكم يا احلى بنات و احلى عرايس

وحشتونى ... وحشتونى جدااااااااا

فينك يا اسمى نفسى ... فى انتظار افكارك ان شاء الله

انا هقولكم النهاردة الفكرة الثالثة ان شاء الله و يا رب تعجبكم لان الفكرة الثانية شكلها معجبتكمش :(

مستلزمات الفكرة : علبة هدايا (g) - صورة من عقد الزواج - ورد مجفف - شموع - ورق A4 - اقلام - شريط هدايا - كروت هدايا - صورة للزوج

الفكرة : 1 - تزينى علبة الهدايا من الداخل و تلفى صورة عقد الجواز بشريط الهدايا و تحطيها فى العلبة و تحطى جنبها صوزة زوجك و ممكن تحطى الصورة فى برواز و ممكن تحطى مع عقد الجواز هدية بسيطة لو تحبى

2 - ترسمى بالورد المجفف قلب على ارضية اى غرفة و تحطى فى وسط القلب علبة الهدايا و تزينى حوالين القلب بالشموع

3 - تكتبى كارت لزوجك و تحطيه على علبة الهدايا و تكتبى فى الكارت زوجى الحبيب الهدية دى جت لى من شخص بحبه و هى هدية غالية قوى و بصراحة انت متقدرش تجيب لى زيها لانها غالية عليك قوى (6) ( طبعا مع الجو اللى انتى عملاه هيتجنن علشان يشوف اه اللى جوا العلبة :B_wink: )

4 - ترسمى على الورق اسهم كبيرة و توزعيها من اول باب الشقة لحد الغرفة اللى فيها العلبة و ممكن تحطى فى وسط الاسهم ورقة مكتوب عليها اى كلمة حلوة لزوجك لو تحبى او ممكن تغلبيه شوية على ما يوصل للعلبة ... زى ما تحبى .. و تحطى ورقة عند بداية الاسهم مكتوب فيها تتبع الاسهم لو سمحت

5 - تزينى الشقة من بداية الاسهم لحد مكان العلبة بالشموع و الورد المجفف و ممكن تزينيه باى حاجة تحبيها

6 - طبعا تتزوقى و تستنى جوزك فى مكان اخر غير اللى فيه العلبة .. بحيث انه يشوفك بعد ما يشوف العلبة


ممكن الفكرة دى تغيرى فيها زى ما انتى عاوزة ... يعنى ممكن متجهزيش اى حاجة من دى و تجيبى العلبة فى شنطة هدايا حلوة و تديها للزوج طبعا مع ذكر الجملة السابقة و ممكن تعمليها فى يوم يكون موافق ذكرة حلوة ليكم .. يعنى كل واحدة على حسب ما تحب

اتمنى ان الفكرة تكون عجبتكم و فى انتظار ارائكم

اختى الحبيبة [EMAIL="moonf@ce"]moonf@ce[/EMAIL] اشكرك على رائيك

و بالنسبة للى زيك ( زى ما بتقولى :D ) ... بصراحة ان فى ايام خطوبتى اشتغلت حاجة بايدى و كتبت عليها اسم خطيبى و اديتها له فى يوم ميلاده و عجبته جدااااااااا

يعنى لو بتحبى شغل الكانافاه او التريكو او الكروشيه او الرسم على القماش او اى حاجة تانية ممكن تستغلى ده و تعملى له حاجة ... صدقينى هيفرح بيها جدااااا

الحمد لله ان الموضوع عجبكم

و اشكر كل من تفاعل معه

و الله يا اختى العزيزة ... انا ايام الخطوبة فضلت انى معملش اى حاجة يكون فيها رومانسية قوى علشان بصراحة لما فكرت فى الموضوع لقيت ان جمالها بيكون بعد الزواج اكتر من قبل الزواج ... خصوصا ان بعد الزواج هو اصبح زوجك حلالك اما قبل الزواج فهو ما زال رجل غريب عنك :o و لا اه ؟

اما شغل الكروشية و خلافه فهو مفيهوش اى حاجة ... لان انتى عملتى له حاجة بايدك و مفيهاش اى حرمانية و عبرتى عن مشاعرك بطريقة جميلة كمان (a) ... و ممكن لو مش بتعرفى تعملى اى حاجة تانية بس بايدك ... زى برواز او البوم صور او اى حاجة تكونى شاطرة فيها

انا اكتر حاجة عملتها فى فترة الخطوبة كانت التبلوه اللى شغلته باسمه و انى عزمته على الغداء مرة فى البيت و كان الغداء من عمايلى و مرة عزمته برة البيت ... بصراحة اكتر من كده معملتش

يا رب ما تزعليش من كلامى