تعالي بسررررعه وشاركيني بمحتويات شنطتك ..صور

[frame="3 50"]

السلام عليكم ورحمة الله وبركاته


ازيكم يااعضاء احلي منتدي؟؟ان شاء الله الكل بخير


اولا اتوجه بطلب الي المشرفين انا مش عارفه موضوعي كده في مكانه السليم ولا لا فارجو نقله اذا توجب ذلك مع الشكر


ندخل بقي في موضوعنا


انا من كام يوم كنت بتفرج علي فيديوهات اجنبيه لتعليم الميكب علي يوتيوب ووانا بتصفحه اتصادفت مع فيديو منتشر قوي وهو


What is in my bag?


وهو عبارة عن ان كل واحدة تعمل فيديو تبين فيه كل اللي جوا شنظه ايديها من باب الاستفادة والتسلية والفيديوهات عليها نسبة مشاهدة عالية


فقولت ليه منطبقش الموضوع ده في منتدانا الحبيب وبدون اننا نظهر فالفيديو او اي اظهار للعورات لان كلنا عارفين ان النت عالم مفتوح بيدخله اصحاب النفوس الضعيفة


الفكرة ان كل واحدة تدخل تحطلنا كل محتويات شنطة ايديها بالصور وارجو من كل الاعضاء المشاركة لان بجد الموضوع مسلي جدا


وانا حبدأ بنفسي


اول حاجة معايا فالشنطة شنطة صغيورة بشيل فيها منتجات العناية الشخصية بتاعتي وهي


· كريم مرطب صغير للايد Johnson’s moisturizing cream





عشان لو غسلت ايدي فأي مكان برا احط عليها منه علطول عشان تفضل علطول طرية وناعمة وانا من عشاق منتجات جونسون عموما


· Surrender body spray وده من ايفون





· مناديل مبللة للاطفال عشان تنظيف المنطقة الحساسة وانا بنصح بمنتجات ماكس تاتش مش غالية وفعلا حلوه قوي ومنتجات الاطفال خالية تماما من العطور والكحول فمش بتسبب اي سواد


Max touch newborn baby wipes





· مناديل مبللة ومعطرة للأيد وبرضوا ماكس تاتش


Max touch refresh wet wipes





· الهاند جيل وانصحكم بنوع جميل قوي انا اشتريته من مترو سان استيفانو هنا فاليكس وهو بيقضي علي 99% من جراثيم الايد والنوع ده اسمه


Sanitizing hand gel





· ال tissues





· مضمضة صغيرة للفم علشان لو اكلت برا وانا بستعمل نوع بجيبه برضوا من مترو وهو بالصبار


Aloe dent mouth wash





· ودايما معايا فوطة صحية احتياطي عشان لو شرفت فجأة وانا بفضل private عن اولويز عشان هي قطن ومريحة جدا


· معايا اكياس لقاعدة التواليت اكرمكم الله عشان تحفظني من الجراثيم اذا اضطريت استخدم حمام عام


· المراية بتاعتي





· وبشيل معايا دايما بلاستر وبنادول لاني بيجيلي صداع كتير بسبب الجيوب الانفية ودبابيس احتياطي للطرحة ومستيكة كلورتس معطرة للفم بعد الاكل





مش بشيل معايا ميكب علشان مش بستخدمه برا المنزل


كده ده كل اللي فالشنطة الصغيرة برا بقي


الموبايل بتاعي وهو موديله nokia n73 Islamic addition وهو لونه ابيض وانا مش حعرف اصوره لاني بصور بيه معلش انا لا املك كاميرا ديجيتال ودي صورته





وبحطه في الباج دي عشان تحفظه من اي احتكاك





محفظتي وهي عليها هالو كيتي انا بحبها قوي





نظارة الشمس بتاعتي وبجد يابنات حافظوا علي لبسها لان المسبب الرئيسي لتجاعيد البشرة حول العين هي اشعة الشمس





ال day planner بتاعي والقلم





نظارة حفظ النظر بتاعتي عشان بضطر اقعد في كليتي قصاد اللاب توب كتير





مفاتيحي ههههههه شفتوا مش سبت حاجه





واخيرا معايا حبة متفرقات وهي الاذكار والمصحف وسماعة الموبايل والبلوتوث بتاع اللاب توب والفلاشة والريدر لاني بحتاجهم لكليتي


ااااااه خلويص هههههههه دي كده كل اشيائي الاساسية اللي بتتنقل معايا من شنطة لشنطة ومش بستغني عن اي حاجة فيها


حبيباتي ارجو منكم المشاركة وتنزيل صور لما بداخل شنط ايديكم


مروركم علي موضوعي اسعدني وشرفني


اترككم في حفظ الباري


:15:sweety:15:

[/frame]