متى تخرج النفاس ؟؟؟

السلام عليكم .. اذا وااايد صديقتج روحيلها البيت او زوريها فغرفتها فالفندق قبل ما يزفونها ..

العين حق .. ولاتكشخين وايد .. حطي شي خفيف كأنج رايحه زياره .. سلمي عليها وشوقيها وهي عروس

لاتدخلين القاعه .. وتغشي .. يادوب من السياره للعروس وعطيها وصاياااج لليلة الدخله :) وعالسريع تيتي تيتي زي ما رحتي .. رجعي .. ولا من شاف ولامن درى ..


شو راييج فالفكره؟؟

لانه وايد ناس انضرو من هاي السوالف .. يقولون كيف مربيه وسايره العرس!!! خصوصا اذا ترتب الجسم وكشختي !!! سمي على عمرج .. واقضي مشوارج سكيتي .. واذا ما رحتي اكيد صديقتج بتعذرج ..

رايي من راي مهاوي

اذا وضعها يسمحلها ليش لا

اذا وضعها الصحيي اوكي تقدر تروح بس ماتطول
يعني شغلة ربع ساعه علشان صديقتها ماتزعل
ولازم تكون صديقتج متفهمه وتعذرج ...

حبيبتي الناس مايعطون خيييييييييييييييير

والعين حق .. احسن شي روحي لها وهي بالبيت قبل زواجها واقعدي عندها بس لاااااااااحد يدري

صح ان الله هو خير الحافظين بس الحرص وااااجب وانا اختك
ومبارك لصديقتج وربي يوفقها ويتمم لها على خير

يمممممممممه بناااااااات خوفتوني انا حامل بالتاسع وبنت اختي بتتزوج بـ تاريخ 10 ربيع اول وانا موعد ولادتي 25 صفر يعيني بكون ماكملت حتى 3 اسابيع من ولادتي طبعا انا للحين ماولدت خخخخ بس ناوويه احضر عشان بنت اختي اكيد مابحب اترك بنتي وهي ماكمل اربعين يوم بس قلت لازم اروح لبنت اختي بس انتو خوفتوني خصوصا ان هذا اول حمل لي يعني بكريه مب من زماان مره معرسه بعد يمكن تتفتح عيون الناس فيني يعني خفت بصراحه لأن حتى امي قالت لي اذا رحتي بتفتحين عيون الناس عليج,,...>>> قالت قصة حياتها خخخخخخخخ افيدوني بناااات اروح ولا لأ

في رأيي اذا قريبة منها تروح العرس بس لاتطول
أختي المميزة عرس بنت أختك أتوقع شئ مهم
ما اعتقد لو اني مكانك راح أفوته
و الله يقومك بالسلامة يا رب

مشكوريييييييييين يعطيكم العافية ........

مدري الافضل ماتروح ..
انا خطوبة بنت عمي .. بيوم ..
وزواج بنت عمتي بيوم ثاني عطلة الربيع بس مضطره اضحي فيهم ومااحضر ..
توي منفس .. والله بيقولون كيف قدرت تحضر ؟؟ :(

راويه
مشكوره عسوله عالرد واهتمامج انا بعد اقول بنت اختي لازم اروح بس البنات خوفوني حتى امي بعد خايفه علىي تقولي مب زين

يابنات اش فيكم خلي ايمانكم بالله قوي صحيح العين حق بس ربنا هو الحافظ انا بقولك لو نفسك تروحين روحي زوريها ربع ساعة وارجعي لانك لسة تعبان من الولادة وعشان لا تتاخرين على طفلك لان اكيد بيحتاجلك وخصوصا لو ترضعينه طبيعي والله معك

مسكينه انا اقرا الردود واقول اني ما تنفست عيل .. تدرون اني كليوم اروح المستشفى حق ولدي بالمرتين.. وبعدها ريلي يغديني او يعشيني بمكان ..

وامس كله اصيح ابي اطلع .. لان بموت من الاكتئااااااااااااااااب في البيت ..

وانا معزومه يوم الخميس حفله بس ما بروح .. لان اقل شي يحسدون ويتكلمون ..

انا صار لي 27 يوم من النفاس..