تصويت:متى أنسب وقت للحمل بالبيبي الثاني؟؟؟

ياهلا وغلا انكساري
انا برايي من عمر البيبي سنتين ونص تفكر الام بالحمل..يعني فرق ال3 سنوات بين الطفل الاول والثاني عندي شي مناسب

في اعتقادي .. أول ما الياهل ينفطم من الرضاعه .. والحفاظ .. يكون الوقت مناسب للبيبي الثاني

عشان الام تقدر توفق في التربيه .. وفي ميزانية الحليب خاصه اذا تعطيه صناعي والحفاظ ..

وكل من وجهه نظره

هلا انكساري شموخ
اول شي عسى ربي يوفقج و تحملين ان شاءالله
شوفي ..
أنا كنت حاطه في راسي انه يكون بين البيبي الاول والثاني على الاقل سنة و نص و فوق !! بس قدر الله وما شاء فعل حملت بالثاني بعد ماكملت بنتي سنة بالضبط والحمدلله :)
ساعات الواحد يحط في راسه خطط وانا راح اسوي و ماراح اسوي بس الامور تجري عكس المراد وكل شي خيره ورزق ان شاءالله من رب العالمين ,,,

شاكرة لج عالموضوع الحلو

موضوع رووووووووووووووووووعه
انا عن نفسي اذا صار عمر البيبي 5سنوات لكن حملت وعمر بنتي سنتين تماما الحين انا حامل في التاسع وعمر بنتي سنتين وتسع شهور واشوفه سن مناااااااااااااااااااسب
اما راي زوجي بعد كل ثلاث سنوات واحد
ومشكوره يالغلا على الموضوع الحلو

السلام عليكم
انا من رايي ان الام تحمل لما الطفل يكمل الثلاث سنوات عشان الطفل وقتها يكون بدا يفهم ومايكونش فيه تعب على الام وكمان ممكن يساعدها في حاجات كتير في البيت

بعد سنتين تفكر الام في البيبي الثاني افضل

يعني مني على ماتولد يصير فرق بينهم ثلاث سنوات

ويعني جسم المراه بعد اعتدل
من الولاده السابقه

وفي حالة التوأم

يفضل بعد ست سنوات

هذا رايي

رأيي انه يكون بعد سنتين على الاقل بحيث يكون الطفل الاول بدأ يكبر و يفهم و ما يحس بالغيره كتير من اخوه الجاى غير كدة تكوني ارتاحتى من الحمل الاول و الرضاعه

عن نفسى اشوف انسب وقت بعد الشهر السادس عسب اليهال يكونون متقاربين فى العمر والوحده ما تتعب فى تربيتهم...

ترى غيرت اليهال مو شوية الام لازم تكون جدا حذره بس يوم يكونون متقاربين فى السن احسن والام تعرف تتعامل معاهم لان المعامله بتكون وحده انا يايبه عيالى ورا بعض والحمد الله ما أنكر التعب بس احس انى اما ابذل مجهود مع الولدين لانهم يقلدون بعض فى كل شئ ...

والولد العود الحمد الله من يسمع اخته اتصيح او مصاصتها طايحه عنها يركض يقولى ماما ريم اتصيح فديت عمره ...

الله يخليهم لى ويرزق كل محروم

انا كنت افكر نفس الشي اخلي الفرق ثلاث سنين على اقل بس شاء الله وقدر اني احمل وبنتي عمرها سنة و4 شهور والحمدلله على كل حال
مشكورة على الموضوع

انا اشووف احسن شي لما البيبي الاول يكمل سنتين ونص تحمل الام .. هذا اللي انا ناويه عليه انشالله

انا كت حاطة في بالي سنه ونص بس الحين بنتي عمرها 8 شهور وقطيت الحبوب والله يرزقني بالولد الصالح ..

انا عمر ولدي الحين سنتين و10 شهور وافكر اني احمل لان اعتبره سن مناسب خصوصا وان الطفل بدأ يتعلم يروح الحمام بروحه عزكم الله وفي اشياء كثيرة يعتمد على نفسه فيه اهني الام ترتاح لان بتكون وفرت من وقتها على العناء فالحمل اهني مناسب جدا

كل 3 سنوات واحد عشان ياخذ كل طفل حقه ..

اهلين انكساري دايم ممتميزة
انا اشوف عقب سنه وايد حلو

انا من رايي بعد سنتين على الاقل والله الموفق مشكوره على هالموضوع

انا رأيي من عقب مايصير عمر الياهل سنة ونص
بس زوجي يبيهم ع بعض :(

التعب لا بد منه لو كان الفرق صغير او كبير
بس حلو الاخوة يكونوا متقاربين في السن
عالأقل اول اثنين يكون الفرق بينهم
مو اقل من سنتين و لا اكثر من ثلاث سنين
و بعدين الام تاخذ راحتها
هذا رأيي

بصراحه انا اشوف لما يخلص الاول 3 او اربع سنين نفكر بالثاني .. وهذا رايي التربيه والمخاطر والمتطلبات الحين مو مثل قبل .. حرام نتلتلهم فوق بعض ونحرمهم من اشياء واجد .. لازم كل واحد ياخذ حقه من كل شي ...

انا من رايي ان اول اثنين يكو نالفرق بينهم 3 سنوات حلو

بعدين 4 سنوات والله يقدرني وما احمل على بنتي قبل لاتكمل سنتين ونص