نصيييب !!!!...

السلام عليكم ورحمه الله وبركاته ..........



دخلت علشان اقولكم اخر الاخبار فى موضوع العريس وهمه اللى مالينا فى البيت ..........


بعد ماكتبت ليكم اخر موضوع انى مهمومه من ساعت الاتفاق والبيت فيه حاجه غريبه ...
جالى انهيار من يومين وسيبت البيت لانى متحملتش الضغط ولا المشاكل دى اكتر من كده ........

والحمدلله كان احساسى اللى جالى صحيح 100%
محمد العريس كل يوم كان يتصل على بابا ويلغى حاجه فى الاتفاق انه مش هيقدر يعملها وغير فى الكلام كله هو وباباه .............

يعنى لما اتقدم قال مفيش مشاكل من اى ناحيه وهنعمل وهنعمل وهنعمل .... ولما جينا وقت الجد لقيناهم زعلانين ومقموصين وكل يوم بحجه ..........

اولا مكنوش عاملين حسابهم انهم يتفقوا فى اليوم اللى جم فيه اتضح انهم كانوا جايين علشان نجيب دبل .....طيب ازاى من غير اتفاق كده؟؟ لا وعايزين الاتفاق يكون فى حضور باباهم .....
طيب هايجى امته؟
فى 7
ازاى؟
والجواز امته؟
فى 7 اول مايجى بابا
بابا قال لا يابنى مينفعش نسيب كل حاجه كده عايمه لازم نحط الخطوط العريضه علشان من هنا ل7 كل واحد يمشى على اللى هيجيبه وكده ..........واتفقوا ووقتها مامته قالت مفيش مشاكل من اى نوع والبيت اللى تختاره هتسكن فيه والشبكه ب .................مبلغ كبييييير
والدكتور اتصل وقال كل طلباتهم اوامر وتتنفذ ........
قولنا دى ناس شاريين وكويسين واحنا مقدرين وهنعمل كل حاجه احلى منهم كمان ........
من تانى يوم بقى باباه اتصل وزعلان من بابا انه اتفق مع ابنه ومراته ........
طيب كانوا جايين ليه؟
ونسيب الامور دى كده ازاى دى خطوبه وهتتحسب وياعالم هيحصل اتفاق ونصيب ولا لآ ..........

المهم يعنى من وقت الاتفاق كل يوم باباه ومحمد يتصلوا ويلغوا حاجه ويقولوا كلام عكس الاول تماااااااااااااما ..............
يعنى بعد ماالمكان اللى اختاره مفيش قدامها الا الشقه دى (صغيره قوى قوى قوى ومكان مش حلو)
الشبكه قللها 7 الاف جنيه .....(بابا قالوا يادكتور عيب تقول كده دى هديه العريس واحنا محددناش من الاول علشان تيجى تقولى هنجيب بكذا بعد ماقولت كذا دى كلها منكم وليكم مش ليا ومش انا اللى احدد شبكه بنتى بنتى اخر حاجه تفكر فيها الدهب)
ورجع تانى قالوا عمتا هنشوف الشقه ممكن نوسعها وعندهم شقه تانيه كبيييييييره بس ال ايه؟ محمد مش بيحبها ........طيب زنبى ايه انا؟

الموضوع مش موضوع كده يابنات الموضوع انهم قالوا كلام ولما جينا وقت الجد قالوا عكسه تماما........

ده غير يابنات الكلام اللى سمعته من الكل والله كلام احبطنى جدا وخلانى عندى يأس انى هتجوز خلاص
كل الكلام فى الاول انى انا اللى بفترى لحاااااد ماجت من عند ربنا وبابا بنفسه اللى نهى الموضوع امبارح مع محمد بعد مانرفزه ودايقه بكلام ........

يعنى بابا بيقوله اميره يابنى بتقول كذا وبابا كان بيقول كذا
يقوله يادكتور انا واميره متفقين وموافقه ....:eek: وده والله ماحصل انا اول مرره كنت اسمع الكلام ده من بابا محمد ولا قالوا ولا سمعته منه قبل كده يعنى طلع كمان بيدبسنى وبيألف كلام وبابا زل منى اكتر وزعقلى فى التليفون انتى بتتفقى معاه وتحرجينى انا معاهم ومش بتقولى وازاى تتفقى معاه وكده .........
قولتله والله ماقاللى الكلام ده اول مرره اسمعه ولو كان قالو كنت هقوله عندى اب اسأله هو ........

ومحمد اتصل عليا امبارح وكان بيضغط عليا ويقوللى بصى احنا هنعمل اى حاجه كده بسرعه فى البيت والفرش وبعدين نبقى نعمل كل اللى احنا عايزينه :eek: طيب ليه؟ هو انا كنت متجوزه قبل كده علشان ادخل بأى حاجه؟
وعايزين يعملوا الفرش عموله ومن غير حتى مااختاره ؟؟ طيب ليه؟؟
وكان فين كلامكم؟

وقفل معايا والله يابنات بعد مارفضت اديله رأيى بالموافقه فى نفس المكالمه ويقوللى قولى موافقه بقى وعرفى باباكى قرارك (يعنى حتى مش عايز هو اللى يطلب بابا ويكلمه)

قولتله ازاى ده قرار مصيرى والموضوع انى بفكر كويس علشان مرجعش اندم (خصوصا يابنات وان ده واحد مكنتش اعرفه ولا كنت بحبه مثلا علشان اضحى ليه من اولها كده ولو ضحيت بالاساسيات الموضوع هيتطور قوى فى كل حاجه بقى) ويقوللى هم 3 اوض بس اللى هجيبهم حتى لو الشقه 200 او 300 متر :eek: يعنى هتفرق معاكى بايه مساحتها؟؟
طيب ده كلام؟؟
طيب مقولتوش كده من الاول ليه وصارحتونا؟؟
واللى مدايقنى انه باباه بقاله 20 سنه فى الخليج ومستواهم المادى ممتاااااااااااااااااااااااااز طيب ليه مزنقينها فى كل حاجه كده؟
وانا جايبه حاجات والله يابنات غااااااااليه قوى فى جهازى بسبب خطيبى السابق حسبى الله ونعم الوكيل ........
طيب انا اتجوز واحد ميكونش جاب ربع حتى اللى انا جايباه ومستخصر كده من اولها ؟؟
قولتله طيب ليه بعدين نجيب مدام كده كده بتقولى بعدها بشهرين هننقل ونجيب فرش جديد؟
قاللى لا نتجوز فى دى (طبعا كلام مش مرتب)
وبعدها وقع فى الكلام ويقوللى اصل بابا قال ده اللى عندنا ومش هنعمل حاجه ....
ويوقع تانى ويقول لا اصلنا فى خلال سنتين (بعد ماكانوا شهرين) هننقل من البيت ؟؟
يعنى انا بيضحك عليا ؟؟

انا لسه جايه من عند قرايبى والله والله الهم كان معايا زى ظللى برضه .........
البيت برضه مش تمام بس احسن من ايامه تصوروا ؟؟
هدينا كلنا
بس بابا زعلان من العريس ومن تصرفاته وزعلان عليه برضه :ss: طيب انا مالى؟؟
هل انا حسيته شارى وقولت لآ ؟؟
كل يوم بكلمه وكلام ياريته كويس لا دول بيلغوا اتفاقيات وبيحط العقده فى المنشار ...............

وانا تعبانه وبجد حاسه انى مش هتخطب تانى وخايفه فعلا من كل حاجه ........
طيب هم الحل فايدهم وهو متصلش حتى يقول خلاص ياجماعه هنعمل اللى قولنا عليه فى الاول
يبقى هو كده شارى ؟؟
ولا انا بس اللى لازم طول الوقت اضحى؟ حتى ولو لواحد غريب :(

حتى ماما جتلى زعلانه قوى وساكته وعماله تبص عليا وانا بعيط


بجد تعبانه
ادعولى ربنا يفرج همى يابنات ارجوووووووكم ادعولى ربنا يرزقنى الزوج الصالح اللى يفرح قلبى بجد المرره دى ..........


فى آمـــــــــــــــان الله