يسعدلي مساكن اليوم حبيت اخبركن عن شي اشتريت كتجربة وجربته وقلت لازم اخبر خواتي
الله يسلمكن المستلزمات كلها من دايسو حبيب الشعب وبالذات في سوالف النيل ارت
اول شي قبل لا ابدأ انا استخدمت اظافر صناعية حق اللي مثل حالتي ما عندها ظفور موليه وانا اركبهن للمناسبات ويوم ما يكون علي صلاة اما اللي ظفورها ما شالله حلوة وطويلة راح تترك كل الخطوات وبتسوي الخطوة الاخيرة بس
اول شي الله يسلمكن انظف ظفورنا ونجهز الظفور الصناعية وانا احب هالنوعية لانه طولها مناسب وما يتعب فالقص والبرد العلبة فيها 10 شرائح من الاظافر وهذي صورته
بعدين هذي صورة الجلو (الصمغ) اللي استخدمه وهذيلا احسن نوعين الاظافر ادوم لفترة طويلة
بعدها نرتب الظفر نقصه على الطول اللي نبغيه ونبرده
اما الان للخطوة المهمة واساس الموضوع الله يسلمكن دايسو منزل فصوص مشكلة جاهزة بس تشلينها وتحطين ع الظفر بدون شل وتركيب وتعب على الظفر بالادوات اللي كنا نستخدمها وهذي صورته
طبعا في اشكال والوان
وهذي بعض الصور على الاظافر بعد التركيب
طبعا انا اخترت اخلي الظفر الصناعي بلونه الاصلي عسب الفصوص تبين بس انتوا طبعا تقدرون تصبغونه باللون اللي يعيبكن
وبس انشالله يكون عجبكن واي استفسار انا حاظرة
ملاحظة: الموضوع شغل ايدي وما احلل اي وحدة تنقل الموضوع ... حقوق النشر بس في منتديات عروس
