يا رب فرج همي يا ذا الجلال والاكرام

السلام عليكم ورحمة الله وبركاته
اخواتي في المنتدى والله مش عارفه كيف بدي ابدى الموضوع بس حبيت فضفضلكم شوي والله اني تعبانه وزهقانه انا بضل لوحدي في البيت لانه زوجي بشتغل في النهار من الساعه 7:30 حتى 3:30 العصر وبعدها بطلع على شغله التاني من الساعه4 الى الساعه 12 بالليل وانا بضل لحالي ما في عندي حد يونسني ويسليني مع اني ساكنه جنب بيت حماي بروح عندهم وبرد برجع وبضل لوحدي في البيت استنى زوجي لما يرجع من شغله علشان يقولي انا تعبان بدي انام وهيك الدنيا نوم ورواح على الشغل ورجعه كمان مره للنوم ورغم هيك الحمد لله على كل شيء ، قبل اسبوعين سلفتي ولدت وجابت بنت وهي معها ولد وتلات بنات وصار الناس يروحوا ويجوا لعندها علشان يباركولها وانا والحمد لله من خمس سنين يعني من حد ما تزوجت ما حد دخل بيتي او جابلي هديه لانه ما صارت عندي مناسبه ليجي حدا عندي، والله انه بروح للسوق لاشتري هديه لفلانه وهديه لفلانه تانيه هاي علشان ولدت وهاي علشان سكنت بيت جديد وهاي علشان رجعت من العمره ......................
والله اني تعبانه وزهقانه لانه معذوره ما بصلي ولا قادره اقرأ قرآن يبرد قلبي ويطمن بالي حاسه اني عايشه لوحدي في هاي الدنيا نفس شي يتغير عندي للاحسن طبعا لانه من تزوجت خمس سنين ما تغير شي وانا من طبعي بحب التغير والتجديد بس الحمد لله رب العالمين.
يا رب فرج همي وازل ضيقي وسهل امري وارزقني بالذريه الصالحه بتواءم حتى اعوض ما فاتني يا رب العزه والجلال ياذا الجلال والاكرام


اللهم اني مسني الضر وانت ارحم الراحمين