بـــاركولي ,, ولدت وجبت احلى فـراس !! ( قصة ولادتي )

الحمد الله على تمام النعمه واكتمال المنه ..
الله رزقني بمولودي الأول فراس الله يحفظه ويخليه لي ..

انا موعد ولادتي المتوقع كان 29\1\2009
بس انا طفت موعدي بكم يوم وولدت بتاريخ 4\2\2009
يوم الاربعاء ليلة الخميس الساعه 6:03 دقائق المغرب (a)

نجي لقصة الولادة ..

بدأ علي الآلم مع اذان الفجر الساعه 5 كان الالم خفيف بس من اول ما ابتدأ علي حسيت ان الم ولادة ..
وكان يجيني كل 10 دقائق وصرت احسب وعيني على الساعه وكان كلما له الالم يزيد وزوجي حس فيني وسألني قلت له ما فيني شي .. وكان عنده شغل وطلع من البيت من وقت 6 ونص ..
وانا قمت صليت وقعدت امشي في الشقه واقرأ آيات .. وشغلت قرآن سورة الزلزله ..
قلت بتصل في زوجي بس خفت ان الم عادي مو الااام ولادة ..
ولما جفت الالم زاد قعدت اصيييح :confused: واتصلت في زوجي وقلت له موووووفادره جان يتخرع ويقولي شفييييييييييييج اقوله فيني آآآآآآآآلم ..
واتصل في عمتي وجتني فوق مسكينه وسوت لي عشبة كف مريم وبخرتني وبعدها اتصلو في امي وحمواتي جوووو وسوو لي حليب وسمسم ورديت تبخرت مره ثانيه وقالولي قومي امشي
وقمت مشيت ومن الالم امشي واقعد .. وزوجي جه وجافني وتخربط المسكين :16:
وانا الالم كان يجيني ويروح وكنت اصيييييح ...... بعدها قالولي قومي روحي المستشفى قلت لهم ابي ادش الحمام ( اكرمكم الله ) دخلت والا اجووف دم .. و ع طول المستشفى ..
رحت المستشفى الساعه 11 الظهر وجو جيكوني 3 سم .. وما زال الالم يروح ويجي بس الحمد لله الكل كان معاي امي وحمواتي وكنت من اتألم امسك بيد احد واللي عصبني التخطيط يبوني ارقد ع ظهري وانا من الالم ما اقدرررر كل شوي يعيدون لي التخطيط وانا لا مبالاه انام ع جنب وردت جت جيكتني 12 ونص وقالت الرحم مفتوح من 3 الى 4 سم .. الى الساعه 4 ونص بدلو ثيابي وودوني غرفة الولادة ( بدأ عندي الرعب ) لان خلوني بروحي وما خلو حد يتم ووووياي .. لما رحت جيكوني 5 سم .. زاد الآآآلم وحسيت نفسي ابي ادفع والنيرس تقولي لا يسووي بووش اقولها مو قادره وتميت ادفع شوي بدون شعور واهي تقول لا لا مو زين ..
وجت ضربتني ابره تحمي الطلق لكن ما قالت لي ، قالولي بتخليج تنامين .. ومن طقوني الابره واناا صرت ادفع بدون شعووور وجت جيكت الا 9 سم .. الحمد لله توسعت في خلال 10 دقائق من 5 الى 9 سم .. وتجمعوا كلهم علييي ورفعوا رجولي :tongue: ..
وقالولي اخذي نفس ودفعي بأقوى شي عندج وصرت اخذ نفس وادفع واهم يقووولون لي اقووووووووووى وانا اسألهم بين الراس يقولون اي اي نجوفه اقوى بوووووووووش
وادفع مره قالولي اقوى وادفع بأقوى ما عندي ..
وشـــــــــــرف:15: فرووووووووس:15: للدنيـــــــا .....
الحمد لله على كل حال
الله يخليه لي ويحفظه ..